1. ໄທ 2. ກຳປູເຈຍ 3. ຫວຽດນາມ 4. ມາເລເຊຍ 5. ຕີມໍເລດສະເຕ
ຫວຽດນາມໄດ້ພຽງອັນດັບສອງບານເຕະຊາຍໃນວຽງຈັນເກມ (1712/2009) 20: 02 ມ
*ການແຂ່ງຂັນກິລາເຕະບານ ຮອງຊີງຊະນະເລີດໃນເວລາ 17 :00 ໂມງຂອງວັນທີ 17 ທັນ ວາ ຢູ່ສະໜາມກິລາແຫ່ງຊາດຫລັກ16 ເປັນການໂຄຈອນມາພົບກັນຂອງສາຍ A ລະຫວ່າງ ທີມ ຊາດ ຫວຽດນາມ ແລະ ທີມຊາດມາເລເຊຍ ທ່າມກາງກອງເຊຍຫວຽດນາມ ແລະ ມາເລເຊຍມາ ໃຫ້ກຳລັງໃຈເຖິງຂອບ ສະ ໜາມ ນັບເປັນໝື່ນຄົນ ໃນທີ່ສຸດແລ້ວ,ມາເລເຊຍ ກໍປະກາດຄວາມຍິ່ງໃຫຍ່ ບົນດິນແດນລ້ານຊ້າງ ໂດຍໄດ້ຄອງຄວາມ ເປັນໜຶ່ງພາຍຫລັງຊະນະຫວຽດນາມ 1-0. ເກມການແຂ່ງຂັນໃນເຄິ່ງເວລາທຳອິດ,ຫວຽດນາມມີໂອກາດຫລາຍກວ່າໃນການຍິງປະຕູ,ແຕ່ກເຮັດຫຍັງກັນບໍ່ໄດ້ ຈົບ 45 ນາທີ ສະເໝີກັນ 0-0.ໃນເຄິ່ງເວລາທີ ,ທັງສອງ ໄດ້ຜັດປ່ຽນກັນບຸກ ແລະ ຮັບ ທັງຫລິ້ນບານກັບໄວ ເຊິ່ງກໍມີໂອ ກາດ ໄດ້ປະຕູງາມໆຂອງທັງສອງທີມ.ເກມທຳທ່າວ່າຈະສະເໝີກັນ ແລະຈະໄປແຂ່ງຂັນໃນ 30 ນາທີພິເສດ,ແຕ່ຈາກກາກ ການ ບຸກໜັກ ແລະ ຕໍ່ເນື່ອງ ຂອງມາເລເຊຍ ຈົນມາເຖິງນາທີໆ 83 ມາເລເຊຍ ພາດລູກຍິງທຳອິດ,ແຕ່ກັບໄດ້ບານເປີດ ເຂົ້າມາໜ້າປະຕູ ຊຶິ່ງ ທີ່ສຸດແລ້ວ,ມາເລເຊຍ ກໍໄດ້ປະຕູ ຈາກການສະກັດກັ້ນບານຜິດພາດຂອງກອງ ຫລັງ ຫວຽດນາມ ເຮັດ ໃຫ້ມາເລເຊຍ ຂຶ້ນນຳ 1-0 ແລະ ກໍເປັນປະຕູໄຊ ໜຶ່ງດຽວ ທີ່ເຮັດໃຫ້ບານເຕະທີມຊາດມາເລເຊຍ ຄອງຄວາມ ເປັນໜຶ່ງບານເຕະຊາຍ ແລະ ໄດ້ຫລຽນຄຳມາຄອງໃນ ມະຫະກຳ ກິລາຊີເກມຄັ້ງທີ 25 ນີ້, ສ່ວນ ຫວຽດນາມ ໄດ້ຫລຽນເງິນ ຂະນະທີ່ ສິງກະໂປ ໄດ້ຫລຽນທອງ./.
