ການປະຕິບັດໂຄງການປ້ອງກັນພະຍາດ ຢູ່ສຸກສາລາ 8 ແຂວງພາກເຫນືອ
*(ຂປລ): ກະຊວງສາທາລະນະສຸກ, ກົມອະນາໄມ-ກັນພະຍາດ, ຫ້ອງການໂຄງການ ກອງ ທຶນໂລກເອດ, ວັນນະໂລກ ແລະ ໄຂ້ຍຸງ ໄດ້ດຳເນີນການທົບທວນຄືນການ ຈັດຕັ້ງປະຕິບັດ ໂຄງ ການຢູ່ສຸກສາລາເມືອງ 8 ແຂວງພາກເໜືອໃນໄລຍະ 5 ປີຜ່ານມາ (2003-2008) ໃນທ້າຍເດືອນ ຕຸລາທີ່ຜ່ານມານີ້ ຢູ່ທີ່ພະແນກແຜນການ ແລະ ການລົງທຶນແຂວງຫລວງນ້ຳທາ. ຕະຫລອດໄລຍະ 5 ປີຜ່ານມາ ວຽກງານຕ້ານເອດສ, ວັນນະໂລກ ແລະ ໄຂ້ຍຸງ ຖືກຈັດ ຕັ້ງ ປະຕິບັດຢ່າງຕໍ່ເນື່ອງ ເປັນຕົ້ນແມ່ນ ການໂຄສະນາສຸຂະສຶກສາລົງສູ່ປະຊາຊົນກຸ່ມເປົ້າໝາຍ, ການ ບໍລິການກວດສຸຂະພາບຄົນເຈັບ, ປິ່ນປົວຄົນເຈັບ, ຈັດອົບຮົມ ໃຫ້ ພະນັກງານຄະນະ ກຳມາທິ ການ ສົ່ງ ເສີມສຸຂະພາບ, ຂັ້ນບ້ານ, ຂັ້ນເຂດ, ຕິດຕາມຊຸກຍູ້ອາສາສະໝັກຂັ້ນບ້ານ ປະຈຳສຸກສາລາ ໃນການຮຽນຮູ້ການຂຶ້ນແຜນ, ເກັບກຳຂໍ້ມູນຕ່າງໆ, ສະຫລຸບລາຍງານເປັນປົກກະຕິກ່ຽວກັບສາເຫດ ຂອງການແຜ່ເຊື້ອ, ການຕິດ ເຊື້ອ ແລະ ການປ້ອງກັນ, ການຄົ້ນຄວ້າຫາເປົ້າໝາຍ, ກຸ່ມສ່ຽງ ຊັກຊວນ ເຂົາ ເຈົ້າກວດເຊື້ອພະຍາດ; ປິ່ນປົວຖືກຕ້ອງທັນກັບເວລາ; ວຽກງານຕ້ານ ແລະ ສະກັດກັ້ນ ໂລກເອດສ ແມ່ນສາມາດປິ່ນປົວຮັກສາສຸຂະພາບ, ຄວບຄຸມບໍ່ໃຫ້ຂະຫຍາຍຊຶ່ງປະຈຸບັນ ຍັງມີຕ່ຳ ກວ່າ 1%; ວຽກງານວັນນະໂລກປິ່ນປົວໄດ້ 79,2% ຂອງຜູ້ຕິດເຊື້ອພະຍາດດັ່ງກ່າວ. ຜ່ານການຈັດຕັ້ງປະຕິບັດຕົວຈິງໄດ້ເຖິງ 93,2% ຂອງເຊື້ອວັນນະໂລກ, ມີຜູ້ເສຍຊີວິດຍ້ອນພະຍາດໄຂ້ຍຸງ 187 ກໍລະນີຕໍ່ປີ. ມາຮອດປະຈຸບັນຫລຸດລົງ 14 ກໍລະນີ ຕໍ່ປີ, ອັດຕາການເຈັບ, ການຕາຍ ຍ້ອນ ພະ ຍາດໄຂ້ຍຸງ, ວັນນະໂລກ ແລະ ໂລກເອດສແມ່ນຫລຸດໜ້ອຍຖອຍລົງ. ເຂົ້າຮ່ວມປິດກອງປະຊຸມ ທ່ານ ດຣ. ອິນແກ້ວ ພຸດທະວົງ ຫົວໜ້າພະແນກສາທາລະນະສຸກ ແຂວງຫລວງນ້ຳທາ, ທ່ານ ຈັນມີ ສຣະ ມະນີ ຫົວໜ້າກອງທຶນໂລກ ພ້ອມດ້ວຍຄະນະປະ ສານງານລະດັບຊາດຂອງກອງທຶນໂລກ, ທີມງານວິຊາການຈາກຫ້ອງການ ກອງ ທຶນໂລກ, ສູນຕ້ານເອດ, ວັນນະໂລກ, ໄຂ້ຍຸງ ແລະ ຜູ້ຮັບຜິດຊອບວຽກງານວັນນະໂລກຂັ້ນເມືອງ 18 ເມືອງ 36 ສຸກສາລາ 8 ແຂວງ ເຂົ້າຮ່ວມ./.
ກັບສາລະບານ
