ນັກທ່ອງທ່ຽວເກືອບ 3 ລ້ານເທື່ອຄົນ ໄປທ່ອງທ່ຽວໃນກຳປູເຈຍ
ຕົວເລກຢ່າງເປັນທາງການ ຂອງກະຊວງທ່ອງທ່ຽວກຳປູເຈຍ ຊຶ່ງຫາກໍໄດ້ນຳອອກມາເຜີຍແຜ່ ນັ້ນໃຫ້ຮູ້ວ່າ ໃນຈຳນວນນັກທ່ອງທ່ຽວເກືອບ 3 ລ້ານເທື່ອຄົນ ທີ່ໄປທ່ອງທ່ຽວໃນກຳປູເຈຍ ເມື່ອປີ ທີ່ຜ່ານມາ ມີປະມານ 600.000 ເທື່ອຄົນ ເປັນຊາວຫວຽດນາມ, 330.000 ຄົນເປັນຊາວ ສ. ເກົາຫລີ ແລະ 240.000 ຄົນ ເປັນຊາວຈີນ, ຊາວຍີ່ປຸ່ນ 120.000 ຄົນ ແລະ ຊາວ ສ. ອາເມລິກາ 110.000 ຄົນ.
ທ່ານ ອັງ ກິມ ອຽງ, ປະທານສະມາຄົມ ບັນດາບໍລິສັດການທ່ອງທ່ຽວກຳປູເຈຍ ໃຫ້ຮູ້ວ່າ ນັກທ່ອງທ່ຽວເກືອບທັງຫມົດ ທີ່ເຂົ້າໄປທ່ອງທ່ຽວໃນປຳປູເຈຍ ແມ່ນເພື່ອຢ້ຽມຢາມເຂດອັງກໍວັດ ຢູ່ໃນແຂວງສຽມຣຽບ.
ທ່ານ ອັງ ກິມ ອຽງ ຍັງໃຫ້ຮູ້ວ່າ ສະເພາະໃນໄລຍະປີໃຫມ່ປະຈຳຊາດຫວຽດນາມ ປີມະໂລງ 2012 ນີ້, ໂຮງແຮມ 120 ຫລັງຢູ່ທີ່ນີ້ ເຕັມແຫນ້ນໄປ ດ້ວຍນັກທ່ອງທ່ຽວ ເນື່ອງຈາກມີນັກທ່ອງທ່ຽວ ຈາກຫວຽດນາມ ທີ່ໄປທ່ອງ ທ່ຽວໃນຍາມພັກສະຫລອງບຸນປີໃຫມ່ ເປັນຈຳນວນຫລາຍ.
ໃນຂະນະດຽວກັນ, ຊາຍຫາດທະເລທີ່ສວາຍງາມ, ໂດຍສະເພາະແມ່ນຊາຍຫາດໃນນະ ຄອນ ສີຫານຸວິລ (ເມື່ອກ່ອນເອີ້ນວ່າ ກຳປົງໂສມ) ຊຶ່ງຫາກໍໄດ້ຮັບ ການຮັບຮູ້ວ່າ ເປັນຫນຶ່ງໃນຊາຍ ຫາດທະເລງາມທີ່ສຸດຂອງໂລກ ກໍເປັນອີກສະຖານທີ່ຫນຶ່ງ ທີ່ດຶງດູດເອົານັກທ່ອງທ່ຽວສາກົນຈຳນວນ ຫລາຍ./.
ກັບສາລະບານ