ບານເຕະໜຸ່ມລາວ ເຮັດໄດ້ດີພຽງຢູ່ອັນດັບທີ 4 ຫລັງພາດທ່າເສຍສິງກະໂປ (1712/2009) 17: 35 ມ
*ໃນນັດສຸດທ້າຍຂອງຮອບຄັດເລືອກບານເຕະຊາຍ,ທີມຊາດລາວ ແລະ ສິງກະໂປ ພົບກັບ ມາ ແລ້ວ ໂດຍທັງສອງທີມສະເໝີກັນ ແລະ ກໍກອດຄໍກັນເຂົົ້າສູ່ຮອບກ່ອນຮອງຊະ ນະເລີດແລະ ໃນນັດ ກ່ອນຮອງຊະນະເລີດນັ້ນ ລາວເສຍມາເລເຊຍ,ຂະນະທີ່ສິງກະໂປ ກໍເສຍໃຫ້ຫວຽດນາມ ຈາກຜົນອອກມາດັ່ງກ່າວ,ທີມຊາດລາວ ແລະ ສິງກະໂປ ກໍໂຄຈອນມາພົບກັນອີກເພື່ອຊີງທີ 3 ໃນ ແລງມື້ນີ້ ເວລາ 15:00 ໂມງ ຢູ່ເດີ່ນກິລາບານເຕະເຈົ້າອະນຸວົງ ຊຶ່ງເກມການຫລິ້ນບານ ຂອງ ປະເທດເຈົ້າພາບ ລ້ວນແຕ່ມາຈາກຄວາມສາມາດສະເພາະໂຕລວມທັງການມີຈິດໃຈສູ້ ແຕ່ກໍ ພາດ ທ່າ ເສຍ ໃຫ້ສິງກະໂປ 1-3 ໄດ້ພຽງອັນດັບ 4,ແຕ່ກໍເປັນອັນດັບທີ່ປວງຊົນລາວທັງຊາດພູມ ໃຈ. ເຖິງວ່າຄູຝຶກຂອງທັງສອງທີມຕ່າງກໍເຫັນໄດ້ຢ່າງຈະແຈ້ງ ກ່ຽວກັບຈຸດແຂງຂອງກັນ ແລະ ກັນ ກໍຕາມ,ແຕ່ລູກທີມຂອງຄູຝຶກ ອານເຟດ ຣີດ ໄດ້ພະຍາຍາມຫລິ້ນໃຫ້ດີທີ່ສຸດ ເພື່ອເອົາຫຼຽນ ທອງຫຼຽນ ແຫ່ງກຽດສັກສີທ່າມກາງສາຍຕາ ຂອງ ກອງເຊຍນັບຫຼາຍພັນຄົນໄປຕິດຕາມເບິ່ງ ແລະໃຫ້ກຳລັງໃຈເຖິງຂອບສະໜາມມາໃຫ້ໄດ້.ໃນເຄິ່ງເວລາທຳອິດ,ລາວເດີນເກມບຸກຢ່າງສຸດ ຂີດແຕ່ເກມເດີນທາງ ມາເຖິງນາທີໆ 21ລາວມາເສຍປະຕູຈາກການຫລິ້ນກັບໄວ ແລະໃນ ທີ່ສຸດ ກໍມາໄດ້ປະຕູຈາກການຍິງໄກທີ່ສຸດງາມຂອງໝາຍເລກ 15 ສິງກະໂປ ຂຶ້ນນຳລາວ 1-0. ພາຍ ຫຼັງ ຖືກນຳ,ລາວກໍໄດ້ມີໂອ ກາດບຸກຫຼາຍຂຶ້ນແຕ່ຈັງຫວະສຸດທ້າຍບໍ່ແນ່ນອນທັງຫຼິ້ນສ່ວນ ໂຕ ຫຼາຍ ກວ່າຈຶ່ງພາດໂອກາດງາມໆ ຈົບ 45 ນາທີ ສິງກະໂປ ນຳ 1-0.ໃນຕົ້ນເກມ ຂອງເຄິ່ງເວລາ ຫຼັງ,ລາວເຮົາຫຼິ້ນດີກວ່າເກົ່າແລະ ມ ີໂອ ກາດໄດ້ປະຕູຫລາຍເທື່ອ,ແຕ່ກໍບໍ່ເປັນຜົນປະການໃດ.ສຸດທ້າຍແລ້ວ ກໍເປັນສິງກະໂປທີ່ໄດ້ປະຕູໜີຫ່າງເປັນ 2-0 ຈາກການຍິງຂອງໝາຍເລກ 11.ນາທີໆ 57,ລາວເຮົາເກືອບ ໄດ້ປະຕູ ຈາກ ການ ຍິງບານໄໝ,ແຕ່ບານພັດໄປຕຳຄານເທິງ.ລາວບຸກຕໍ່ເນື່ອງ,ແຕ່ຈັງຫວະສຸດທ້າຍບໍ່ດີ,ຂະນະທີ່ການສົ່ງຕໍ່ບານກໍຜິດພາດເປັນສ່ວນຫລາຍ,ນັກກິລາກໍຫຼິ້ນພໍໃຜພໍລາວ.ນີ້ຄືຈຸດປ່ຽນທີ່ເຮັດໃຫ້ສິງກະໂປໜີຫ່າງເປັນ 3-0.ແນວໃດກໍດີ,ລຳເນົາ ສິງໂຕ ກໍໄດ້ເຮັດ ໃຫ້ແຟນບານທັງສະໜາມດີໃຈ ໂດຍການໄລ່ຂຶ້ນມາເປັນ 1-3 ,ແຕ່ກໍເຮັດໄດ້ພຽງເທົ່ານີ້ ຈົບ 90 ນາທີ ສິງກະໂປ ຊະນະ ລາວ 3-1 ໄດ້ຫລຽນທອງໃນຊີເກມຄັ້ງທີ 25 ຢ່າງສົມໃຈ. ແນວໃດກໍດີ,ບານເຕະລາວ ໄດ້ສ້າງຄວາມປະທັບໃຈໃນຫລາຍຕໍ່ຫລາຍນັດ ແລະ ນັ້ນກໍແມ່ນ ຜົນສຳເລັດອັນພາກພູມໃຈແລະກໍພໍໃຈກັບອັນດັບທີ 4 ເຊິ່ງອັນດັບນີ້ຄືກຽດສັກສີຄືຄວາມກະຕືລື ລົ້ນຂອງປວງຊົນລາວທັງຊາດທີ່ເຫັນວົງການບານເຕະຂອງຕົນພັດທະນາເກີນຄວາມຄາດໝາຍ ໃນການເຂົ້າຮ່ວມແຂ່ງຂັນກິລາຊີເກມຄັ້ງທີ 25 ./.
ຄວາມຍິ່ງໃຫຍ່ຂອງບານເຕະທີມຊາດລາວ ໄດ້ເຂົ້າຊີງພຽງຫລຽນທອງກັບສິງກະໂປ (14/12/2009) 22 01 ມ
*ມາເຖິງເວລານີ້,ຄວາມແຂງແກ່ນຂອງນັກເຕະບານໜຸ່ມລາວເຮົາ ໃນວົງການບານ ເຕະ ອາຊຽນ ຖືກຢຸດໄວ້ໄດ້ແລ້ວພາຍຫລັງລູກທີມ ຂອງ ອານເຟດ ຣີດ ແຜງລິດບໍ່ອອກ ຖືກທີມ ຊາດ ມາເລ ເຊຍ ຊະນະຂາດ 3-1 ໃນມື້ວານນີ້ຢູ່ສະໜາມກິລາແຫ່ງຊາດຫລັກ 16 ເວລາ 19:00 ໂມງ ແລະ ຈາກຜົນການແຂ່ງຂັນນັດນີ້ ສົ່ງ ເຮັດ ໃຫ້ເຂົ້າໄປຊີງ ທີສາມ ກັບທີມຊາດສິງກະໂປ ທີ່ໄປ ເສຍ ໃຫ້ຫວຽດນາມ 1-4 ໃນມື້ດຽວກັນຢູ່ໜາມກິລາເຈົ້າອະນຸວົງ. ແຟນບານທັງຄົນລາວ ແລະ ຕ່າງປະເທດນັບເປັນໝື່ນໆ ທີ່ພາກັນເຂົ້າສະໜາມແຕ່ເວັນໆ ຕ່າງກໍພາກັນ ດີໃຈທົ່ວສະໜາມ ກິລາ ແຫ່ງຊາດຫຼັກ 16 