ອາຫານຫມູລາຄາແພງ ຜູ້ລ້ຽງຫມູທໍ້ຖອຍໃຈ
“ຍອມຮັບວ່າທຸລະກິດການລ້ຽງຫມູຂອງຂ້າພະເຈົ້າແມ່ນພົບພໍ້ກັບບັນຫາຫນັກ ຍ້ອນວ່າຕົ້ນທຶນຂອງການລ້ຽງແມ່ນເພີ່ມຂຶ້ນເລື້ອຍໆ ນັ້ນກໍ່ຍ້ອນວ່າລາຄາອາຫານສັດ, ໂດຍສະເພາະແມ່ນຫົວອາຫານຫມູທີ່ນຳເຂົ້າຕ່າງປະເທດ ແມ່ນມີລາຄາ ແພງຂຶ້ນເກືອບເວົ້າ ໄດ້ ວ່າ ການລ້ຽງຫມູໃນໄລຍະປະຈຸບັນແມ່ນຢູ່ທຶນ“. ນີ້ແມ່ນຄຳເວົ້າຂອງທ່ານ ສິງຄົມລັດ ສະຫມີ ຊຶ່ງທ່ານແມ່ນຫນຶ່ງ ໃນບັນ ດາຜູ້ປະ ກອບ ກິດຈະການລ້ຽງຫມູພັນຂອງເມືອງຈຳພອນ ແຂວງ ສະ ຫວັນນະເຂດ. ຟາມລ້ຽງຫມູຂອງທ່ານ ສິງ ຕັ້ງຢູ່ບ້ານດົງຕະຫຼຽງຫ່າງຈາກເທ ສະບານເມືອງຈຳພອນ ມາທາງທິດຕາເວັນຕົກ ປະມານ 5 ກິໂລແມັດ ຟາມລ້ຽງຫມູແຫ່ງນີ້ ຖືວ່າເປັນຟາມ ຂະຫນາດໃຫຍ່ສົມຄວນ ແລະລະບົບການລ້ຽງໝູ ຢູ່ໃນຟາມ ກໍ່ຖືກຈັດໃຫ້ມີຄວາມເປັນລະ ບຽບຖືກຕ້ອງຕາມຫຼັກວິຊາການຄັກແນ່ ໂດຍສະເພາະແມ່ນບັນຫາດ້ານສິ່ງແວດລ້ອມເຫັນໄດ້ວ່າເຮັດໄດ້ດີ. ເຖິງຢ່າງໃດກໍຕາມກຳ ລັງການລ້ຽງຫມູ ຫຼືຜະລິດລູກຫມູຂາຍຂອງຟາມແຫ່ງນີ້ແມ່ນມີຈຳນວນຫລຸດລົງ ທັງນີ້ຍ້ອນວ່າຕົ້ນທຶນໃນການລ້ຽງແມ່ນສູງຂຶ້ນ ຍ້ອນລາຄາຫົວ ອາຫານສັດທີ່ນຳເຂົ້າຈາກຕ່າງປະເທດມີລາຄາແພງ ແລະ ຮຳທີ່ໃຊ້ເກືອຫມູກໍ່ມີລາຄາແພງຂຶ້ນ ເຊັ່ນດຽວກັນ ໃນຂະ ນະທີ່ລາຄາຂາຍຫມູອອກສູ່ຕະຫລາດຊ້ຳພັດຍັງຄືເກົ່າ. ທ່ານ ສິງ ໄດ້ເລີ່ມບຸກເບີກເນື້ອ ທີ່ປະມານ 1 ເຮັກຕາ ເພື່ອປຸກເຮືອນລ້ຽງຫມູ ແລະ ຂຸດຫນອງສະ ສຳ ລັບລະບາຍນ້ຳເປື້ອນຈາກຄອກຫມູ ແລະ ໄດ້ທຳການລ້ຽງຫມູ ໃນປີ 2002 ດ້ວຍການລົງທຶນໃນເບື້ອງ ຕົ້ນ 200 ກວ່າລ້ານກີບ ໃນເບື້ອງຕົ້ນແມ່ນຊື້ພໍ່ພັນຫມູ 1 ໂຕ ແລະ ແມ່ພັນຫມູ 10 ໂຕຈາກປະເທດໄທ, ເມື່ອໄດ້ທຳ ການລ້ຽງຫມູ ໃນ ໄລຍະ 2-3 ປີທຳອິດ ເຫັນໄດ້ວ່າທຸລະກິດໄປໄດ້ດີ ແລະ ມີກຳໄລສົມຄວນ ສ່ວນໃຫຍ່ແມ່ນຜະລິດລູກຫມູຂາຍປີ ຫນຶ່ງປະມານ 1.000 ໂຕ, ໂຕລະ 250.000 -300.000 ກີບ. ແຕ່ວ່າຕົກມາປີກາຍມາຮອດປະຈຸບັນລາຄາຫົວອາຫານສັດທີ່ນຳເຂົ້າຈາກ ຕ່າງ ປະເທດໄດ້ເພີ່ມຂຶ້ນ ຊຶ່ງສົ່ງຜົນກະທົບໂດຍກົງຕໍ່ການລ້ຽງຫມູ ແລະ ສັດລ້ຽງປະເພດຕ່າງໆ. ປະຈຸບັນພາຍໃນຟາມ ລ້ຽງຫມູຂອງ ທ່ານ ສິງ ມີຫມູທັງຫມົດປະມານ 153 ໂຕ, ໃນນັ້ນ ຫມູແມ່ນພັນ 50ໂຕ, ຫມູພໍ່ພັນ 5 ໂຕ ແລະ ຫມູຂຸນ 100 ກວ່າໂຕ ຖ້າຄິດ ເປັນ ມູນຄ່າຂອງໝູທັງໝົດ ທີ່ມີຢູ່ໃນຟາມ ໃນປະຈຸບັນຈະຕົກຢູ່ປະມານ 400 ລ້ານກີບ. ທ່ານ ສິງ ຄົມລັດສະ ຫມີ ໄດ້ກ່າວຕື່ມອີກວ່າ: ປະຈຸບັນຕະ ຫລາດແມ່ນຍັງມີຄວາມຕ້ອງ ການຊີ້ນຫມູຫລາຍ, ແຕ່ກຳລັງການຜະ ລິດຊ້ຳພັດຍັງຕອບສະຫນອງ ໃຫ້ບໍ່ໄດ້, ມີຟາມລ້ຽງຫມູຫລາຍບ່ອນກໍ່ໄດ້ປິດກິດຈະການລົງຍ້ອນເຫດຜົນດຽວກັນຄືຕົ້ນທຶນການລ້ຽງສູງເກີນໄປ, ສ່ວນຟາມລ້ຽງຫມູ ຂອງ ທ່ານ ສິງເອງ ກໍ່ບໍ່ສາມາດຂະຫຍາຍການ ລ້ຽງໃຫ້ເພີ່ມຂຶ້ນໄດ້ ສະນັ້ນຈຶ່ງໄດ້ລໍຖ້າແຕ່ຈັງຫວະລາຄາອາຫານຫມູ ມີລາຄາຫລຸດລົງ ຫຼືບໍ່ດັ່ງນັ້ນກໍ່ແມ່ນລາຄາຊີ້ນຫມູຖືກປັບຂຶ້ນສ່ວນໃດສ່ວນຫນຶ່ງ ຈຶ່ງຈະເຮັດໃຫ້ທຸລະກິດການລ້ຽງຫມູພັນຂອງທ່ານສິງ ແລະ ຟາມ ອື່ນໆ ດຳເນີນໄປຢ່າງຄ່ອງແຄ້ວ ແລະ ສະດວກສະບາຍກວ່າທີ່ເປັນຢູ່ໃນປະຈຸບັນ. ສະນັ້ນຕໍ່ກັບບັນຫານີ້ ທ່ານ ສິງ ຈຶ່ງຢາກສະເໜີໃຫ້ພາກສ່ວນທີ່ກ່ຽວ ຂ້ອງຊ່ວຍແກ້ໄຂບັນຫາດັ່ງກ່າວໃຫ້ຊາວ ກະສິກອນຜູ້ທີ່ປະ ກອບການລ້ຽງສັດປະເພດຕ່າງໆເປັນສິນຄ້າ, ໂດຍສະເພາະກໍ່ແມ່ນບັນຫາອາ ຫານສັດ. ຖ້າວ່າປະເທດເຮົາມີຄວາມອາດສາມາດ ໃນການຜະລິດຫົວອາຫານສັດທີ່ມີຄຸນນະພາບດີ ເທົ່າທຽມກັບຜະລິດຕະພັນອາຫານສັດທີ່ນຳເຂົ້າຈາກຕ່າງປະເທດ ອາດຈະເປັນ ສິ່ງທີ່ດີກວ່າ ເພາະ ເຊື່ອວ່າຕົ້ນທຶນຂອງການຜະລິດພາຍໃນຈະຕ້ອງມີລາຄາຖືກກວ່າການນຳເຂົ້າຈາກຕ່າງປະເທດແລະ ຜົນດີອີກ ດ້ານຫນຶ່ງກໍ່ຈະສາມາດເຮັດໃຫ້ປະຊາຊົນລາວໄດ້ມີໂອກາດຂາຍຜົນຜະລິດຂອງຕົນ, ເປັນຕົ້ນແມ່ນສາລີອາຫານສັດ ຊຶ່ງເປັນພືດ ລະດູ ແລ້ງທີ່ສາມາດສ້າງລາຍໄດ້ໃຫ້ປະຊາຊົນລາວ ໃນຫຼາຍໆ ທ້ອງຖິ່ນອີກດ້ວຍ./.
