ຄວາມສັດຊື່ປອດໄພ ທີ່ຜູ້ໂດຍສານຢາກໄດ້
* ເມື່ອເດືອນເມສາຜ່ານມາ, ຜູ້ຂຽນໄດ້ລົງເມືອຢາມບ້ານຢູ່ທາງ ພາກໃຕ້ແຂວງຈຳປາສັກໂດຍໄດ້ຂຶ້ນຖ້ຽວ 4 ໂມງ ແລງ ຢູ່
ະຖານີລົດໂດຍ ສານສາຍໃຕ້ (ບ້ານຊ້າງຄູ້) ຊຶ່ງລົດທີ່ຂີ່ນັ້ນແມ່ນລົດເມທຳມະດາໃນລາ 100.000 ກີບ/ຄົນ. ຜູ້ ຂຽນ
ດີໃຈ ຫຼາຍ ທີ່ເຫັນແອັດລົດທັງຫຼາຍທັງຮ້ອງທັງຖາມ, ທັງຈັບທັງຫອບເຄື່ອງສຳພາ ລະຕ່າງໆ ຂອງຜູ້ໂດຍສານ ລວມທັງ
ຂອງ ຜູ້ຂຽນ ດ້ວຍ ຄວາມສຸພາບອ່ອນຫວານ ເຫັນແລ້ວມັນເປັນພາບພົດທີ່ຈົບງາມອັນໝາຍເຖິງ ການບໍລິການທີ່ດີເລີດ.
ຄິດຢູ່ໃນໃຈວ່າ: ຢູ່ເທິງລົດກໍໃຫ້ເປັນແນວນີ້ເດີ! ແຕ່ແລ້ວມັນບໍ່ເປັນດັ່ງທີ່ຄິດເລີຍ. ແມ່ນຫຍັງເກີດຂຶ້ນໃນຖ້ຽວລົດນີ້?
ພ ໍແຕ ່ລົດ ແລ່ນອອກຈາກຄີວ (ຕັ່ງວ່າງຫຼາຍ), ວ່າແຕ່ຮອດບ້ານຄົນສຽງແກລົດກໍດັງຂຶ້ນຄືຫູຊິແຕກ, ວ່າແຕ່ເຫັນຄົນ
ນັ່ງ ຢູ່ແຄມທາງ ກໍ ຈອດລົດທັງເອີ້ນຖາມວ່າ ຊິໄປໃສ ສະຫວັນ, ປາກເຊບໍ່? ຮ້ອນກໍພໍຮ້ອນ (ລົດຕິດແອຄັກແນ່)
ແຕ່ບໍ່ຍອມ ເປີດ, ຄົນໂດຍສານ ເລີ່ມຫຼາຍຂຶ້ນໆ ໃນທີ່ສຸດກໍບໍ່ມີຕັ່ງໃຫ້ນັ່ງ, ເບິ່ງຜູ້ໃດກໍເຫື່ອໄຫຼໄຄຍ້ອຍບາງຄົນ
ເອີ້ນໃສ່ໂຊເຟີລົດ ວ່າ ໃຫ້ເປີດແອແດ່! ແຕ່ແລ້ວ ໂຊເຟີລົດກໍເຮັດແບບບໍ່ໄດ້ຍິນນັ້ນເອງ, ທັງບໍ່ຟັງສຽງທັງບໍ່ເຫຼືອກ
ຕາເບິ່ງດ້ວຍຊ້ຳໄປ. ເອົາສ່ຳນີ້ ກ່ອນນໍ! ຕອນກັບຄືນ ສູ່ນະ ຄອນ ຫຼວງວຽງຈັນ, ຜູ້ຂຽນລັດຂຶ້ນລົດຢູ່ບ້ານນາຫຼັກ
ເມືອງຊະນະສົມບູນ ໂອໂຮ່ ຍິ່ງຮ້າຍ ແຮງໜັກ ໜ່ວງກ່ວາຂາລົງໃຕ້! ການເກັບຄ່າໂດຍສານກໍເອົາແຕ່ຢາກຮ້ອງ
ຢາກເກັບບໍ່ຈັກວ່າຂຶ້ນໄກຫຼືໃກ້ (ເກັບ ຕາມ ກາດ), ໃນຂະນະທີ່ພວມຊອກຫາ ບ່ອນນັ່ງ ຢູ່ນັ້ນ, ນ້ອງສາວຄົນໜຶ່ງ
ລົ້ມທັງຢືນກໍຍ້ອນວ່າ ການອອກລົດແບບ ຟ້າວຟັ່ງ ນີ້ແມ່ນກໍລະນີໜຶ່ງ. ສ່ວນກໍລະນີສອງກໍຄືການ ແລ່ນລົດໄວ