ໄດ້ໂຮກັນຢ່າງຕໍ່ເນື່ອງ ເມື່ອໃນນາທີຕົ້ນໆ ນັກເຕະບານໜຸ່ມລາວເຮົາທັກທາຍທີມຊາດມາເລເຊຍ 2 ເທື່ອ,ແຕ່ມາຮອດນາທີ 4 ເກືອບເປັນ ປະຕູຂອງມາເລເຊຍ ແລະ ໃນນາທີໆ9 ໝາຍເລກ 9 ຂອງມາເລເຊຍ ຍິງໄກ, ແຕ່ສຸ ວັນເພັງ ຜູ້ຮັກສາປະລາວເຮົາປັດບານອອກໄດ້ຢ່າງສຸດງາມ.ໃນນາທີໆ 12 ມາເລເຊຍ ຫລິ້ນກັບໄວ ໂດຍ ຜ່ານບານຈາກ ແດນຫລັງລາວເຮົາເຂົ້າມາໜ້າປະຕູໃຫ້ໝາຍເລກ 23 ມາເລເຊຍ ຍິງຢ່າງແຮງ ບານເຂົົ້າຕຳຕາໜ່າງຢ່າງສຸດງາມ ມາເລເຊຍ ນຳ ລາວ 1-0.ເຖິງວ່າຈະຖືກນຳໄປກ່ອນ,ແຕ່ນັກ ເຕະບານລາວ ບໍ່ໄດ້ຖອນໃຈ ໂດຍມີໂອກາດໄດ້ປະຕູຫລາຍ ເທື່ອ, ແຕ່ ແດນກາງຍັງເປັນຈຸດບອດ ແລະ ຄວາມບໍ່ເຂົ້າໃຈເກມການຫລິ້ນຂອງກອງໜ້ານຳກັນ ຈົບເຄິ່ງເວລາທຳອິດ ມາເລເຊຍ ຍັງ ນຳລາວ 1-0.ໃນເຄິ່ງເວລາຫລັງ,ບໍ່ເຖິງຮອດນາທີຊ້ຳລາວເຮົາກໍເກືອບເສຍປະຕູທີສອງໃຫ້ມາເລ ເຊຍ,ຂະນະທີ່ທີມ ຊາດ ລາວກໍເກືອບໄດ້ປະຕູຫລາຍເທື່ອ ແລະ ຈາກຄວາມພະຍາຍາມຂອງນັກ ເຕະບານລາວເຮົາ ໃນທີ່ສຸດກໍປະສົບຜົນສຳເລັດ ເມື່ອດາວໂຄດໄຊຍາ ໝາຍເລກ 10 ຍິງໄລຍະ ໄກກວ່າ 30 ແມັດ ເຂົ້າປະຕູໄປຢ່າງສຸດງາມໃນນາທີໆ 63 ເຮັດໃຫ້ລາວ ເຮົາ ຕີສະເໝີ 1-1.ກອງ ເຊຍລາວດີໃຈໄດ້ບໍ່ເທົ່າໃດນາທີ,ມາເລເຊຍ ກໍຂຶ້ນນຳລາວເຮົາ ເປັນ 2-1 ແລະ ເກມດຳເນີນໄປ ເຖິງ 5 ນາທີສຸດທ້າຍຂອງເຄິ່ງເວລາຫລັງ ມາເລເຊຍ ກໍໄດ້ປະຕູໜີຫ່າງເປັນ 3-1 ຈົນຈົບການ ແຂ່ງຂັນ 90 ນາທີ ມາເລເຊຍ ຊະນະ ລາວ 3-1. ໃນມື້ດຽວກັນ,ການແຂ່ງຂັນບານເຕະຊາຍຮອບຮອງຊະນະເລີດ ລະຫວ່າງ ທີມ ຊາດ ຫວຽດ ນາມ ພົບກັບ ທີມຊາດ ສິງກະໂປ ຢູ່ສະໜາມເຈົ້າອະນຸວົງ ຊຶ່ງທີມຊາດຫວຽດນາມ ຊະນະ ສິງກະໂປ 4-1 ເຂົ້າໄປຊີງຊະນະເລີດ ໃນວັນທີ 18 ທັນວາ 2009 ຢູ່ສະໜາມກິລາແຫ່ງ ຊາດ ຫລັກ 16 ນະຄອນຫລວງວຽງຈັນ./.
