ຈັດສົ່ງສອງແກນນຳເຜົ່າມົ້ງກັບຄືນບ້ານເດີມ
*(ຂປລ): ທ້າວ ເຢຍກາວວື ອາຍຸ 42 ປີ ແລະ ທ້າວ ຢາເຢຍວື ອາຍຸ 38 ປີ, ທີ່ອາໄສ ຢູ່ ຫວ້ຍນ້ຳຂາວປະເທດໄທເປັນເວລາ 3 ປີກ່ວາ ແລະຖືເປັນໜຶ່ງໃນ 8 ແກນນຳສູງສຸດທີ່ ມີອຳ ນາດ ປົກຄອງເຜົ່າມົ້ງ ຢູ່ຫ້ວຍນ້ຳຂາວປະເທດໄທ, ພວກເຂົາສ້າງຄວາມປັ່ນປ່ວນ, ສ້າງຄວາມບໍ່ ສະຫງົບ ໂຄສະນາ ປ່າວຂ່າວເຮັດໃຫ້ພີ່ນ້ອງເຜົ່າມົ້ງຜູ້ຮູ້ເທົ້າບໍໍ່ເຖິງການຕົກເປັນເຫຍື່ອຂອງພວກເຂົາ, ຂະນະ ດຽວກັນ, ພວກເຂົາເຫລົ່ານີ້ ຍັງ ກ່າວຫາແລະ ເສກສັນປັ້ນແຕ່ງແບບ ບໍ່ມີມູນ ຄວາມຈິງໃສ່ຮ້າຍ ປ້າຍ ສີ ລັດຖະບານລາວ ວ່າ ບໍ່ມີ ມະນຸດສະທຳ ຕໍ່ກັບພວກເຂົາເຈົ້າ. ທາງການໄທໄດ້ຈັດສົ່ງ ທ້າວ ເຢຍກາວວື ແລະ ທ້າວ ຢາ ເຢຍວື ໃຫ້ ທາງການລາວເມື່ອວັນທີ 22 ມິຖຸນາ2008 ແລະລັດຖະບານ ລາວກໍ ໄດ້ນຳສົ່ງໄປຍັງສູນຮັບຕ້ອນຊົ່ວ ຄາວ ດ້ວຍຄວາມປອດໄພເປັນ ຢ່າງ ດີ. ຈາກນັ້ນລັດຖະບານລາວໄດ້ຕົກລົງມອບ ທ້າວ ເຢຍກາວວື, ທ້າວ ຢາ ເຢຍວື ພ້ອມຄອບ ຄົວ (ເມຍ, ລູກ 4 ຄົນ) ກັບ ຄືນສູ່ທ້ອງ ຖິ່ນເດີມ ແລະ ມອບໃຫ້ອຳນາດການ ປົກຄອງ ບ້ານ ຮ່ອງສຸພາບ, ເມືອງໄຊ ເສດຖາ, ນະຄອນຫລວງວຽງຈັນ ເປັນຜູ້ສຶກສາອົບ ຮົມ ພວກເຂົາເຈົ້າ ເຫລົ່ານັ້ນໃຫ້ ກາຍເປັນພົນ ລະເມືອງດີ, ມີແນວຄິດສ້າງສາພັດທະນາແລະພ້ອມກັນຊ່ວຍເຫລືອສັງຄົມຄືກັນກັບ ຄອບ ຄົວ ອື່ນໆ. ພິທີມອບສົ່ງ ໄດ້ຈັດຂຶ້ນໃນ ຕອນເຊົ້າ ຂອງວັນ ທີ 6 ພະຈິກ 2008, ທີ່ສຳນັກເມືອງ ໄຊເສດຖາ, ນະຄອນຫລວງວຽງຈັນ ລະຫວ່າງທ່ານ ຢົງ ຈັນທະລັງສີ, ຫົວ ໜ້າກົມການຂ່າວ, ກະຊວງ ການຕ່າງປະເທດ, ທັງເປັນຄະນະອະນຸກຳມະ ການຮັກສາ ຄວາມ ສະຫງົບຮຽບຮ້ອຍຕາມຊາຍແດນ ລາວ-ໄທ,ໄທ-ລາວ ເປັນຜູ້ ກ່າວ ມອບ ແລະທ່ານ ວິໄລທອງ ຈິດສົມພັນ, ຕາງໜ້າອຳນາດ ການ ປົກຄອງເມືອງໄຊເສດຖາເປັນ ຜູ້ກ່າວຮັບ ໂດຍ ຊ້ອງ ໜ້າພະນັກງານ, ເຈົ້າໜ້າທີ່ໆ ຈຳນວນໜຶ່ງ. ໃນວັນທີ 8 -11 ເດືອນດຽວກັນ, ທາງເຈົ້າໜ້າທີ່ໆກ່ຽວຂ້ອງຈະໄດ້ຈັດສົ່ງເຜົ່າ ມົ້ງທີ່ເຂົ້າ ເມືອງໄທຜິດກົດໝາຍກັບຄືນທ້ອງຖິ່ນເດີມ ຕື່ມອີກ ມີ ແຂວງວຽງຈັນ, ແຂວງບໍລິຄຳໄຊ, ຫລວງພະ ບາງ ແລະ ແຂວງໄຊຍະບູລີຕາມລຳດັບ. ທາງການຂອງລາວ ແລະໄທ ໄດ້ຮ່ວມມືກັນຈັດສົ່ງເຜົ່າມົ້ງລາວ ທີ່ເຂົ້າເມືງໄທຜິດກົດໝາຍ ກັບຄືນສູ່ພູມລຳເນົາ ນັບໄດ້ວ່າເປັນ ຄັ້ງທີ 9 ແລ້ວ ລວມມີ 1.676 ຄົນ. ຂະນະດຽວກັນ, ລັດຖະບານ ໄທ ໄດ້ແຈ້ງສະຖິຕິວ່າ ເຜົ່າມົ້ງລາວຢູ່ສູນຫ້ວຍນ້ຳຂາວຍັງມີເຖິງ 7.000 ກ່ວາຄົນ ແລະຈະຈັດ ສົ່ງ ໃຫ້ລາວໂດຍໄວທີ່ສຸດ./.
ກັບສາລະບານ