ແລະ ແລ່ນແຊງກັນ ເພື່ອຍາດເອົາຄົນໂດຍສານ, ໃນຂະ ນະ ນັ້ນຝົນກໍກະໜ່ຳລົງມາ, ຟ້າກໍມືດຄຶ້ມ, ຫົນ
ທາງກ ໍປຽກ ມື່ນ, ທາງໂຄ້ງກາຍເປັນທາງຊື່ ເມື່ອເພິ່ນແຊງ ກັນ ບາດ ໃດ ກໍຄືລົດຊິປີ້ນຊິຂວ້າມ, ຄົນໂດຍ
ສານທັງຫຼາຍຕ່າງ ກໍໜ້າ ລ່າ ຕາເຫລືອງໄປຕາມໆກັນ, ຊາວຕ່າງປະເທດ 4 ຄົນທັງຝຣັ່ງ ແດ່,ຍີ່ປຸ່ນນຳກໍ
ໄດ້ແນມໜ້າກັນທັງເຫຼືອດ ຊ້າຍແນມຂວາເບິ່ງ ໜ້າ ຄົນລາວ. ສ່ວນຜູ້ຂຽນເອງກໍ ໄດ້ແຕ່ ພາວະນາຢ່າ
ໃຫ້ ເຫດຮ້າຍເກີດຂຶ້ນ, ຂໍໃຫ້ໄປຮອດຈອດຝັ່ງກັນໝົດທຸກຄົນດ້ວຍເຖີ້ນ! ຖ້າຈະວ່າ ເປັນການເອົາຕົວ
ລອດ ເປັນຍອດດີ ໃນ ເວລານັ້ນ ກໍຄົງບໍ່ຜິດ,ຈຶ່ງຍ່າງໄປບອກໂຊເຟີໃຫ້ຈອດ
ລົດເພື່ອຈະໄປ ຂີ່ລົດຄັນ ໃໝ່, ແຕ່ໂຊເຟ ີຄືຊິເຂົ້າ ໃຈດີ, ແຕ່ພັດເວົ້າ ໂອ້ ອວດວ່າ: ບໍ່ຕ້ອງຢ້ານ, ຂັບ
ລົດມາຫຼາຍປີແລ້ວທັງບອກວ່ານີ້ແມ່ນລົດຂອງຂ້ອຍ ຂ້ອຍ ກໍແພງຄື ກັນນັ້ນລະ ແລະ ສັນຍາວ່າ:
ຈະແລ່ນແຊງຮອດແຕ່ເມືອງຄົງນີ້ກໍເຊົາດອກ! ຫຼັງຈາກພັກຜ່ອນເຊົາແຮງຊື້ສິ່ງ ຂອງ ຕ່າງໆ ແລ້ວ,
ລົດກໍແລ່ນອອກ, ແຕ່ບໍ່ພໍຄາວພັດເກີດເລື່ອງຂຶ້ນອີກຈົນໄດ້ລະຫວ່າງຄົນໂດຍສານ ແລະ
ທ້າວແອັດລົດ. ຕອນ ຢູ່ຄີວລົດຫຼັກ 7 ປາກເຊ, ຜູ້ໂດຍ ສານຄົນນີ້ຖາມວ່າ: ລົດນີ້ເຂົ້າຮອດ
ສະຫວັນບໍ່? ແອັດລົດກໍຕອບວ່າ: ເຂົ້າຮອດ ສະ ຫວັນ ເອື້ອຍ ທັງ ເລັ່ງ ທັງສັ່ງໃຫ້ຂຶ້ນລົດ, ແຕ່ຊິ
ຮອດພັດບໍ່ເຂົ້າ ສະຫວັນ ກໍເລີຍເກີດການຕໍ່ວ່າ ຕໍ່ຂານ ກັນກໍເລີຍເປັນ ເລື່ອງ ກັນໜ້ອຍໜຶ່ງ ຄົນ
ໂດຍສານທັງຫຼາຍກໍເລີຍຈົ່ມເລີຍເວົ້າວ່າ: ເວົ້າບໍ່ມີສັດຈະ! ແລະ ກໍມີຫຼາຍໆ ຄຳສຳມະປິແຕ່ຄົນ
ໂດຍສານ ຊິວ່າ ເຊິ່ງ ມັນກໍຈາກຄວາມຂີ້ຕົວະຫຼອກລວງຂອງໂຊເຟີ ແລະ ແອັດລົງນັ້ນເອງ.
