ຈີນຄົ້ນຄ້ວາວາງແຜນການສຳລັບວິສາຫະກິດຂະໜາດນ້ອຍ
ຂປລ: ຕາມຂ່າວວິທະຍຸສາກົນ ແຫ່ງປະເທດຈີນ, ໃນວັນທີ 1 ກຸມພາ, ທ່ານ ເວີນເຈຍປາວ ນາຍົກລັດຖະມົນຕີຈີນ ໄດ້ຮຽກຈັດກອງປະຊຸມສາມັນຂອງຄະ ນະລັດຖະບານ ເພື່ອຄົ້ນຄ້ວາຈັດວາງແຜນການ ກ່ຽວກັບການສະໜັບສະໜູນວິສາຫະກິດຂະໜາດນ້ອຍ ໃຫ້ພັດທະນາກ້າວຂຶ້ນຢ່າງປອດໃສ.
ທ່ານ ເວີນເຈຍປາວ ກ່າວໃນກອງປະຊຸມວ່າ ປະຈຸບັນ, ວິສາຫະກິດຂະໜາດນ້ອຍ ໄດ້ເກີດມີບັນຫາຕ່າງໆຄື: ຄວາມກົດດັນໃນດ້ານການດຳເນີນ ທຸລະກິດ ຫຼາຍສົມຄວນ, ຕົ້ນທຶນສູງຂຶ້ນ, ການລະດົມເງິນທຶນຍາກຂຶ້ນ ແລະ ອື່ນໆ. ສະນັ້ນ, ຈີນຕ້ອງເພີ່ມທະວີການສະໜັບສະໜູນຂຶ້ນຕື່ມອີກ. ທ່ານ ເວີນເຈຍປາວ ໄດ້ຮຽກຮ້ອງໃຫ້ພາກສ່ວນຕ່າງໆ ຈົ່ງຈັດຕັ້ງປະຕິບັດນະໂຍບາຍດ້ານອາກອນ ແລະ ການເງິນທີ່ລັດຖະບານໄດ້ກຳນົດໄວ້, ໃນນັ້ນລວມທັງວຽກ ງານການເກັບ ອາກອນມູນຄ່າເພີ່ມ ແລະ ອາກອນທຸລະກິດ ແລະ ອື່ນໆ ແນໃສ່ເຮັດໃຫ້ການປະຕິບັດນະໂຍບາຍຫລຸດອາກອນ ລາຍໄດ້ລົງເຄິ່ງໜຶ່ງສຳລັບວິສາຫະ ກິດຂະໜາດນ້ອຍ ໄປເຖິງທ້າຍປີ 2015 ແລະ ການເປີດກວ້າງຂອບເຂດນະໂຍບາຍດັ່ງກ່າວ.
ນອກຈາກນີ້, ທີ່ປະຊຸມຍັງໄດ້ກຳນົດນະໂຍບາຍ ແລະ ມາດຕະການກ່ຽວກັບ ການສະໜັບສະໜູນວິສາຫະກິດຂະໜາດນ້ອຍ ໃຫ້ມີພັດທະນາຂຶ້ນຕື່ມອີກເຊັ່ນ: ເພີ່ມງົບປະມານສະເພາະກິດສຳລັບວິສາຫະກິດຂະໜາດນ້ອຍ ແລະ ກາງ, ສະໜັບສະໜູນວິສາຫະກິດຂະໜາດນ້ອຍທີ່ສ້າງຕັ້ງຂຶ້ນໃໝ່ ເພື່ອພະຍາຍາມແກ້ໄຂ ຄວາມຫຍຸ້ງຍາກໃນການລະດົມທຶນ, ການເງິນສູນກາງເພີ່ມງົບປະມານໃນການປັບປຸງເຕັກໂນໂລຊີ ເພື່ອສຸມໃສ່ສະໜັບສະໜູນວິສາຫະກິດຂະໜາດ ນ້ອຍ ໃນການນຳໃຊ້ເຕັກໂນໂລຊີໃໝ່, ກຳມະວິທີໃໝ່, ສ້າງຕັ້ງ ແລະ ປັບປຸງເວທີການບໍລິການສາທາລະນະຈຳນວນ 4.000 ກວ່າແຫ່ງ ສຳລັບວິສາຫະກິດຂະ ໜາດນ້ອຍ ແລະ ກາງ./.
ກັບສາລະບານ