ນັກເຕະບານທີມຊາດລາວພ້ອມສູ້ກັບທີມຊາດມາເລເຊຍໃນຮອບ 4 ທີມ (13/12/2009) 13: 01 ມ
*ປະຈຸບັນສະພາບນັກກິລາເຕະບານທີມຊາດລາວຢູ 23ມີຄວາມພ້ອມສູງໃນການລົງແຂ່ງຂັນໃນນັດສຳຄັນນີ້ ເນື່ອງຈາກນັກກິລາບໍ່ໄດ້ຮັບບາດເຈັບຈາກການ ແຂ່ງຂັນໃນຮອບທີ່ຜ່ານມາ ແລະຈະ ຫລີ້ນ ແບບເກົ່າ ໃນຮູບແບບເບີກ ບານຕະຫລອດ ບໍພຽງແຕ່ຫລີ້ນຕ້ານ ສະນັ້ນເກມການແຂ່ງຂັນ ລະຫວ່າງ ທີມຊາດລາວ ພົບ ທີມຊາດມາເລຍ ທີ່ ຈະມີ ຂຶ້ນໃນວັນທີ 14 ທັນວາ ທີ່ສະໜາມຫລັກ 16 ແມ່ນຈະແຕກຕາງຈາກນັດທີ່ລາວ ພົບກັບສິງກະໂປ ຢ່າງແນ່ນອນ ເປົ້າ ໝາຍເພື່ອເຂົ້າຊີງເອົາຫລຽນຄຳໃຫ້ໄດ້. ທ່ານ ວີເພັດ ສີຫາຈັກ, ຜູ້ຈັດການທີມຢູ 23 ລາວ ຍັງໄດ້ເນັ້ນຕື່ມອີກວ່າ: ບັນດານັກກິລາເຕະບານທີມຊາດ ລາວ ໄດ້ມີການ ຫລິ້້ນທີ່ດີຂຶ້ນກວ່າເກົ່າ ພາຍຫລັງທີ່ໄດ້ຮັບຝຶກຊ້ອມຢ່າງໜັກ. ຄູຝຶກ ແອລເຟຼດ ຣຽດ (ALFED RIEDL) ຊຶ່ງໄດ້ເອົາໃຈໃສ່ ຕໍ່ ການຝຶກຊ້ອມຢ່າງຈິງຈັງ ພ້ອມທັງມີການພັດທະນາດ້ານເຕັກນິກ ແລະມີແຜນການຫລີ້ນ ທີດີໃນ ການປັບເກມ ການຕໍ່ສູ້ຢ່າງ ເໜາະສົມ ພ້ອມ ນີ້ກໍຍັງໄດ້ຮັບການສະໜັບສະໜູນຈາກຫລາຍພາກສ່ວນ ເຮັດໃຫ້ ການຝຶກ ຊ້ອມຍິງມີປະສິ ທິພາບສູງຍິ່ງຂຶ້ນ ຂະນະດຽວກັນກໍໄດ້ຮັບກຳລັງໃຈຈາກຜູ້ຊົມທີ່ຢູ່ຂອບສະໜາມ ແລະຜູ້ຊົມທີ່ຢູ່ ບ້ານ ທັງ ພາຍໃນ ແລະຕ່າງປະເທດຢ່າງຕໍ່ເນື່ອງ ເຮັດໃຫ້ນັກກິລາບານເຕະ ຢູ 23 ລາວພ້ອມທີ່ຈະປະຖະຝີຕີນກັບຕໍ່ສູ້ ກັບ ນັດທີ່ຈະມາເຖິງນີ້. ພ້ອມນີ້ທາງຄູຝຶກ ຢູ 23 ລາວ ໄດ້ຍົກໃຫ້ເຫັນເຖິງສະພາບລວມໃນການເຂົ້າຮອບ 4 ທີມຂອງລາວ ຖືກວ່າ ບໍ່ແມ່ນເລື່ອງ ແປກ ປານໃດຖ້າທຽບໃສ່ກັບການຖືກຊ້ອມຢ່າງໜັກຂອງທີມ ແຕ່ກໍບໍໄດ້ປະ ມາດ ຄູ່ຕໍ່ສູ້ ເນື່ອງຈາກ ແຕ່ລະ ທີມ ທີ່ໄດ້ເຂົ້າຮອບນີ້ລ້ວນແຕ່ ເປັນມີການຫລິ້ນທີ່ດີ, ສະນັ້ນ ນັກກິລາແຕ່ລະ ຄົນກໍຈະໃຊ້ທຸກ ຄວາມພະຍາຍາມ ແລະ ມີຄວາມຕັ້ງໃຈສູງໃນການຝຶກຊ້ອມ ແນ່ໃສ່ ປັບປຸງດ້ານເຕັກນິກຕ່າງໆ ທີ່ເຫັນວ່າ ຕ້ອງໄດ້ຮັບການແກ້ໄຂ ເພື່ອນຳ ທີມ ຜ່ານເຂົ້າຮອບຊີງຊະນະເລີດ./.
