ຊາວໜຸ່ມເມືອງຮຸນສະໜັກໃຈປະຕິບັດພັນທະຮັບໃຊ້ຊາດ
*(ຂປລ): ເພື່ອປະກອບສ່ວນ ເຂົ້າໃນຖັນແຖວກຳລັງປະກອບອາວຸດ ຫລືເປັນຮົ້ວປ້ອງກັນຊາດ ເຮັດໃຫ້ປະເທດຊາດ ມີຄວາມສະຫງົບສຸກ. ໄລຍະມໍ່ໆນີ້ ຊາວໜຸ່ມຊາຍສະກັນ ເມືອງຮຸນ ແຂວງອຸດົມໄຊ ຈຳນວນ 60 ຄົນ ໄດ້ຕື່ນຕົວສະໜັກ ໃຈ ອອກຮັບໃຊ້ພັນທະປ້ອງກັນຊາດ. ພິທີມອບ-ຮັບ ແລະ ຈັດສົ່ງຊາວໜຸ່ມຈຳນວນດັ່ງກ່າວ ໄດ້ມີຂຶ້ນຢູ່ທີ່ ກອງບັນຊາການທະຫານເມືອງຮຸນ ໂດຍມີທ່ານ ທອງ ເພັດ ພັນທະວົງ, ກຳມະການພັກເມືອງ, ຫົວໜ້າຫ້ອງວ່າການເມືອງຮຸນ ເຂົ້າຮ່ວມໃນຄັ້ງນີ້, ຂະນະດຽວກັນ ທ່ານ ພັນໂທ ບຸນເລີດ ຄັດອຸດົມ, ຄະນະພັກກອງບັນຊາການ, ຮອງຫົວໜ້າຫ້ອງເສນາທິການ ກອງບັນຊາການທະ ຫານແຂວງໄດ້ກ່າວ ມອບຊາວໜຸ່ມໃຫ້ແກ່ກອງ “ ກ 3 “ ພ້ອມກ່າວສະແດງຄວາມຊົມເຊີຍພາກສ່ວນຕ່າງໆ ທີ່ໃຫ້ການຮ່ວມມືລົງສູ່ຮາກຖານ ປຸກລະດົມຈິດໃຈຊາວໜຸ່ມໄດ້ຕາມຄາດໝາຍ ແລະມອບໃຫ້ພາກສ່ວນກ່ຽວຂ້ອງສຶກສາອົບຮົມ ການເມືອງແລະວິຊາສະ ເພາະຕ່າງໆ ໃຫ້ເຂົາເຈົ້າກາຍເປັນພະນັກງານສຶບທອດໃນອະນາຄົດ./. *ຂ່າວ:ແສງເພັດປັນທະລາ*
ກັບສາລະບານ