ເມື່ອທົນຕໍ່ສຽງຈົ່ມສຽງວ່າບໍ່ໄຫວກໍເລີຍເປີດເພງດັງຖ້ວມລົດເລີຍ. ຄົນໂດຍ ສານຕ່າງປະເທດ
ບໍ່ຮູ້ອີ່ໂໜອີ່ເໜ່ ຫຍັງກໍໄດ້ ແຕ່ ແນມ ເບິ່ງໜ້າກັນ, ຖ້າເຂົາຮູ້ຄວາມເຮົາກໍຖືວ່າເປັນເລື່ອງທີ່ໜ້າລະ
ອາຍທີ່ສຸດແມ່ນບໍ່?.
ເລົ່າມາຍາວສົມຄວນ,ຈຶ່ງໄດ້ແຕ່ຫວັງວ່າ ຫດການນີ້ຄົງຈະບໍ່ເກີດຂຶ້ນກັບລົດ ແລະ ຄົນໂດຍສານ
ຄັນອື່ນໆເນາະ ເຊິ່ງຈຸດ ທີ່ ຕ້ອງ ແກ້ໄຂໃນເລື່ອງນີ້ກໍແມ່ນເຈົ້າຂອງລົດເອງທີ່ກ່ວາຈະໄດ້ຮັບອະນຸຍາດ
ໃຫ້ດຳເນີນກິດຈະການດ້ານ ນີ້ກໍບ ໍ່ແມ່ນ ຂອງງ່າຍ, ຂະນະດຽວກັນກໍຂໍໃຫ້ມີສາມັນສຳນຶກອີກວ່າ:
ຫຼາຍຕໍ່ຫຼາຍຊີວິດແມ່ນຂຶ້ນກັບການບັນຊາພວງມະໄລ ຂອງໂຊ ເຟີລົດ. ນອກນີ້, ກໍໃຫ້ມີຄວາມຈິງໃຈ, ຄວາມຊື່ສັດກັບຕົນເອງກໍຄືຜູ້ໂດຍສານເວົ້າລວມແລ້ວຢ່າເຫັນແກ່ຕົວເກີນໄປ, ຢ່າ ຫວັງ ແຕ່ພຽງເງິນຂ
ໍໃຫ້ ມີຈັນຍາບັນນຳແດ່ ແລະປະຕິບັດກົດລະບຽບຂອງບ້ານເມືອງຢ່າງເຂັ້ມງວດຕື່ມອີກ, ຂະນະ
ທີ່ ເຈົ້າໜ້າທີ່ໆກ່ຽວຂ້ອງເຊັ່ນ: ໂຍທາທິການ-ຂົນສົ່ງ, ສະມາຄົມລົດໂດຍສານຕ້ອງໄດ້ຊ່ວຍແນະນຳຕັກເຕືອນກັນ ເລື້ອຍໆ ເພື່ອຄວາມເປັນລະບຽບຮຽບ ຮ້ອຍ, ຄວາມປອດໄພຂອງຜູ້ໂດຍສານທັງຫຼາຍ./.