ບານເຕາະທີມຊາດລາວ ພໍໃຈຕໍ່ຜົນສະເໝີສິງກະໂປ ເຂົ້າຮອບສຸດທ້າຍ (1012/2009) 20: 37 ມ
* ໃນສາຍ B ທີມຊາດລາວລົງສະໜາມນັດນີ້ເປັນນັດສຸດທ້າຍ ແລະ ກໍເປັນນັດທີ່ທັງ 2 ຫວັງເຂົ້າຮອບ ກ່ອນຮອງຊະນະເລີດ, ຂະນະ ທີ່ສອງນັດຜ່ານມາ ຊະນະ ອິນໂດເນເຊຍ 2-0 ແລະ ສະໝີ ມຽນມາ1-1 ເຊິ່ງຜົນການແຂ່ງຂັນທັງສອງນັດສະ ແດງໃຫ້ເຫັນໄດ້ເຖິງການພັດທະນາສີຕີນຂຶ້ນຢ່າງວ່ອງໄວຂອງທີມ ແລະ ມີຄວາມກະຕືລືລົ້ນ ທີ່ຈະເຮັດໃຫ້ເກີດການສັ່ນສະເທືອນ ວົງການ ບານ ເຕະໃນ ອາຊຽນ ໂດຍສະເພາະໃນ ຊີເກມ ຄັ້ງທີ 25 ໃນຖານະເປັນປະເທດເຈົ້າພາບ. ການແຂ່ງຂັນທ່າມກາງມວນຊົນນັບໝື່ນໆຄົນເຂົ້າໄປໃຫ້ກຳລັງໃຈນັກເຕະບານໜຸ່ມ ທີມຊາດລາວ ເຊິ່ງໃນ ເຄິ່ງເວລາທຳອິດ ເຖິງ ວ່າທັງສອງຈະຮູ້ແລ້ວວ່າ ພຽງສະເໝີ ກໍຈະໄດ້ກອດຄໍກັນເຂົ້າສູ່ຮອບ ກ່ອນຮອງ ຊະ ນະເລີດ. ຕະຫລອດໄລຍະ 45 ນາທີ ທຳ ອິດ ທີມ ຊາດ ສິງກະໂປ ຫລິ້ນບານຄ່ອຍເປັນ ຄ່ອຍໄປ ຫລື ຫລິ້ນ ແບບແນ່ນອນຫລາຍ ກວ່າ,ຂະນະທີ່ນັກເຕະ ບານທີມ ຊາດ ລາວ ຫລິ້ນບານ ເພື່ອເອົາຊະນະໃຈບັນດາ ກອງເຊຍ ທີ່ເຂົ້າມາໃຫ້ກຳລັງໃຈຈົນຄັບຄາແໜ້ນສະໜາມ ໂດຍເນັ້ນການ ບຸກ ຫລາຍ ກວ່າ ແລະ ກໍໄດ້ມີໂອກາດ ຍິງ ປະຕູແບບງາມໆ ຫລາຍຕໍ່ຫລາຍເທື່ອ, ແຕ່ກໍບ ໍ່ເປັນ ຜົນປະຕູແຕ່ປະການໃດ. ໃນ ເຄິ່ງເວລາທີ 2 ເກມການ; ຫຼິ້ນ ຂອງ ທັງສອງ ທີມຍັງບໍ່ມີການປ່ຽນແປງຮູບການຫລິ້ນແຕ່ຢ່າງໃດ, ແຕ່ທີມຊາດລາວ ກໍພະຍາ ຍາມ ຫລິ້ນ ໃຫ້ສົມສັກສີ ເຊິ່ງກໍມີໂອກາດ ຍິງ ປະ ຕູຫລາຍເທື່ອ ຈົບການແຂ່ງຂັນ ທີມຊາດລາວ ສະເໝີ ສິງກະໂປ 0-0 ສົ່ງ ຜົນໃຫ້ທັງສອງທີມ ເຂົ້າຮອບກ່ອນຮອງຊະນະເລີດຢ່າງພາກພູມໃຈ. ສຳລັບຜົນຂອງອີກຄູ່ໜຶ່ງ ເຊິ່ງທັງມຽນມາ ແລະ ອິນໂດເນເຊຍ ຕ້ອງການໄຊຊະນະ ຫວັງໄປນັບປະຕູ ໄດ້ ເສຍ ບໍ່ວ່າ ຈະເປັນ ທີມຊາດ ລາວ ແລະ ສິງກະໂປ ເສຍກໍຕາມ, ແຕ່ໃນທີ່ສຸດແລ້ວ ມຽນມາ ກໍສາມາດ ຊະນະ ອິນໂດເນເຊຍ 3-1 ມີ 4 ຄະແນນ ໂດຍມີປະຕູໄດ້ບວກ 2. ແຕ່ເຖິງຊະນະໃນນັດນີ້, ມຽນມາ ກໍຕ້ອງ ຕົກ ຮອບຕາມອິນໂດເນເຊຍ. 5 ຄະແນນ ຈາກສາມນັດ , ທີມຊາດລາວ ໄດ ້ເພີ່ມ ຄວາມເຊື່ອໝັ້ນໃຫ້ແກ່ ກອງເຊຍ ຕໍ່ກັບການ ພັດ ທະ ນາເຕັກນິກອັນໜ້າຍົກຍ້ອງ ຂອງບັນດານັກເຕະລາວ ແລະ ມາເຖິງຈຸດນີ້, ການກະ ກຽມ ຂອງ ຄະນະເຕະບານແຫ່ງຊາດລາວ ແລະ ຄູຝຶກ ອານເຟດ ຣີດ ຄົນໂອຕຣິດ ສາມາດປະສົບຜົນສຳ ເລັດ ເປັນຢ່າງສູງ. ບັນດາລູກທີມຂອງທ່ານ ອານເຟດ ຣີດ ສາມາດຜ່ານເຂົ້າສູ່ຮອບກ່ອນຮອງຊະນະເລີດ ແມ່ນຜົນ ງານໜຶ່ງທີ່ເອກອ້າງທະ ນົງໃຈ ຂອງບັນດານັກເຕະບານລາວ ທີ່ໄດ້ແຂ່ງຂັນເຕະ ບານໃນ ມະຫະກຳ ກິລາ ຊີເກມ ແລະ ມາເຖິງມື້ນີ້ ທີມເຈົ້າພາບບານເຕະທີມຊາດລາວ ບໍ່ແມ່ນທີມບານທີ່ອ່ອນອີກແລ້ວ ແລະ ພະຍາມສູງສຸດ ເພື່ອນຳຄວາມສຸກ ມາໃຫ້ແກ່ປວງຊົນລາວທັງຊາດ./.
