ກິລາດອກປີກໄກ່ລຸ້ນສືບທອດລາວ ກຽມໄປຮ່ວມງານລະດັບສາກົນ
* ນັກກິລາດອກປີກໄກ່ ຂອງລາວ ລຸ້ນອາຍຸ 9 ປີ, 13 ປີ ແລະ 15 ປີ ຈຳນວນ 9 ຄົນ ທີ່ເປັນນັກກິລາລຸ້ນສືບທອດ ກຽມເດີນ ທາງໄປຮ່ວມການແຂ່ງຂັນ ດອກປີກໄກ່ ນາໆຊາດ “ ວິກຕໍ ບາງກອກ-ຊຽງໃຫມ່ ທົວນາເມັນ 2008 ”.
ທ່ານ ສົມສະແຫວງ ແສງສີລາວົງ ຜູ້ປະຈຳການ ແລະ ຫົວຫນ້າຫ້ອງການ ສະຫະພັນດອກປີກ ໄກ່ແຫ່ງ ຊາດ ລາວ ໃຫ້ຮູ້ວ່າ: ນັກກິລາ ແລະ ຄະນະນຳທີ່ຈະເດີນ ທາງ ໄປຮ່ວມການແຂ່ງຂັນ ດອກປີກໄກ່ລາຍການວິກຕໍ ບາງ ກອກ-ຊຽງໃຫມ່ 2008 ນີ້ ມີທັງຫມົດ 12 ຄົນ, ສຳລັບ ນັກ ກິລາທັງ 3 ລຸ້ນ ຄື: ລຸ້ນອາຍຸ 9 ປີ, 13 ປີ ແລະ 15 ປີ ປະກອບດ້ວຍ: ທ້າວ ສິດທິສັກ ຫລວງລາດ, ທ້າວ ພົງຖະ ຫນອມ ວົງປະຈິດ, ທ້າວ ໄຊປະເສີດ ພະດວງ ເດດ, ທ້າວ ທະນູສອນ ພັນຍະວົງໄຊ, ທ້າວ ອາພິສິດ ອ້ວນຄຳຈັນ, ທ້າວ ນິລະກອນ ວຽງວິເສດ ແລະ ທ້າວ ຄຳຄ່ອງ ໄຊພະກັດສາ ເຊິ່ງເຂົາເຈົ້າເຫຼົ່ານີ້ ລ້ວນເປັນນັກກິລາທີ່ມີຄວາມສາມາດ ທາງ ດ້ານເຕັກນິກສູງ ແລະ ເປັນນັກກິລາລຸ້ນ ສືບທອດຂອງ ສະຫະພັນດອກປີກໄກ່ແຫ່ງຊາດລາວແລະ ໃນເບື້ອງຕົ້ນ ທາງສະຫະພັນ ຈະສົ່ງນັກກິລາລຸ້ນໃຫຍ່ ໄປຮ່ວມ ແຂ່ງ ຂັນນຳ, ແຕ່ວ່າ ນັກກິລາສ່ວນໃຫຍ່ ແມ່ນຢູ່ໃນລະຫວ່າງການຝຶກຊ້ອມ ເພື່ອກຽມໃສ່ງານມະຫະກຳກິລາແຫ່ງຊາດ ຄັ້ງທີ 8 ຢູ່ ແຂວງ ຈຳປາສັກ ໃນທ້າຍປີນີ້, ດັ່ງນັ້ນຈຶ່ງໄດ້ສົ່ງ ນັກ ກິລາ ລຸ້ນສືບທອດໄປຮ່ວມແຂ່ງຂັນ. ການແຂ່ງຂັນລາຍການນີ້, ໄດ້ຈັດຂຶ້ນ ທຸກປີ ແລະ ເປັນການແຂ່ງຂັນ ແບບເປີດກວ້າງເຊິ່ງມີນັກກິລາ ຈາກປະເທດອ້ອມຂ້າງ ເຂົ້າຮ່ວມຢ່າງຫລວງຫລາຍ ໂດຍຈະແຂ່ງ ຂັນ ກັນໃນ 12 ລາຍການ ຊຶ່ງ ປະກອບມີ ລຸ້ນອາຍຸ ບໍ່ໍ່ເກີນ 9 ປີ, 11 ປີ,13 ປີ,15 ປີ ແລະ ລຸ້ນ 18 ປີ, ລຸ້ນ ອາຍຸ ລວມກັນ 80 ປີ, 90 ປີ, 100 ປີ ແລະ ລຸ້ນອາຍຸ 120 ປີ ຂຶ້ນໄປ.
ທ່ານ ສົມສະແຫວງ ແສງສີລາວົງ ໃຫ້ຮູ້ອີກວ່າ: ສະຫະພັນດອກປີກແຫ່ງຊາດ ໄດ້ສົ່ງນັກກິລາ ເຂົ້າຮ່ວມລາຍການດັ່ງ ກ່າວທຸກໆ ປີ. ໂດຍໃນປີ 2007 ຜ່ານມາ, ນັກກິລາຂອງລາວ ກໍສາມາດ ສ້າງ ຜົນງານໄດ້ດີພໍສົມຄວນ ເປັນຕົ້ນໄດ້ຄອງຄວາມເປັນໜຶ່ງ ເຍົາ ວະຊົນ ຊາຍດ່ຽວລຸ້ນ ອາຍຸບໍ່ເກີນ 16 ປີ ແລະ ໄດ້ຮອງຊະ ນະເລີດ ລຸ້ນເຍົາວະຊົນຊາຍຄູ່ ອາຍຸບໍ່ເກີນ 16 ປີ. ສຳລັບໃນປີນີ້ ທາງສະຫະພັນ ມີຄວາມຫມັ້ນໃຈກັບນັກກິລາລຸ້ນສືບທອດນີ້ສູງ, ແຕ່ວ່າບໍ່ໄດ້ຕັ້ງຄວາມຫວັງໄວ້ສູງປານໃດ. ທັງນີ້ກໍຍ້ອນວ່າ ການ ແຂ່ງຂັນຄັ້ງນີ້ເປັນການແຂ່ງຂັນແບບເປີດກວ້າງເຊິ່ງຄາດວ່າ ຈະມີນັກກິລາຈາກ ຫລາຍປະເທດເຂົ້າຮ່ວມ, ແຕ່ເຊື່ອວ່າພວກ ເຂົາ ຈະ ສ້າງຜົນງານໄດ້ດີຢ່າງແນ່ນອນ./.
ກັບສາລະບານກິລາ ກັບຫນາ້ພາສາລາວ
