ປັບລົງລາຄາໂດຍສານປະຈຳທາງຢູ່ສະຫວັນນະເຂດ
*(ຂປລ): ຕາມການໃຫ້ສຳພາດຂອງທ່ານ ບຸນຊຸ່ມ ວັນນະເຮືອງ ຜູ້ຈັດການໃຫຍ່ບໍລິສັດ ສ້ອມແປງຂົນສົ່ງແລະໂດຍສານທາງບົກ ຈຳກັດ ທັງເປັນປະທານສະມາຄົມຜູ້ຂົນ ສົ່ງໂດຍສານທາງ ບົກປະຈຳແຂວງສະຫວັນນະເຂດແຈ້ງວ່າ: ທາງບໍລິສັດແລະສະມາຄົມ ໄດ້ມີການປັບລົງລາ ຄາຄ່າ ລົດ ໂດຍສານປະຈຳທາງລົງຈາກ 186 ກີບ/ຄົນກິໂລແມັດ ມາເປັນ 164 ກີບ/ຄົນກິໂລແມັດ ທັງນີີ້ກໍ ເພື່ອເຮັດໃຫ້ການຄຸ້ມຄອງລາຄາຂົນສົ່ງໂດຍສານ ປະຈຳທາງໃຫ້ມີຄວາມດຸ່ນດ່ຽງກັບການດຳເນີນ ທຸລະກິດຕົວຈິງໂດຍສອດ ຄ່ອງກັບ ສະພາບທີ່ວ່າລາຄານນ້ຳມັນເຊື້ອໄຟແມ່ນຖືກລົງ. ການປັບລົງລາຄາໂດຍສານປະຈຳທາງຄັ້ງນີ້ແມ່ນຈະໄດ້ດຳເນີນປະຕິບັດແຕ່ວັນທີ10 ເດືອນ ພະຈິກ 2008 ເປັນຕົ້ນໄປ ເຊິ່ງມີ ລາຍລະອຽດດັ່ງນີ້: ສະຫວັນນະເຂດ-ວຽງຈັນ ລາຄາໂດຍສານ ເກົ່າ ຂອງລົດທຳມະດາຈາກ 85.000 ກີບ ລົງມາເປັນ 75.000 ກີບ, ລົດດ່ວນວີໄອພີ 2 ຈາກ 100.000 ລົງມາເປັນ 90.000 ກີບ, ລົດດ່ວນວີໄອພີ 1 ຈາກ 110.000 ລົງມາເປັນ 95.000 ກີບ; ສະຫວັນ ນະເຂດ- ຄຳມ່ວນ ລົດທຳມະດາຈາກ 30.000 ກິບລົງມາເປັນ 25.000 ກີບ, ສະຫວັນນະເຂດ-ປາກເຊ ຈາກ 45.000 ກີບລົງມາເປັນ 40.000 ກີບ, ສະຫວັນນະເຂດ-ສາລະວັນ ຈາກ 70.000 ກີບລົງມາເປັນ 65.000 ກີບ, ສະຫວັນນະເຂດ-ເຊກອງ 70.000 ກີບ ລົງມາເປັນ 65.000 ກີບ, ສະຫວັນນະເຂດ- ອັດຕະປື 85.000 ກີບລົງມາເປັນ 75.000 ກີບແລະສະຫວັນນະເຂດ-ຊາຍແດນ 45.000 ກີບລົງມາເປັນ 40.000 ກີບ./.
ກັບສາລະບານ
