ບານສົ່ງຊາຍລາວ ໄດ້ອັນດັບທີ 5
(15/12/2009) 19:27 ມ
* ນັບແຕ່ມື້ແຂ່ງຂັນຈົນເຖິງດຽວນີ້,ກິລາປະເພດນີ້ຫ່າງຫາຍໄປຈາກວົງການສື່ມວນຊົນ ເຊິ່ງນັ້ນ ກໍ ຄືກິລາບານສົ່ງ.ແນວໃດກໍດີ,ສຳລັບມື້ນີ້ ທີມຂ່າວໜັງສືພິມພວກເຮົາ ໄດ້ ນຳເອົາບາງຂໍ້ມູນເພື່ອ ສະ ເໜີໃຫ້ປວງຊົນລາວຮູ້ກ່ຽວກັບກິລາປະເພດນີ້ໂດຍສະເພາະໃນມື້ວານນີ້ບານສົ່ງລາວ ເຮົາ ພົບກັບທີມຊາດມາເລເຊຍ.ເກືອບບໍ່ເຊື່ອ ສາຍຕາ ເລີຍວ່າ,ນັກຕົບບານລາວເຮົາຈະພັດທະນາ ໄດ້ ເຖິງພຽງນີ້ນັບທັງການເຕັ້ນເປີດບານ,ການອັດບານຕົບຂອງຄູ່ຕໍ່ສູ້ ແລະທີ່ສຳຄັນທີ່ສຸດກໍຄື ການ ມີຫຼາຍຮູບແບບໃນການ ຕົບບານ ທັງຊ້າຍ-ຂວາທັງຈາກແດນຫລັງທັງຕົບ ບານໄວຂອງທີມຊາດ ລາວນັ້ນແລະ ເຖິງວ່າ ລາວເຮົາຕາມຫລັງ 0-2 ເຊັດ,ແຕ່ຈາກການວາງ ເກມທີ່ດີໃນທີ່ສຸດ ແລ້ວ ລາວ ເຮົາຈຶ່ງຊະນະທີມຊາດມາເລເຊຍ 3-2 ເຊັດ ຄື 22-25,22-25,25-19,25-16 ແລະ 15-13. ຈາກ ຜົນຂອງ ການຊະນະມາເລເຊຍໃນນັດ ນີ້ສົ່ງຜົນໃຫ້ລາວຢູ່ໃນ ອັນດັບທີ 5 ໃນມະຫະກຳ ກິລາຊີເກມຄັ້ງທີ 25 ທີ່ລາວເຮົາເປັນເຈົ້າພາບ.
ກັບສາລະບານ
