ຫວຽດນາມ ເອົາໃຈໃສ່ຕໍ່ຜູ້ທີ່ມີຄຸນງາມຄວາມດີໃຫ້ປະເທດຊາດ
ຂປລ: ເນື່ອງໃນໂອກາດວັນທະຫານເສຍອົງຄະ, ນັກຮົບທີ່ເສຍສະລະຊີວິດ ຄົບຮອບ 63 ປີ (27/7/1947-27/7/2010) ນັ້ນ, ໃນຕອນເຊົ້າຂອງວັນທີ 27 ກໍລະກົດ ຄະນະຜູ້ແທນຂອງຄະນະບໍລິຫານງານສູນກາງພັກ, ປະທານປະເທດ, ສະ ພາ ແຫ່ງຊາດ, ຄະນະກຳມະການສູນກາງແນວໂຮມ ປະເທດຊາດຫວຽດ ນາມ ໄດ້ໄປ ວາງພວງມາລາ, ຈູດທູບທຽນ ຢູ່ທີ່ອະນຸສາວະລີວິລະຊົນຜູ້ເສຍສະລະຊີວິດ ເພື່ອລ້ຳ ລຶກ ເຖິງບັນດານັກຮົບຜູ້ພິລະອາດຫານ, ນັກຮົບທີ່ເສຍສະລະ ຊີວິດ, ພ້ອມທັງໄປໄວ້ ອາໄລປະທານໂຮ່ຈິມິນ ຢູ່ທີ່ສຸສານຂອງເພິ່ນ ໃນນະຄອນຫລວງຮ່າໂນ້ຍ. ໃນວັນດຽວກັນ, ຄະນະຜູ້ແທນຂອງກະຊວງປ້ອງກັນຊາດ, ກະຊວງຕຳຫລວດ, ກະ ຊວງແຮງງານທະຫານເສຍອົງຄະ ແລະ ແລະສັງຄົມ ຂອງຫວຽດນາມ; ຄະນະພັກ, ຄະ ນະ ກຳມະການປະຊາຊົນ ນະຄອນຮ່າໂນ້ຍ ຕ່າງກໍໄດ້ໄປວາງພວງມາລາ, ຈູດທູບ ທຽນ ເພື່ອລ້ຳລຶກເຖິງບັນດານັກຮົບຜູ້ພິລະອາດຫານ, ນັກ ຮົບ ທີ່ເສຍສະລະ ຊີວິດ, ພ້ອມທັງໄປໄວ້ອາໄລປະທານໂຮ່ຈິມິນ ຢູ່ທີ່ສຸສານຂອງເພິ່ນ ໃນນະຄອນຫລວງ ຮ່າ ໂນ້ຍ ເຊັ່ນດຽວກັນ. ໃນຂະນະດຽວກັນ, ທົ່ວປະເທດຫວຽດນາມ ກໍໄດ້ດຳເນີນການເຄື່ອນໄຫວຫລາຍຢ່າງ ເພື່ອເປັນການຕອບບຸນແທນຄຸນ, ສະແດງຄວາມຮູ້ບຸນຄຸນ ຕໍ່ບັນດາ ນັກຮົບທີ່ເສຍສະລະຊີວິດ, ຕໍ່ບັນດາແມ່ຫວຽດນາມວິລະຊົນ ແລະ ມອບຂອງຂວັນໃຫ້ແກ່ບັນດາຄອບຄົວທີ່ມີນະໂຍບາຍ./.
ກັບສາລະບານ