ຂົວມິດຕະພາບ ແຫ່ງທີ 2 ກັບຜົນປະໂຫຍດປະຊາຊົນ ທ້ອງຖິ່ງຈະໄດ້ຮັບ
*ມີໂອກາດໄດ້ລົງເກັບກຳຂ່າວຢູ່ແຂວງສະຫວັນນະເຂດ ກ່ຽວກັບການຫັນວຽກງານ ສ່ວຍສາອາກອນ, ຄັງເງິນ ແລະ ພາ ສີ 3 ແຂວງພາກກາງ ຂຶ້ນກັບສາຍຕັ້ງ. ເຖິງວ່າມີເວລາບໍ່ຫລາຍ, ແຕ່ພວກເຮົາກໍ່ໄດ້ຍາດ ເວລາ ທ່ຽວຊົມຄວາມງົດງາມ ແລະ ການພັດທະນາ ຂອງ ດິນແດນແຫ່ງໄດໂນເສົາເກົ່າແກ່ລືຊາແຫ່ງນີ້ ເຊິ່ງ ປະຈຸບັນໄດ້ ມີການພັດທະຂຶ້ນອີກ ບາດກ້າວໜຶ່ງ ຊຶ່ງໄດ້ຢ່າງປະຈັກຕາ ກໍ່ຄືຖະໜົນຫົນທາງສາຍຫລັກໆ ໄດ້ຮັບການປັບປຸງກໍ່ສ້າງໃຫ້ມີຄວາມ ສະອາດ ສວຍງາມ ທັງຮັບປະກັນໃຫ້ແກ່ການສັນຈອນໄປມາ ໄປພ້ອມໆ ກັບເຮືອນຊານ ບ້ານຊ່ອງ ຂອງປະຊາຊົນພວມ ໄດ້ຮັບ ການກໍ່ສ້າງຂຶ້ນ ມີທັງແບບບູຮານແລະທັນສະໄໝຕັ້ງຢັງຢາຍໄປຕາມຄຸ້ມບ້ານ ຕ່າງໆ ຢ່າງສວຍງາມ. ພ້ອມນີ້ພື້ນ ຖານ ໂຄ່ງລ່າງຮັບໃຊ້ໃຫ້ແກ່ການພັດທະນາອື່ນໆ ກໍ່ໄດ້ຮັບການສ້າງຕັ້ງຂຶ້ນໄດ້ເປັນຢ່າງດີ ໜຶ່ງໃນນີ້ ກໍຄືຂົວມິດຕ ະພາບ ຕະພາບ II ຊຶ່ງພາຍຫລັງ ສ້າງສຳເລັດ ແລະ ເປີດນຳໃຊ້ເປັນທາງການ ກໍ່ໄດ້ ກາຍເປັນອີກໜຶ່ງທ່າແຮງສຳຄັນ ປະກອບ ສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງສະຫວັນນະເຂດ ໃຫ້ມີທ່າດີຂຶ້ນຊັກໄຊ້.
ໃນຕອນບ່າຍ ຂອງວັນທີ 10 ເມສາ 2008 ສັງເກດໄດ້ພຽງປະມານ 2 ຊົ່ວໂມງ ຢູ່ບໍລິເວນຂົວມິດຕະພາບ II ໄດ້ມີພາຫະ ນະຊະນິດຕ່າງໆ ແລະ ຄົນເຂົ້າໆອອກໆບໍ່ຂາດສາຍ ອັນໄດ້ເຮັດບັນຍາກາດຢູ່ທີ່ນັ້ນບໍ່ມີຍາມງຽບເຫງົາ, ເບື້ອງເຈົ້າໜ້າ ທີ່ໆ ກ່ຽວຂ້ອງກໍ່ຫັນຫ້າວເຮັດວຽກບໍລິການຢ່າງບໍ່ມີຍາມພັກເຊົາ. ນອກຈາກເປັນປະຕູເຂົ້າ-ອອກສຳຄັນແລ້ວ ດ່ານແຫ່ງ ນີ້ ຍັງ ມີ ພຽບ ພ້ອມຫລາຍສິ່ງເອື້ອອຳນວຍໃຫ້ແກ່ຜູ້ມາຜ່ານ ເຊັ່ນ ມີລະບົບທະນາຄານ, ຮ້ານຊັບພະສິນຄ້າປອດພາສີ ແລະ ອື່ນໆ.
ທ່ານ ຄຳຫລ້າ ໄຊຍະວົງ, ຫົວໜ້າດ່ານຂົວມິດຕະພາບ II ລາວ-ໄທ ໄດ້ໃຫ້ສຳພາດຕໍ່ນັກຂ່າວພວກເຮົາວ່າ : ນັບແຕ່ ມື້ ເປີດດ່ານ ມາເຖິງປະຈຸບັນ ເຖິງວ່າ ໃນເບື້ອງຕົ້ນສະພາບການເຂົ້າ-ອອກ ບໍ່ທັນມີຫລາຍປານໃດ ໂດຍສະເລ່ຍເຂົ້າ- ອອກມີປະມານ 700 ຄົນຕໍ່ວັນ, ແຕ່ຕໍ່ມາເຫັນວ່າຕົວເລກມີລັກສະນະເພີ່ມຂຶ້ນ, ໂດຍສະເພາະມີຄົນເຂົ້າ-ອອກປະ ມານ1800- 1900 ຄົນຕໍ່ວັນ, ສະເພາະໄລຍະທີ່ມີບຸນສຳຄັນທາງປະເພນີ ກໍຈະມີຄົນເຂົ້າ-ອອກຫລາຍກວ່າມື້ປົກກະຕິ. ສຳລັບພາຫະນະສະເລ່ຍການເຂົ້າ- ອອກ ລະຫວ່າງ 150 - 160 ຄັນຕໍ່ວັນ ຊຶ່ງຖືວ່າຍັງເປັນຕົວເລກທີ່ຕ່ຳຢູ່ ຖ້າທຽບໃສ່ ຕົວເລກທີ່ໄດ້ສຶກສາໄວ້ ເບື້ອງຕົ້ນ ຄື ຕົວເລກຄາດຄະເນໃນສົກປີ 2006-2007 ຈະມີປະມານ 600 ກວ່າຄັນ, ໃນຕົວ ຈິງໄດ້ພຽງ 50%; ໃນນີ້ ລົດສ່ວນຕົວ ກວມເອົາ 50%, ລົດໂດຍສານປະມານ 10-20%, ສ່ວນເຫລືອ ນັ້ນແມ່ນ ລົດຂົນສົ່ງ.
ຫົວໜ້າດ່ານຂົວມິດຕະພາບ II ຍັງໃຫ້ຮູ້ວ່າ ການຂົນສິນຄ້າຂາອອກ ສ່ວນຫລາຍແມ່ນຂົນສົ່ງແຜ່ນທອງ ຈາກໂຮງງານ ບໍ່ຄຳເຊໂປນ, ຮອງ ລົງມາແມ່ນການຂົນສົ່ງເຄື່ອງປ່າຂອງ ດົງ ແລະ ຜະລິດຕະພັນໄມ້ຈຳນວນໜຶ່ງ. ສ່ວນເບື້ອງຂາເຂົ້າ ສ່ວນຫລາຍແມ່ນສິນຄ້າໃຊ້ສອຍທົ່ວໄປເຊັ່ນ: ວັດສະດຸກໍ່ສ້າງ ທີ່ຍັງບໍ່ມີຄວາມສາມາດຜະລິດໄດ້ຢູ່ພາຍໃນປະເທດ ເຊັ່ນ: ນ້ຳມັນເຊື້ອໄຟ, ພາຫະນະ, ອຸປະ ກອນຮັບໃຊ້ໃຫ້ແກ່ໂຄງການລົງທຶນຂອງຕ່າງປະເທດຢູ່ລາວ, ແຕ່ໄດ້ມີການຄຸ້ມ ຄອງ ແບບຄົບຖ້ວນ ແລະ ອຳນວຍຄວາມສະດວກເປັນປົກກະຕິ ພາຍໃຕ້ລະບຽບກົດໝາຍ ຂອງ ສປ ປ ລາວ. ການ ໃຫ້ການບໍລິການແມ່ນຄືກັນກັບຢູ່ນະຄອນຫລວງວຽງຈັນ ຄືເລີ່ມແຕ່ 6 ໂມງເຊົ້າ ເຖິງ 10 ໂມງກາງຄືນ; ອັນໄດ້ເຮັດ ໃຫ້ ໃນສົກປີຜ່ານມາ ຄ່າທຳນຽມຄົນເຂົ້າ-ອອກ ແລະ ລົດມີຍອດການເກັບຄ່າການບໍລິການຕ່າງໆ ບັນລຸໄດ້ຫລາຍກວ່າ 6 ຕື້ກີບ; ໃນນີ້ບໍ່ນັບລາຍຮັບພາສີ ຊຶ່ງທັງໝົດໄດ້ປະຕິບັດຕາມດຳລັດເລກທີ 02 ເປັນເອກະພາບກັນໃນທົ່ວປະເທດ. ຢ່າງໃດກໍ່ດີ ໃນອະນາຄົດໜ້າ, ທ່ານ ຫົວໜ້າດ່ານ ໄດ້ໃຫ້ຮູ້ວ່າ ຈະທຳການກວດການຢູ່ຈຸດດຽວ ເພື່ອເອື້ອອຳນວຍ ໃຫ້ ແກ່ ການໄປມາພົວພັນຊື້ຂາຍ, ການທ່ອງທ່ຽວທັງຮັບປະກັນໃຫ້ແກ່ການຈັດເກັບລາຍຮັບບັນລຸຕາມແຜນການທີ່ວາງໄວ້.