ປູ໋ຍເຄມີລາຄາແພງສົ່ງຜົນກະທົບຕໍ່ຊາວນາໂດຍກົງ
* ປັດຈຸບັນນີ້ຊາວນາຊາວສວນ ຈຳປາສັກ ຕ່າງກໍ່ຕ່ຳຄ້ອຍນ້ອຍໃຈ ກັບລາຄາປຸ໋ຍເຄມີທີ່ປັບລາຄາຂຶ້ນຢ່າງຕໍ່ເນື່ອງ ແລະ ບໍ່ມີທ່າ ວ່າຈະ ຄົງທີ່ ກໍ່ຄືປັບລາຄາລົງ ເຊິ່ງໄດ້ສົ່ງຜົນກະທົບໂດຍກົງໃຫ້ແກ່ຜູ້ທຳການຜະລິດຢ່າງຊາວນາຊາວສວນໃນລະດູຝົນປີນີ້. ດັ່ງທີ່ຮັບຮູ້ນຳກັນແລ້ວວ່າ ສະພາບເສດຖະກິດໃນໂລກພວມປະເຊີນຫນ້າກັບຄວາມຫຍຸ້ງຍາກ ເປັນຕົ້ນລາຄາສິນຄ້າສຳຄັນໆ ແພງຂຶ້ນ, ສົ່ງຜົນກະທົບຫລາຍດ້ານໃຫ້ແກ່ສັງຄົມເມືອງໃຫຍ່ ທີ່ບໍ່ໄດ້ເພິ່ງພາອາໄສທຳມະຊາດ ພໍຍາດເວລາຈາກລ້າການໄປ ຫວ່ານແຫແຖມອງ ໃສ່ເບັດໃສ່ໄຊ ; ໃນນັ້ນກໍ່ຄົງຈະຫນີບໍ່ພົ້ນບັນຫາຂອງຊາວນາ ແຂວງຈຳປາສັກ ເພາະວ່າປັດຈຸບັນນີ້ແມ່ນ ໄລຍະ ທີ່ຊາວນາໃນ ຂອບເຂດ ທົ່ວປະເທດພວມຂຸ້ນຂ້ຽວໃສ່ການຜະລິດລະດູຝົນ ແຕ່ສິ່ງທີ່ຊາວນາຊາວສວນພວມປະ ເຊີນບັນຫານັ້ນ ກໍ່ຄື ລາ ຄາຂອງປຸ໋ຍເຄມີ ທີ່ປັບ ລາຄາ ຂຶ້ນຢ່າງຕໍ່ເນື່ອງ ເຊິ່ງສາເຫດນີ້ເຮັດໃຫ້ຊາວນາບາງແຫ່ງຕ້ອງຕີຖອຍເລື່ອງປຸ໋ຍເຄມີ ຫັນໄປໃຊ້ປຸ໋ຍ ຊີ ວະພາບ ແລະ ຝຸ່ນບົ່ມຕາມ ຄວາມ ສາມາດຂອງແຕ່ລະທ້ອງຖິ່ນ ເພື່ອຫລຸດຕົ້ນທຶນໃນການຜະລິດ. ມີຊາວນາທ່ານຫນຶ່ງເລົ່າໃຫ້ຟັງວ່າ: ການເຮັດນາປີ ປີນີ້ແມ່ນພົບກັບບັນຫາຫລາຍດ້ານເປັນຕົ້ນແມ່ນ: ບັນຫາລາຄານ້ຳມັນແພງ ເພາະວ່າ ປັດຈຸບັນນີ້ຊາວນາສ່ວນໃຫຍ່ແມ່ນໄດ້ຫັນມາໃຊ້ລົດໄຖນາເພື່ອຄວາມສະດວກສະບາຍ, ໃຫ້ວ່ອງໄວແລະ ທັນກັບສະ ພາບ ການ, ແຕ່ຄຽງ ຄູ່ ກັນນີ້ພັດເປັນການເພີ່ມຕົ້ນທຶນຂອງການຜະລິດຂຶ້ນ. ນອກນີ້ລາຄາປຸ໋ຍເຄມີໃນປັດຈຸບັນນີ້ກໍ່ແພງ ມີລາຄາ ບໍ່ຕ່ຳກວ່າ 320.000 ກີບຕໍ່ ຖົງ 50 ກິໂລຂຶ້ນໄປ ເຊິ່ງຂຶ້ນກັບຊະນິດປະເພດຂອງປຸ໋ຍ ເຫັນວ່າລາຄາປຸ໋ຍປີນີ້ແມ່ນແພງກວ່າປີ ຜ່ານ ມາຫລາຍສົມຄວນ. ດັ່ງນັ້ນຈິ່ງເຮັດ ໃຫ້ຕົ້ນທຶນໃນການຜະລິດນາປີເພີ່ມຂຶ້ນສູງສົມຄວນ ຖ້າບໍ່ໃສ່ປຸ໋ຍຜົນຜະລິດກໍ່ຕ່ຳດັ່ງນັ້ນ ມັນຈິ່ງ ເປັນ ສິ່ງທີ່ຈຳເປັນຂອງຊາວນາ ພ້ອມກັນ ນີ້ການເຮັດນາປີກໍ່ສ່ຽງຕໍ່ຄວາມເສຍຫາຍບໍ່ຫນ້ອຍຈາກໄພທຳມະຊາດເຊັ່ນ: ນ້ຳຖ້ວມ, ໄພ ແລ້ງ, ແມງໄມ້ທຳລາຍ ແລະ ອື່ນໆ ທີ່ຈະເຮັດ ໃຫ້ ສະ ມັດຖະພາບຂອງຜົນຜະລິດຫລຸດລົງ. ແຫລ່ງຂ່າວຈາກຂະແຫນງປູກຝັງ ພະແນກ ກະສິກຳ-ປ່າໄມ້ແຂວງຈຳປາສັກ ແຈ້ງໃຫ້ຮູ້ວ່າ: ສຳລັບປີນີ້ແຂວງຈຳປາສັກ ແມ່ນ ໄດ້ສຸມໃສ່ ແລະ ເພີ່ມທະວີການຜະລິດລະດູຝົນ ເພື່ອຮັບປະກັນການຜະລິດສະບຽງອາຫານ ເພື່ອສະຫນອງໃຫ້ແກ່ສັງຄົມ ໂດຍໄດ້ ມີການກຳ ນົດ ໂຄງການບຸລິມະສິດຕ່າງໆ ເຊິ່ງປີນີ້ເນື້ອທີ່ທຳການຜະລິດນາປີແມ່ນເພີ່ມຂຶ້ນ 1.400 ເຮັກຕາ,ຈາກແຜນການທີ່ມີ 94.200 ເຮັກຕາ, ຄາດ ຄະເນສະມັດຖະພາບໄດ້ 3,5 ໂຕນຕໍ່ເຮັກຕາ, ຜົນຜະລິດໃຫ້ໄດ້ 329.700 ໂຕນ. ພ້ອມນີ້ທາງແຂວງ ກໍ່ຍັງໄດ້ປຸກລະດົມໃຫ້ ພໍ່ແມ່ ປະຊາຊົນໄດ້ຫັນມານຳໃຊ້ເຕັກນິກແບບໃຫມ່ເຂົ້າໃນການຜະລິດ ເພື່ອປະຢັດແຮງງານແຕ່ ໄດ້ຮັບຜົນ ຜະລິດສູງ, ພ້ອມແນວພັນປັບປຸງ ໃຫມ່ເຊິ່ງຈະຊຸກຍູ້ໃຫ້ປະຊາຊົນປູກໄດ້ 500-600 ເຮັກຕາ ໃນແຕ່ລະເມືອງ. ແຕ່ຄຽງຄູ່ກັນນີ້ພວກ ເຮົາມາສັງເກດເບິ່ງລາຄາປຸ໋ຍເຄມີ ທີ່ທາງພະແນກອຸດສາຫະກຳ-ການຄ້າແຂວງຈຳປາສັກ ລາຍງານຜ່ານຫນັງສືພິມ ຈຳປາໃຫມ່ໃນ ແຕ່ລະອາທິດ ຈະສັງເກດເຫັນວ່າເພີ່ມ ຂຶ້ນທຸກໆ ອາທິດເຊິ່ງເລີ່ມມາແຕ່ເດືອນເມສາ 2008 ນີ້ລາຄາປຸ໋ຍສູດ 16.20.00 (50ກິໂລ/ຖົງ) ມີລາຄາ 270.000ກີບ, ລາຄາປຸ໋ຍສູດ 46.00. 00 (50 ກິໂລ/ຖົງ) ມີລາຄາ 245.000 ກີບ ແລະ ປຸ໋ຍສູດ 15.15.15 (50 ກິໂລ/ຖົງ) ມີລາຄາ 300.000 ກີບ ແລ້ວມາທຽບ ໃສ່ທ້າຍເດືອນພຶດສະພາ 2008 ນີ້ ເຊິ່ງມີໄລຍະ ເວລາພຽງ ຫນຶ່ງເດືອນເທົ່ານັ້ນ ປຸ໋ຍສູດ 16.20.00 ເພີ່ມລາຄາຈາກເດືອນເມສາມາເປັນ 320.000 ກີບ, ປຸ໋ຍສູດ 46.00.00 ມາເປັນ 350.000 ກີບ ແລະ ປຸ໋ຍສູດ 15.15.15 ມາເປັນ 350.000 ເຊິ່ງລາຄາດັ່ງກ່າວນີ້ຖ້າ ທຽບໃສ່ໃນ ລະຫວ່າງທ້າຍເດືອນພຶດສະ ພາຫາຕົ້ນເດືອນມິຖຸນາຂອງປີຜ່ານມາແມ່ນເພີ່ມຂຶ້ນທົບເຄິ່ງ. ຈາກບັນຫານີ້ ຊາວນາສ່ວນຫຼາຍຈິ່ງຕັ້ງຂໍ້ສົງໄສວ່າເປັນຫຍັງ ລາຄາປຸ໋ຍຈຶ່ງຂຶ້ນລາຄາຢ່າງຕໍ່ເນື່ອງ ຫລື ຈະເວົ້າໄດ້ວ່າຂຶ້ນລາຄາລາຍ ວັນກໍ່ ວ່າໄດ້ ແລະ ທາງພາກສ່ວນກ່ຽວຂ້ອງບໍ່ໄດ້ມີມາດຕາການຄຸ້ມຄອງແຕ່ຢ່າງໃດບໍ? ເພາະວ່າລາຄາເຂົ້າຍັງຄຸມໄດ້ ແຕ່ລາຄາ ປຸ໋ຍ ເປັນ ຫຍັງ ຈິ່ງ ຄຸມບໍ່ໄດ້ ນີ້ຄືຄຳຖາມຈາກຊາວນາຜູ້ທີ່ໄດ້ຮັບຜົນກະທົບໂດຍກົງຈາກລາຄາປຸ໋ຍໃນປັດຈຸບັນນີ້./.
