ປິດສາກເປຕັງວຽງຈັນເກມ ລາວໄດ້ຕື່ມອີກ 1 ຫລຽນຄຳ (18/12/2009) 19:04ມ
ການແຂ່ງຂັນກິລາເປຕັງໃນວຽງຈັນເກມມື້ສຸດທ້າຍໃນວັນທີ 18 ທັນວານີ້ ທີ່ສະຫນາມກິ ລາເປຕັງ ມະຫາວິທະຍາໄລແຫ່ງຊາດ ນະຄອນຫລວງວຽງຈັນ ນັກກິລາເປຕັງລາວ ຍາດໄດ້ ຕື່ມ ອີກ 1 ຫລຽນ ຄຳຈາກປະເພດທີມຊຸດຊາຍຊຶ່ງປະກອບມີທ້າວສາຍສະຫມອນ ແສງດາວ,ທ້າວ ສົມອົກ ເລັ່ງສະຫວັດ,ທ້າວ ສອນໄຊ ມະນີວັນ ແລະ ທ້າວສຸລະສິດ ຄຳວົງ ຫລັງຈາກເອົາຊະນະ ຫວຽດນາມໄປ13-7,ຫວຽດນາມໄດ້ຫລຽນເງິນ,ຂະນະທີ່ທີມຊຸດຍິງຊຶ່ງປະກອບມີນາງອັນສະນີ ດາລາວັນ,ນາງ ມິມີ ວົງສະຫວັດ,ນາງອຸເດດ ສົມສຸກແລະນາງສຸກສາຄອນໄດ້ພຽງຫລຽນທອງ ຮ່ວມກັບປະເທດ ກຳປູເຈຍ, ໄທໄດ້ຫລຽນຄຳແລະ ຫວຽດນາມໄດ້ຫລຽນເງິນ. ສະຫລຸບການແຂ່ງຂັນກິລາເປຕັງໃນວຽງຈັນເກມນັບແຕ່ວັນທີ10-18/12/09,ປະເທດໄທອັນດັບຫນຶ່ງໄດ້ 5 ຫລຽນຄຳ,1 ຫລຽນເງິນ,5 ຫລຽນທອງ,ອັນດັບສອງ ກຳປູເຈຍ ໄດ້ 2 ຫລຽນຄຳ,4 ຫລຽນ ເງິນ, 5 ຫລຽທອງແລະອັນດັບສາມ ສປປລາວ ໄດ້ 2 ຫລຽນ ຄຳ,1 ຫລຽນເງິນ ແລະ 6ຫລຽນທອງ./.
ຄວາມຫວັງຫລຽນຄຳເປຕັງລາວບັງເກີດຜົນແລ້ວຫລັງໄທຍອມຮັບສະພາບ
(14/12/2009) 21:01 ມ
* ການແຂ່ງຂັນກິລາເປຕັງໃນມະຫະກຳກິລາຊີເກມຄັ້ງທີ 25,ສະຫະພັນເປຕັງແຫ່ງຊາດ ລາວຕັ້ງຄວາມຫວັງໃຫ້ໄດ້ຢ່າງໜ້ອຍ 5 ຫລຽນຄຳ,ແຕ່ຜ່ານຈາກການແຂ່ງຂັນມາ 7 ລາຍການ ແຕ່ວັນທີ 10 ທັນວາຈົນເຖິງວານນີ້,ນັກກິລາປະເພດນີ້ກໍໄດ້ເຮັດໃຫ້ປວງຊົນລາວທັງຊາດ ພູມໃຈ ຫລັງ ຄອງ ຄອຍມາ 5 ມື້,ໃນທີ່ສຸດນັກກິລາເປຕັງລາວ ກໍຍາດໄດ້ 1 ຫລຽນຄຳ. ມື້ນີ້ ຢູ່ສະຫນາມກິລາເປຕັງ ມະຫາວິທະຍາໄລແຫ່ງຊາດ ນະຄອນຫລວງວຽງຈັນ ນາງ ມະນີວັນ ສຸລິຍາ ແລະ ນາງ ນ້ອຍຕາວັນ ປະເສີດ ນັກກິລາເປຕັງທີມຊາດລາວ ຄູ່ຍິງບໍ່ໄດ້ ເຮັດ ກອງເຊຍ ຜິດຫວັງຕໍ່ໄປອີກແລ້ວ ເມື່ອໄດ້ຫລຽນຄຳ ຫລັງຈາກນັກກິລາເປຕັງໄທຍອມຮັບ ສະພາບຈາກການ ມີ ຄະ ແນນຕາມຫລັງ 6-12 ໄດ້ພຽງຫລຽນເງິນ,ຂະນະທີ່ຫວຽດນາມແລະ ກຳປູ ເຈຍ ໄດ້ ຫລຽນ ທອງ.ສ່ວນປະເພດຄູ່ຊາຍ,ນັກກິລາເປຕັງລາວ ທ້າວ ອຸ່ນເຮືອນ ເດດແສງຈັນ ແລະ ທ້າວສຸທິນາ ນອງທິບ ໄດ້ຫລຽນທອງຮ່ວມກັບເມລາເຊຍຫລັງຈາກເສຍ ໃຫ້ຫວຽດ ນາມ 11 :13, ໄທໄດ້ ຫລຽນ ຄຳ ແລະ ຫວຽດນາມໄດ້ຫລຽນເງິນ ເຊັ່ນດຽວກັນ,ປະເພດ ຄູ່ປະສົມ ຊາຍ-ຍິງນັກກິລາເປຕັງລາວ ທ້າວ ວັດທະນາໄຊ ຄຳພາວົງ ແລະ ນາງ ຈັນ ສະຫມອນ ວົງສະ ຫວັດ ໄດ້ຫລຽນທອງ ຮ່ວມ ກັບ ຫວຽດນາມຫລັງເສຍໃຫ້ກຳປູເຈຍ3 :13,ໄທໄດ້ຫລຽນຄຳ ແລະ ກຳປູເຈຍໄດ້ຫລຽນເງິນ. ປະຈຸບັນສະຫະພັນເປຕັງແຫ່ງຊາດລາວໄດ້ແລ້ວ 6 ຫລຽນຄື 1 ຫລຽນຄຳ,1 ຫລຽນເງິນ ແລະ 4 ຫລຽນທອງ.ສຳລັບການແຂ່ງຂັນມື້ອື່ນຈະເປັນຮອບຄັດເລືອກປະເພດທີມຊຸດປະສົມ1 ຊາຍ 2 ຍິງ ແລະ ທີມຊຸດປະສົມ1 ຍິງ 2 ຊາຍ ແລະ ຈະຊີງຊະນະເລີດໃນວັນທີ 16 ທັນວາ 2009./.
ກັບສາລະບານ