ພວກເຮົາມີເວລາຢູ່ດ່ານຂົວມິດຕະພາບ II ໃນໄລຍະສັ້ນ ແຕ່ເຫັນຜູ້ຄົນເຂົ້າ-ອອກບໍ່ຂາດ ທັງແມ່ຄ້າຊາວຂາຍ, ປະຊາ ຊົນ, ນັກທ່ອງທ່ຽວທັງຊາວອາຊີ ແລະ ເອີຣົບ...ດ້ວຍການບໍລິການຖືກກັບມາດຕະຖານເປັນທີ່ເພິ່ງພໍໃຈ ແກ່ຜູ້ມາໃຊ້ບໍລິ ການຢູ່ ດ່ານກໍຈະເຮັດໃຫ້ມີລູກຄ້ານັບມື້ນັບເພີ່ມຂຶ້ນແນ່ນອນ.
ການເຄື່ອນຍ້າຍສິນຄ້າແລະຄົນຂ້າມແດນໃນອານຸພາກພື້ນ
ທີ່ຈຸດຜ່ານແດນລາວ-ຫວຽດ ສະດວກຂຶ້ນ
ການຈັດຕັ້ງປະຕິບັດສັນຍານີ້ ຈະເຮັດໃຫ້ເສັ້ນທາງຂົນສົ່ງເສັ້ນນີ້ປ່ຽນໄປສູ່ແລວທາງເຊື່ອມຕໍ່ເສດຖະກິດ ຢ່າງເຕັມ ຮູບ ແບບໄດ້ໄວຂຶ້ນ
ເຊິ່ງການຄ້າຂ້າມແດນ,ການລົງທຶນ,ການທ່ອງທ່ຽວ ແລະໂອກາດສຳລັບການຜະລິດອື່ນໆ ກໍຄາດວ່າ ຈະເພີ່ມຂຶ້ນແລະອຸດົມ
ໄປດ້ວຍສິນຄ້າ, ລົດລາພາຫະນະ ແລະຜູ້ຄົນເຄື່ອນຍ້າຍໄປມາງ່າຍດາຍກວ່າເກົ່າ.
ການທົດລອງຈັດຕັ້ງປະຕິບັດສັນຍາ ວ່າດ້ວຍການຂົນສົ່ງສິນຄ້າຂ້າມແດນ ທີ່ຈຸດຜ່ານແດນ ດ່ານສະຫວັນ-ລາວບາວ
ໄດ້ເລີ່ມຕົ້ນໃນວັນທີ 30 ມິຖຸນາ 2005. ການທົດລອງຈັດຕັ້ງປະຕິບັດດັ່ງກ່າວລວມມີການຢຸດແລະກວດກາບ່ອນດຽວ
ທີ່ໄດ້ຮັບການປະຕິບັດເປັນຂັ້ນໆ ເຊິ່ງມີເຈົ້າຫນ້າທີ່ຊາຍແດນຂອງ ທັງສອງປະເທດ, ເລີ່ມຈາກພາສີ, ຈາກນັ້ນ
ກໍເຈົ້າ ຫນ້າ ທີ່ກັກກັນສັດແລະພືດ ແລະເຈົ້າຫນ້າທີ່ກວດຄົນເຂົ້າ- ອອກ ເມືອງຮ່ວມກັນປະຕິບັດຫນ້າທີ່ພ້ອມ
ເທົ່ານັ້ນ ແລະບໍ່ ຕ້ອງ ກວດຢູ່ຈຸດຊາຍແດນ ຂາອອກ ຕື່ມອີກ, ທັງສອງປະເທດຍັງໄດ້ຕົກລົງກັນ ກ່ຽວກັບການແລກ
ປ່ຽນສິດທິໃນ ການ ສັນ ຈອນເຊິ່ງອະນຸຍາດໃຫ້ລົດລາພາຫະນະເດີນໄປມາລະຫວ່າງສອງ
ປະເທດຢ່າງ ສະດວກ ສະບາຍ.
