ນາງ ເຄືອຄຳລີ ກິລາຍົກນ້ຳໜັກສ້າງປະຫວັດສາດ ໄດ້ຫລຽນຄຳ ໃນຊີເກມ
(10/12/2009) 20:34 ມ
* ການແຂ່ງຂັນກິລາຍົກນ້ຳຫນັກ ໃນ ວຽງຈັນເກມ ມື້ວານນີ້ຢູ່ສະຫນາມກິ ລາ ໂຮງຮຽນພອນສະຫວັນ ມະຫາວິທະ ຍາ ໄລແຫ່ງຊາດ ນະຄອນຫລວງ ວຽງຈັນ ມີການຊິງຫລຽນກັນຫລາຍລຸ້ນ ເປັນຕົ້ນ ໃນລຸ້ນ 48 ກິໂລຍິງ, 53 ກິໂລຍິງ ແລະ ລຸ້ນ 56 ກິໂລຊາຍ ຊຶ່ງນັກກິລາຍົກນ້ຳຫນັກຍິງລາວ ໄດ້ ຫລຽນຄຳ ປະ ຫວັດ ສາດ. ຂະນະທີ່ ມາເລເຊຍ ໄດ້ ຫລຽນເງິນ ແລະ ໄທ ໄດ້ ຫລຽນທອງ. ສຳລັບໃນລຸ້ນ 48 ກິໂລຍິງ ນັກກິ ລາຈາກປະເທດໄທ ໄດ້ ຫລຽນຄຳ, ຫວຽດນາມ ໄດ້ ຫລຽນເງິນ ແລະ ມາເລເຊຍ ໄດ້ ຫລຽນ ທອງ. ສ່ວນໃນລຸ້ນ 56 ກິໂລຊາຍ ນັກກິລາຈາກ ອິນໂດເນເຊຍ ໄດ້ ຫລຽນຄຳ ຍົກໄດ້ໃນນ້ຳຫນັກລວມ 274 ກິໂລ, ມຽນມາ ໄດ້ ຫລຽນເງິນ ຍົກໄດ້ໃນນ້ຳຫນັກລວມ 266 ກິໂລ ແລະ ມາເລເຊຍ ໄດ້ ຫລຽນທອງ ຍົກໄດ້ໃນ ນ້ຳຫນັກລວມ 265 ກິໂລ ກາມ. ກິລາຍົກນ້ຳຫນັກໃນ ວຽງຈັນເກມ ຈະແຂ່ງຂັນໄປຈົນເຖິງ ວັນທີ 13 ທັນວາ 2009 ໂດຍມີນັກກິລາເຂົ້າ ຮ່ວມ ແຂ່ງຂັນທັງຫມົດ 74 ຄົນ, ຍິງ 31 ຄົນຈາກ 8 ປະເທດຍົກເວັ້ນປະ ເທດ ບຣູໄນ, ກຳປູ ເຈຍ ແລະ ປະເທດ ສິງກະໂປ ສະເພາະນັກກິລາ ຍົກ ນ້ຳ ຫນັກຂອງທີມ ຊາດລາວ ມີ 9 ຄົນ, ຍິງ 4 ຄົນ ເຊິ່ງໃນເບື້ອງຕົ້ນ, ສະຫະພັນກິລາຍົກນ້ຳ ໜັກ ແຫ່ງຊາດລາວ ບໍ່ໄດ້ຕັ້ງຄວາ ມ ຫວັງໃນ ການ ໄດ້ຫລຽນໃດໜຶ່ງ, ແຕ່ການທີ່ ລາວເຮົາ ໄດ້ຫລຽນສູງສຸດຄືແນວນີ້ ມັນເກີນຄາດໝາຍນັບວ່າ ເປັນໜ້າປະຫວັດ ສາດໃນວົງການກິລາລາວເຮົາ. ສຳລັບມື້ນີ້ ນັກກິລາຍົກນ້ຳຫນັກ ລາວ ຈະລົງແຂ່ງຂັນ ຊີງ 8 ຫລຽນຄຳ ໃນນີ້ ຍິງ 3 ລຸ້ນ ຄື: 58, 63 ແລະ 69 ກິໂລ. ສ່ວນປະເພດຊາຍ ມີລຸ້ນ 62, 69, 77,85 ແລະ 94 ກິໂລ./.
ກັບສາລະບານ
