ເອດີບີ ຢືນຢັນຈະຮ່ວມແກ້ວິກິດການເສດຖະກິດກັບລາວ
*(ຂປລ) ທ່ານ ນາງ ວຽງທອງ ສີພັນດອນ ລັດຖະມົນຕີຊ່ວຍວ່າການກະຊວງການເງິນ ໄດ້ ພົບປະກັບທ່ານ ເອີຊູລາ ສແຈເນີ ເປຼອຸດສ໌ (Ursula Schaefe Preuss) ຮອງປະທານທະນາຄານ ພັດ ທະນາອາຊີ(ADB) ໃນຕອນເຊົ້າວັນທີ 6 ພະຈິກ 2008 ຢູ່ທີ່ກະຊວງການເງິນ ໃນລະຫວ່າງ ທີ່ເດີນທາງມາຢ້ຽມຢາມ ແລະ ເຮັດວຽກຢູ່ສປປ ລາວ. ທ່ານລັດຖະມົນຕີຊ່ວຍວ່າການກະຊວງການເງິນ ໄດ້ກ່າວຕ້ອນຮັບ ພ້ອມສະແດງຄວາມ ຂອບອົກຂອບໃຈຕໍ່ທະນາ ຄານພັດທະ ນາອາຊີ ທີ່ໄດ້ໃຫ້ການສະໜັບສະໜູນຊ່ວຍເຫລືອແກ່ ສປປ ລາວ ໃນການພັດທະນາເສດຖະກິດ-ສັງຄົມ ໂດຍສະເພາະແມ່ນ ການ ພັດທະນາ ທີ່ນອນຢູ່ໃນ ໂຄງ ການກໍ່ສ້າງພື້ນຖານໂຄງລ່າງອື່ນໆຢູ່ປະເທດລາວ. ພ້ອມນີ້ ທັງສອງຝ່າຍຍັງໄດ້ມີການປຶກ ສາຫາ ລື ກ່ຽວກັບການປັບປຸງອັດຕາຂອງເງິນໃຫ້ດີຂຶ້ນ ໂດຍອີງໃສ່ເງື່ອນໄຂທາງດ້ານການເງິນໃນປະຈຸບັນ ເຖິງວ່າ ສປປ ລາວຈະບໍ່ ຖືກກະ ທົບ ໂດຍກົງ ຈາກວິກິດການທາງດ້ານເສດຖະກິດ-ການເງິນຂອງໂລກ ໂດຍສະເພາະວິກິດການການເງິນ ຂອງສະຫະລັດ ອາເມ ລິກາທີ່ ກຳລັງປັ່ນປ່ວນໃນປະຈຸບັນ. ຈາກສະ ພາບດັ່ງກ່າວ ສປປ ລາວ ອາດຈະໄດ້ຮັບຜົນກະທົບທາງອ້ອມ ໂດຍສະເພາະ ແມ່ນ ການລົງທຶນ ລວມ ໄປເຖິງການສົ່ງອອກສິນຄ້າ, ດ້ານງົບປະມານ, ລາຄາ ແລະ ແຫລ່ງລາຍຮັບອື່ນໆ. ສະນັ້ນທາງ ກະຊວງການ ເງິນຈິ່ງໄດ້ສະເໜີໃຫ້ ທະນາຄານພັດທະນາອາຊີ ເຊິ່ງເປັນຄູ່ຮ່ວມມືພັດທະນາ ທີ່ສຳ ຄັນຂອງລາວ ໄດ້ຊ່ວຍພິຈາລະນາ ຄືນກ່ຽວກັບ ບັນດາໂຄງການຕ່າງໆ ລວມໄປເຖິງ ບັນຫາການສະ ໜັບສະໜູນ ແລະ ນະໂຍບາຍຕ່າງໆກ່ຽວກັບການ ປ່ຽນແປງທາງດ້ານ ເສດ ຖະກິດ. ຕໍ່ບັນຫານີ້ ທ່ານຮອງປະທານພັດທະນາອາຊີ ໄດ້ສະແດງຄວາມດີໃຈ ແລະ ຊົມເຊີຍຕໍ່ ຄວາມພະຍາຍາມຂອງລັດຖະບານ ແຫ່ງ ສປປ ລາວທີ່ໄດ້ຮັບຜົນສຳເລັດສຳຄັນ ໃນການພັດທະ ນາເສດຖະກິດ-ສັງຄົມຂອງປະເທດ. ພ້ອມທັງ ຢືນຢັນທີ່ຈະຮ່ວມມືກັບ ສປປ ລາວ ໃນການຊອກ ທາງອອກ ເພື່ອປັບປຸງດ້ານເສດຖະກິດ-ການເງິນ ໃຫ້ມີສະຖຽນລະພາບຫລາຍຂຶ້ນ./.
ກັບສາລະບານ