ບາງຜົນປະໂຫຍດທີ່ໄດ້ຈາກແຜນການທົດໄດ້ມີການຮ່ວມມືຢ່າງໃກ້ຊິດ ລະຫວ່າງສຳນັກງານອົງການຕ່າງໆ ໃນແຕ່ ລະ ປະເທດລວມທັງມີການຕົກລົງກັນແລກປ່ຽນຂໍ້ມູນລ່ວງຫນ້າທີ່ຈະເຮັດໃຫ້ການແຈ້ງກ່ຽວກັບສິນຄ້າທີ່
ມີຄວາມ ສ່ຽງ ຕ່ຳ ນັ້ນ ໄວຂຶ້ນ.
ຕາມການສຳຫລວດກ່ຽວກັບການປ່ອຍລົດໄດ້ປະເມີນວ່າເວລາຜ່ານດ່ານຂອງລົດບັນທຸກສິນຄ້ານັ້ນ ໄດ້ຫລຸດລົງໂດຍ ສະເລ່ຍ
70% ຄືຈາກ 240 ນາທີ ເຫລືອພຽງ 80 ນາທີ “.
ການຈັດຕັ້ງປະຕິບັດສັນຍາວ່າດ້ວຍການຂົນສົ່ງຂ້າມແດນ GMS ທີ່ຈຸດຜ່ານ
ແດນ ດ່ານສະຫວັນ-ລາວບາວ ນັ້ນພວມຄ່ອຍໆ ຫັນປ່ຽນແລວທາງເຊື່ອມຕໍ່ເສດຖະກິດ ຕາເວັນ ອອກ-ຕາເວັນຕົກມາເປັນຂົວ
ດິນຕໍ່ແຜ່ນໄປແລ້ວ”. ພະນະທ່ານ ສົມມາດ ພົນເສນາ, ລັດຖະມົນຕີ ວ່າການກະ ຊວງໂຍ ທາທິການແລະຂົນສົ່ງ ຂອງ ສປປລາວ
ໃຫ້ຄຳເຫັນຕື່ມ ວ່າ “ຂະນະນີ້ ສປປລາວ ພວມ ຕັ້ງໃຈລໍ
ຄອຍ ວັນທີ່ຄຳວ່າ ປະ ເທດ ບໍ່ມີທາງອອກສູ່ທະເລ ນັ້ນຈະກາຍເປັນຝັນ
ຮ້າຍໃນອະດີດ”.
ການກ້າວໄປເຖິງຄວາມເປັນເອກະພາບສຸດ ທ້າຍ ກ່ຽວກັບສັນຍາວ່າດ້ວຍການຂົນສົ່ງຂ້າມແດນແລະເອ
ກະສານ ຊ້ອນທ້າຍ ແລະບົດບັນທຶກ ກໍຄືການທົດ ລອງຈັດ ຕັ້ງ ປະຕິບັດສັນຍາ ດັ່ງກ່າວແມ່ນໄດ້ຮັບການສະຫນັບສະຫນູນ
ຈາກໂຄງການຊ່ວຍເຫລືອດ້ານວິຊາ ການຂອງທະ ນາ ຄານພັດທະນາອາຊີ ຕໍ່ບັນດາປະເທດແມ່ນ້ຳຂອງ.ຂໍ້ລິເລີ່ມ ນັ້ນເປັນ
ສ່ວນຫນຶ່ງຂອງແຜນງານ GMS ທີ່ທະນາຄານ ພັດທະນາອາຊີໃຫ້ການ ສະຫນັບສະຫນູນ./.
|
