ປະຕິຮູບການສຶກສາຍັງຢືດໝັ້ນ 4 ໂຄງການບຸລິມະສິດ
*(ຂປລ): ບົນພື້ນຖານການປະຕິບັດແຜນພັດທະນາຊັບພະຍາກອນມະນຸດ ແລະ ພັດທະ ນາສັງຄົມ ໃນສົກປີ 2009-2010, ກະ ຊວງສຶກສາທິການຍັງສືບຕໍ່ຢຶດໝັ້ນສຸມໃສ່ດຳເນີນ 4 ໂຄງ ການ ບຸລິມະສິດ ຊຶ່ງນອນຢູ່ໃນ 111 ໂຄງການ ຂອງລັດຖະບານ ມອບ ໝາຍໃຫ້ ເພື່ອປະຕິຮູບລະ ບົບ ການສຶກສາແຫ່ງຊາດ ຢ່າງແຂງແຮງ ມີຄຸນນະພາບ ແລະ ມີມາດຖານສູງຂຶ້ນ. ອິງຕາມບົດລາຍງານຂອງກະຊວງສຶກສາທິການລະບຸວ່າ: ທັງສີ່ໂຄງການດັ່ງກ່າວປະກອບມີ ໂຄງ ການປະຕິຮູບລະບົບການສຶກ ສາແຫ່ງຊາດ; ໂຄງການປັບປຸງຄຸນນະພາບ ແລະ ຂະ ຫຍາຍ ໂອກາດເຂົ້າຮຽນ; ໂຄງການແກ້ໄຂບັນຫາຄູອາຈານ ແລະ ການຍົກ ລະດັບ ຄວາມສາມາດຂອງຜູ້ບໍລິຫານການສຶກສາ; ໂຄງການຂະຫຍາຍໂຮງຮຽນວິຊາຊີບ ແລະ ຝຶກອົບ ຮົມ ວິຊາຊີບໄປທຸກ ແຂວງ ທົ່ວ ປະເທດ. ການປະຕິຮູບລະບົບການສຶກສາແຫ່ງຊາດຕ້ອງເລີ່ມ ຈາກຊັ້ນອະ ນຸ ບານຂຶ້ນໄປ,ໃນໄລຍະໃໝ່ຕ້ອງມີການປະຕິຮູບ ຢ່າງຄົບຊຸດ ໂດຍເນັ້ນໃສ່ຫລາຍກິດຈະກຳຕົ້ນຕໍ ດ້ວຍການສ້າງສຳເລັດການພັດທະນາບັນດາຂະແໜງການຄື: ຍຸດທະສາດ, ແຜນ ງານ ແລະ ການ ປະເມີນການສຶກສາ ຂັ້ນ ພື້ນຖານ; ການເງິນ ແລະ ການວາງແຜນປະຕິບັດ; ການຄຸ້ມຄອງຊັບພະ ຍາກອນມະນຸດ ນັບທັງການພັດທະນາສັງຄົມ ແລະ ການຮຽນຮ່ວມ ທີ່ສຳຄັນ. ນອກຈາກນີ້ ບັນດາຍຸດທະສາດຂອງຂະແໜງການຍ່ອຍກໍຈະຕ້ອງໄດ້ສູ້ຊົນປັບປຸງໃຫ້ມີປະ ສິດທິຜົນ ກວ່າເກົ່າ ເປັນຕົ້ນແມ່ນຍຸດ ທະສາດ ແລະ ແຜນປະຕິບັດງານກ່ຽວກັບການສ້າງຄູ, ແຜນ ແມ່ບົດການພັດທະນາເຕັກນິກ-ອາ ຊີວະສຶກສາ ແລະ ຂະແໜງການ ຍ່ອຍອື່ນໆ. ເຊັ່ນດຽວກັບການ ປະຕິຮູບລະບົບສາຍສາມັນ ສຶກສາຈາກ 11 ປີເປັນ 12 ປີຮຽນ ໂດຍຈະມີການສຸມໃສ່ ພັດທະນາ ເນື້ອໃນຫລັກສູດ, ປຶ້ມແບບຮຽນ, ປຶ້ມຄູ່ມື ນັບແຕ່ຊັ້ນອະນຸບານ ຮອດຊັ້ນມັດທະຍົມປາຍໃນສົກປີ 2009-2010. ສູ້ຊົນເຮັດໃຫ້ ອັດຕາເຂົ້າຮຽນຊັ້ນອະນຸບານ ບັນລຸ 17%, ຊັ້ນປະຖົມສຶກສາ 98% ແລະ ປະຊາກອນໃນເກນອາຍຸ 15 ປີຂຶ້ນໄປໃຫ້ຮູ້ໜັງສື 87%. ໃນຊຸມປີຜ່ານມາລັດ ຖະບານ ກໍ ໄດ້ ເອົາໃຈໃສ່ຢ່າງບໍ່ຫລົດລະໃນການປັບປຸງຍົກລະດັບ ຂະແໜງການ ສຶກສາໂດຍໄດ້ເພີ່ມງົບປະ ມານ ຈາກ 2,38% ໃນປີ 2001-2002 ເປັນ 12,22% ໃນສົກປີ 2007-2008 ຊຶ່ງໄດ້ສ້າງເງື່ອນ ໄຂອຳ ນວຍຄວາມສະດວກ ໃຫ້ ແກ່ການພັດທະນາການສຶກສາແຫ່ງ ຊາດໃຫ້ ນັບມື້ມີຄຸນນະພາບ ສຸງຍັບ ເຂົ້າໃກ້ກັບລະບົບການສຶກສາພາກພື້ນ ແລະ ສາກົນ ເທື່ອລະກ້າວ./.
ກັບສາລະບານ