ເຊີນທ່ຽວງານວາງສະແດງສິນຄ້າ ທີ່ສະຫວັນນະເຂດ
* ການຈັດງານສະແດງສິນຄ້າຫລືຕະຫລາດນັດທີ່ກຳລັງເປັນທີ່ນິ ຍົມກັນເຮັດຢູ່ໃນປະຈຸບັນນີ້ຕາມບຸນຕ່າງໆ, ຕາມບັນດາບ້ານ, ເມືອງ ແລະແຂວງແລ້ວແຕ່ເງື່ອນໄຂສະ ຖານທີ່ເໝາະສົມ. ອັນນີ້ມັນສະແດງເຖິງຄວາມຫລາກຫລາຍຂອງຜະ ລິດຕະພັນທີ່ ອອກ ຈາກ ຫົວຄິດປະ ດິດສ້າງຂອງປະຊາຊົນບັນດາເຜົ່າ. ເມື່ອຜະລິດຂຶ້ນມາຕະຫລາດບໍ່ທັນຮັບຮູ້, ຈຶ່ງຈັດຕະຫລາດນັດຂຶ້ນເພື່ອ ໃຫ້ຄົນ ໄປ ທ່ຽວຊົມ ແລະສົນໃຈສິນຄ້າທີ່ເປັນເອກະລັກສະເພາະ ເຂດນັ້ນແລະອັນສຳຄັນເພື່ອດຶງ ດູດແຂກຄົນໄປທ່ຽວ ແລ້ວຊື້ເຄື່ອງ ຕິດ ໄມ້ ຕິດມືກັບບ້ານ ຫລືເປັນຂອງ ຕ້ອນຂອງຝາກ. ສຳລັບການວາງສະແດງສິນຄ້າການຜະລິດ ແລະປຸງແຕ່ງຜະລິດຕະ ພັນກະ ສິກຳ ຂອງປະ ຊາຊົນບັນດາ ເຜົ່າຂອງຊາວແຂວງ ສະຫວັນນະເຂດ ເລີ່ມປີ 2008 ນີ້ຈະຈັດຂຶ້ນໃນວັນທີ 27 ກຸມ ພາ ຫາວັນທີ 2 ມີນາ 2008 ນີ້, ທີ່ເດີນສະໜາມກິລາ ຫລັກ 4 ແຂວງສະ ຫວັນນະເຂດ ເຊິ່ງເປັນການຮ່ວມກັນລະຫວ່າງແຂວງສະຫວັນນະເຂດ ສປປ ລາວ ແລະ ແຂວງມຸກດາຫານຂອງ ປະເທດໄທ. ຕາມການລາຍງານຂອງພາກ ສ່ວນກ່ຽວຂ້ອງໃຫ້ຮູ້ວ່າ: ການວາງ ສະແດງສິນຄ້າຄັ້ງເປັນທີ II ຊຶ່ງຈະມີສິນຄ້າກະສິກຳແລະ ຜະລິດ ຕະພັນ ປຸງ ແຕ່ງກະສິກຳຂອງລາວລວມມີຜະລິດຕະພັນກະສິກຳ, ກະສິກຳປຸງແຕ່ງ ,ເຄື່ອງມືຮັບການຜະລິດກະສິ ກຳຂອງບັນ ດາ ບັນທ້ອງຖິ່ນ, ອຸດສາຫະກຳປຸງແຕ່ງ, ຫັດຖະກຳແລະອາຫານສຳເລັດຮູບທີ່ຜ່ານການປຸງແຕ່ງຈາກສີມືຄົນລາວແລະບໍ ລິສັດຫ້າງ ຮ້ານ ຕ່າງໆ ປະມານ 60 ຮ້ານ. ນອກຈາກສິນຄ້າທີ່ຜະລິດຈາກສີມືຄົນລາວແລ້ວມາຮ່ວມວາງສະແດງຍັງມີເຄື່ອງມືຮັບໃຊ້ໃຫ້ແກ່ການຜະລິດຈາກປະເທດ ໄທເຊັ່ນ: ເຄື່ອງ ກົນຈັກຮັບໃຊ້ແກ່ກະສິກຳ, ປຸ໋ຍເຄມີ ທີີ່ນຳໃຊ້ເຂົ້າໃນການຜະລິດ ການປູກຝັງລ້ຽງສັດຢ່າງຫລາກຫລາຍປະ ມານ 80 ຮ້ານ. ການຈັດງານ ເທື່ອນີ້ເພື່ອເປັນການສົ່ງເສີມການຜະລິດກະສິກຳຜະລິດຕະພັນປຸງແຕ່ງກະສິກຳ, ການຜະລິດ ຂອງຄອບຄົວ ຕົວ ແບບ, ການນຳໃຊ້ແນວ ພັນ ໃໝ່, ເຕັກໂນໂລຢີ, ການແລກ ປ່ຽນຂໍ້ມູນຂ່າວສານ, ປຸງແຕ່ງແລະຈຳໜ່າຍ ຜະລິດຕະພັນກະສິກຳ./.
ລາຄາສິນຄ້າເຫນງຕີງເຮັດໃຫ້ຜູ້ບໍລິໂພກຫນັກໃຈ
* ປັດຈຸບັນລາຄາສິນຄ້າຫລາຍປະເພດໃນຕະຫລາດມີການເຫນັງຕີງ ແພງຂຶ້ນຈາກແຕ່ກ່ອນຫລາຍສົມຄວນໄດ້ສົ່ງຜົນກະທົບ ເຮັດ ໃຫ້ ຜູ້ບໍລິໂພກພົບກັບຄວາມຫຍຸ້ງຍາກ ເນື່ອງມາຈາກສະພາບການປ່ຽນແປງຂອງຕະຫລາດໂລກ ແລະ ການຄຸ້ມຄອງພາຍໃນ ບໍ່ຮັດກຸມ ເທົ່າທີ່ຄວນ. ດັ່ງທີ່ຮັບຮູ້ນຳກັນແລ້ວວ່າ ສະພາບຕະຫລາດໂລກມີການປ່ຽນແປງໃນປັດຈຸບັນນີ້ ເປັນຕົ້ນກໍ່ແມ່ນລາຄານ້ຳມັນໃນຕະຫລາດ ໂລກ ແພງ, ເງິນໂດລາອ່ອນຄ່າ...ເຊິ່ງບັນ ຫາເຫລົ່ານີ້ມັນໄດ້ສົ່ງຜົນກະທົບເຮັດໃຫ້ຫລາຍປະເທດໄດ້ຮັບຜົນກະທົບ, ໂດຍສະເພາະແມ່ນ ບັນດາປະ ເທດທີ່ດ້ອຍພັດທະນາ ຫລື ກຳລັງພັດທະນາ; ໃນນັ້ນປະເທດລາວເຮົາກໍ່ແມ່ນປະເທດຫນຶ່ງທີ່ໄດ້ຮັບຜົນກະທົບບໍ່ຫນ້ອຍ ເວົ້າລວມ,ເວົ້າສະ ເພາະ ກໍ່ແມ່ນແຂວງຈຳປາສັກໃນປັດຈຸບັນນີ້ລາຄາສິນຄ້າຫລາຍໆຢ່າງໃນທ້ອງຕະຫລາດ ໄດ້ຂຶ້ນລາຄາສູງ ກວ່າແຕ່ ກ່ອນ ອັນໄດ້ສົ່ງຜົນ ກະທົບໂດຍກົງໃຫ້ແກ່ຜູ້ບໍລິໂພກ ກໍ່ຄືປະຊາຊົນບັນດາເຜົ່າໃນແຂວງຈຳປາສັກ ເປັນຕົ້ນກໍ່ແມ່ນ ສິນ ຄ້າປະເພດໂລຫະ, ເຄື່ອງ ຢູ່ຂອງກິນ ແລະ ເຄື່ອງໃຊ້ສອຍປະເພດຕ່າງໆ ທີ່ມີການຂຶ້ນລາຄາໃນແຕ່ລະວັນ ຈາກການສອບ ຖາມ ຫລາຍໆແຫລ່ງຂໍ້ມູນໃຫ້ຮູ້ວ່າ: ສິນຄ້າທີ່ໄດ້ມີລາ ຄາແພງຂຶ້ນກວ່າແຕ່ກ່ອນກໍ່ເນື່ອງມາຈາກລາຄານ້ຳມັນຂຶ້ນສູງ ເຊິ່ງໃນປັດຈຸບັນນີ້ ລາຄານ້ຳມັນໃນແຂວງຈຳປາສັກ ແມ່ນ 10.040 ກີບ ຕໍ່ ລິດ ສຳລັບແອັດຊັງທຳມະດາ, ການເກັບພາສີ, ອາກອນຂອງພາກ ລັດ ກໍ່ເພີ່ມຂຶ້ນເຊັ່ນດຽວກັນ, ຕົ້ນທຶນຂອງສິນຄ້າ ກໍ່ສູງເພາະວ່າສິນ ຄ້າໃນຕະຫລາດສ່ວນໃຫຍ່ແມ່ນເປັນການນຳເຂົ້າຈາກຕ່າງປະເທດ ຕໍ່ກັບບັນຫານີ້ຫລາຍໆທ່ານ ກໍ່ຄິດຫມັກໃຈ ແລະ ເປັນຫ່ວງຕໍ່ກັບສະ ພາບການປ່ຽນແປງໃນຕະຫລາດ ເພາະມັນສົ່ງຜົນ ກະທົບ ເຖິງການດຳລົງຊີວິດ ແລະ ການຄອງຊີບໂດຍກົງໃຫ້ແກ່ຜູ້ທີ່ມີລາຍຮັບຕ່ຳ ແລະ ມີລາຍຮັບຄົງທີ່ ແລະ ກໍ່ອາດຈະສົ່ງຜົນ ເຮັດໃຫ້ ເກີດມີຊ່ອງຫວ່າງ ແລະການສວຍໃຊ້ໂອ ກາດຕ່າງໆຕາມມາເປັນຕົ້ນແມ່ນ ບັນຫາ ການ ສໍ້ໂກງ, ສວຍໃຊ້ຫນ້າທີ່ຕຳແຫນ່ງ, ການ ກັກຕຸນສິນຄ້າ ແລະ ອື່ນໆ. ທ່ານຫຸນລາ ມະນີຈັນ, ປະທານສະພາອຸດສາຫະກຳ-ການຄ້າແຂວງຈຳປາສັກ ໃຫ້ທັດສະນະວ່າ: ການປ່ຽນແປງຂອງລາຄາ ສິນຄ້າ ໃນປັດຈຸບັນນີ້ກໍ່ເນື່ອງມາຈາກສະພາບການປ່ຽນແປງຂອງຕະຫລາດໂລກ, ການເກັບພາສີອາກອນແພງ, ຂອດບໍລິການຂອງ ເຈົ້າ ຫນ້າ ທີ່ ມີຫລາຍຂັ້ນຕອນ, ການຄຸ້ມຄອງຄວບຄຸມຂອງມະຫາພາກບໍ່ ຮັດກຸມ ເຮັດໃຫ້ມີຜູ້ສວຍໃຊ້ໂອກາດ ແລະ ອື່ນໆ. ສະພາບເສດຖະກິດໃນປັດຈຸບັນນີ້ສະເພາະແຂວງຈຳປາສັກ ສັງຄົມກໍ່ຍັງໃຫ້ທັດສະນະວ່າ: ຫນ້າເປັນຫ່ວງ ແລະ ອາດຈະແກ່ ຍາວ ເວລາໄປດົນຖ້າບໍ່ໄດ້ຮັບການແກ້ໄຂ ແລະ ກໍ່ອາດຈະສົ່ງຜົນສະທ້ອນຕາມມາຫລາຍໆດ້ານຖ້າຫາກບໍ່ມີການຄຸ້ມຄອງ,ປັບ ປຸງຂອດ ບໍລິການ ຕ່າງໆໃຫ້ຮັດກຸມ, ຈຳກັດການສວຍໃຊ້ຊ່ອງຫວ່າງ ແລະໂອກາດຕ່າງໆຂອງແຕ່ລະພາກສ່ວນທັງພາກລັດ ແລະ ຫົວຫນ່ວຍ ທຸລະກິດ, ແຕ່ເຖິງຢ່າງໃດກໍ່ດີພວກເຮົາທຸກຄົນກໍ່ຄວນໄດ້ມີການບວກລົບ, ຄູນ, ຫານ ເອົາເອງຕໍ່ກັບສະພາບ ເສດຖະ ກິດ ແບບນີ້ີ ພວກເຮົາຈະ ເຮັດວິ ທີໃດ ເພື່ອບໍ່ຢາກເຮັດໃຫ້ຊີວິດພົບກັບຄວາມຫຍຸ້ງຍາກ ແຕ່ສິ່ງທີ່ຢາກຝາກໄວ້ກ່ອນ ອື່ນຫມົດກໍ່ຄວນປະ ຢັດໃຊ້ ໃນສິ່ງທີ່ເຮົາມີ ແລະ ຈຳເປັນ ຄວນຕັດລາຍຈ່າຍທີ່ຈຳເປັນຫນ້ອຍ ອອກກ່ອນ ສ່ວນທິດທາງ ແລະ ວິທີການແກ້ໄຂສະພາບ ທີ່ປະສົບ ຢູ່ປັດຈຸບັນ ແນວໃດນັ້ນໃນໂອ ກາດຫນ້າພວກເຮົາຈະໄປພົວພັນນຳພາກສ່ວນທີ່ກ່ຽວຂ້ອງແລ້ວນຳ ສະເໜີໃຫ້ຮູ້ຕາມ ທີ່ ຫລັງ./.
ເອົາໃຈໃສ່ຄຸ້ມຄອງ, ສົ່ງເສີມ ແລະເປີດກວ້າງການຈໍລະຈອນສິນຄ້າ
*(ຂປລ): ເພື່ອປະຕິບັດຕາມທິດທາງແຜນການພັດທະນາ ແລະ ຄຸ້ມຄອງວຽກງານອຸດສາ ຫະກຳ- ການຄ້າ ໃນໄລຍະ 5 ປີ (2006-2010) ແລະ ແຜນວຽກຈຸດສຸມສົກປີ 2006-2007 ໃຫ້ຂະຫຍາຍຕົວ, ຂະແໜງການຄ້າໄດ້ເອົາໃຈໃສ່ການຄຸ້ມຄອງ ສິນ ຄ້າ ແລະ ລາຄາ ໂດຍສະເພາະແມ່ນສິນຄ້າຍຸດທະສາດທີ່ກະຊວງຄຸ້ມຄອງ ແລະດັດສົມ, ສົ່ງເສີມ ແລະ ເປີດກວ້າງການຈໍລະ ຈອນ ສິນຄ້າລະຫວ່າງ ຕົວ ເມືອງ ແລະ ຊົນນະບົດໃຫ້ຕິດຈອດກັນ, ສະໜອງຄວາມຕ້ອງການດ້ານອຸປະກອນ ການຜະລິດ; ສິນຄ້າໃຊ້ ສອຍຈຳເປັນ, ເອົາໃຈໃສ່ ຊຸກ ຍູ້ ການ ຜະລິດເປັນສິນຄ້າ ແລະ ພັດທະນາການສົ່ງອອກ, ຫັນເອົາບັນດາໂຄງການລົງທຶນຂອງລັດ ແລະ ການຊ່ວຍເຫລືອຈາກຕ່າງ ປະເ ທດລົງໄປຈັດຕັ້ງປະຕິບັດຢູ່ທ້ອງຖິ່ນເປັນຕົ້ນເຊັ່ນ: ໂຄງການຕິດຕັ້ງໂຮງອົບ, ໂຮງສີເຂົ້າ ແລະ ໂຄງການກໍ່ສ້າງຕະຫລາດຊົນນະບົດ ຊຶ່ງ ປະຈຸບັນມີຢູ່ທົ່ວປະເທດມີທັງໝົດ 628 ແຫ່ງ, ການຄຸ້ມຄອງການຄ້າຊາຍແດນ ແລະ ຂະບວນການຜະລິດເປັນ ສິນຄ້າເພື່ອ ຊົມໃຊ ້ພາຍ ໃນ ແລະ ສົ່ງອອກສືບຕໍ່ຂະຫຍາຍ ຕົວສູງຂຶ້ນ. ສຳລັບການສົ່ງອອກ ແລະ ນຳເຂົ້າສິນຄ້າ ໃນສົກປີ 2006-2007 ເຫັນວ່າ:ມູນຄ່າການສົ່ງອອກບັນລຸ 977 ລ້ານໂດລາ ສະຫະລັດ ລື່ນແຜນການປີປະມານ 50% ທຽບໃສ່ປີຜ່ານມາເພີ່ມຂຶ້ນ 57% ສາເຫດທີ່ພາໃຫ້ການສົ່ງອອກເພີ່ມຂຶ້ນຍ້ອນວ່າ ສິນຄ້າທີ່ມີທ່າ ແຮງ ຈຳນວນ ໜຶ່ງໄດ້ ຂະຫຍາຍຕົວສູງຂຶ້ນເປັນຕົ້ນແຮ່ທາດ ຕ່າງໆຄາດວ່າຈະປະຕິບັດໄດ້ 589 ລ້ານໂດລາ, ໃນນັ້ນມ ີທອງ ປະມານ 477 ລ້ານໂດລາ, ຄຳ 106 ລ້ານໂດລາ, ສິນຄ້າອຸດສາຫະກຳ-ຫັດຖະກຳ 143 ລ້ານໂດລາ, ສິນຄ້າກະສິກຳ ແລະ ສັດລ້ຽງ 70 ລ້ານໂດລາ, ການສົ່ງ ອອກ ໄມ້ ແລະ ຜະລິດຕະພັນໄມ້ 72 ລ້ານໂດລາ. ສ່ວນການນຳເຂົ້າປະຕິບັດໄດ້ 916 ລ້ານໂດລາ, ສິນຄ້ານຳເຂົ້າຕົ້ນຕໍ ແມ່ນສິນຄ້າຮັບ ໃຊ້ໂຄງການລົງທຶນປະມານ 278 ລ້ານໂດລາ, ວັດຖຸດິບສຳລັບຕັດຫຍິບ 88 ລ້ານໂດລາ, ສິນຄ້າຮັບໃຊ້ການຜະລິດອຸດສາຫະກຳ 49 ລ້ານໂດລາ, ນ້ຳມັນເຊື້ອໄຟ ແລະ ອາຍແກັດ 235 ລ້ານໂດລາ, ສິນຄ້າທົ່ວໄປເຊັ່ນ: ສະບຽງອາຫານ,ອຸປະກອນໄຟຟ້າ,ອຸປະກອນ ກໍ່ສ້າງ ແລະ ອື່ນໆ 151 ລ້ານໂດລາ. ຄຽງຄູ່ກັບດ້ານດີ ວຽກງານການຄ້າຍັງມີຂໍ້ຄົງຄ້າງບາງອັນເຊັ່ນ:ການຊຸກຍູ້ສົ່ງເສີມ ການຜະລິດເປັນສິນຄ້າເພື່ອຊົມໃຊ້ພາຍໃນ ແລະ ສົ່ງ ອອກຍັງບໍ່ທັນແຂງແຮງ, ການສະໜອງຂໍ້ມູນດ້ານສິນຄ້າລາຄາ ແລະ ຕະຫລາດໃຫ້ຜູ້ຜະລິດ, ນັກທຸລະກິດ ຍັງບໍ່ຊັດເຈນ, ການນຳເຂົ້າ ສິນ ຄ້າປະເພດຟຸມເຟືອຍຍັງກວມອັດຕາສູງ, ການນຳເຂົ້າສິນຄ້າຂອງຮ້ານຄ້າປອດພາສີຂອງ ໂຄງການ ຍັງຮົ່ວໄຫລ ອອກຈຳໜ່າຍຢູ່ທ້ອງ ຕະຫລາດ,ການປະສານງານຂອງຂະແຫນງການແລະທ້ອງຖິ່ນເພື່ອເອື້ອ ອຳນວຍການດຳເນີນທຸລະກິດຍັ ງບໍ່ ຄອງ ຕົວ, ການລົງທຶນ ໃສ່ ວຽກງານສະຖິຕິຂໍ້ມູນຂ່າວສານຍັງບໍ່ພຽງພໍ./.
ກັບສາລະບານ