ມຽນມາ ເອົາຊະນະ ອິນໂດເນເຊຍ 3-1 ແຕ່ຕົກຮອບ (1012/2009) 20: 33 ມ
(ຂປລ) ການແຂ່ງຂັນບານເຕະຊາຍ ໃນວຽງຈັນເກມ ໃນຮອບຄັດເລືອກນັດສຸດທ້າຍຂອງສາຍ B ລະຫວ່າງທີມຊາດ ມຽນມາ ພົບກັບ ທີມຊາດອິນໂອເນເຊຍ ໃນຕອນບ່າຍຂອງວັນທີ 10 ທັນວາ 2009 ຢູ່ສະໜາມກິລາແຫ່ງຊາດຫລັກ 16. ຊຶ່ງສອງທີມຕ່າງມີທີມລະ 1 ຄະແນນຈາກການລົງສອງນັດ. ເລີ່ມການແຂ່ງຂັນໄປໄດ້ພຽງແຕ່ 6 ນາທີ ທີມຊາດມຽນມາ ກໍຍິງປະຕູຂຶ້ນນຳໄປກອນ 1-0 ຈາກ ການຍິງຈຸດໂທດ ຂອງໝາຍເລກ 10 ທູ່ນ ທູ່ນ ວິນ (ກອງກາງ), ຕໍ່ມາໃນນາທີໆ 52 ກໍເປັນໝາຍເລກ 19 ປ່າຍ ໂຊ (ກອງໜ້າ) ກໍຍິງໃຫ້ ທີມຊາດ ມຽນມາ ຂຶ້ນນຳເປັນ 2-0, ແລະ ໃນນາທີໆ 74 ທີມຊາດ ອິດໂດເນເຊຍ ກໍຍິງປະຕິໄລ່ຄືນມາ ເປັນ 1-2 ຈາກໝາຍເລກ 9 ແອນດີ ກ໋າ ຢູດິສທີຣາ ລູບິສ (ກອງໜ້າ) ແລະ ໃນນາທີໆ 80 ໝາມເລກ 4 ຂອງທີມ ມຽນມາ ກໍມາຍິງປະຕິປິດທ້າຍໃຫ້ທີມຊາດມຽນມາ ເອົາຊະນະ ທີມອິນໂດເນເຊຍ 3-1. ລວມສາມນັດ ມຽນມາມີ 4 ແຕ້ມ, ສ່ວນອິນ ໂອເນເຊຍ ມີ 1 ຄະແນນ./.
ທີມຊາດລາວ ຊະນະ ທີມຊາດ ອິນໂດເນເຊຍ 2-0 (6/12/2009) 22:03ມ
*(ຂປລ): ຄູ່ທີສອງ ສຳລັບເຕະບານຊາຍ ໃນວັນທີ 7 ທັນວາ 2009 ທີ່ສະໜາມກິລາເຈົ້າອານຸວົງ ໄດ້ມີການແຂ່ງຂັນ ລະຫວ່າງເຈົ້າພາບ ທີມຊາດລາວ ແລະ ທີມຊາດອິນໂດເນເຊຍ ຊຶ່ງທັງສອງທີມນີ້ ຕ່າງກໍ ລົງ ສະໜາມເປັນນັດທີສອງ. ໃນນັດນັດທຳອິດນັ້ນ ທັງສອງທີມ ເຮັດໄດ້ພຽງສະເໝີ ໄດ້ທີມລະ 1 ຄະແນນ. ເກມການແຂ່ງຂັນ ໃນເຄິ່ງເວລາທຳອິດ ດຳເນີນໄປດ້ວຍບັນຍາກາດຄຶກຄື້ນມ່ວນຊື່ນ ດ້ວຍສຽງຮ້ອງ ສຽງເຊຍ ທີ່ເປັນການສ້າງ ບັນຍາກາດບໍ່ຂາດໄລຍະຂອງກອງເຊຍທີ່ເຕັມສະໜາມ ເກມການຕໍ່ສູ້ດຳເນີນໄປ ຢ່າງດຸເດືອດ ໂຕ້ກັນໄປກັນມາ ຊຶ່ງຕ່າງ ຝ່າຍ ຕ່າງກໍມີຄວາມຫວັງທີ່ຈະເຈາະປະຕູ ຂອງກັນ ແລະ ກັນ ຕ່າງ ຝ່າຍກໍຕ່າງເປີດເກມບຸກ ເຮັດໃຫ້ເກມນີ້ມີຄວາມປະທັບໃຈ ແກ່ຜ ູ້ຊົມ ຜູ້ເຊຍ ເປັນຢ່າງດີ. ຈົນໝົດເວລາການແຂ່ງ ຂັນ ໃນເຄິ່ງເວລາທຳອິດ ທັງສອງທີມຍັງຮັກສາ ປະຕູໄວ້ 0 ປະຕູຕໍ່ 0.. ສ່ວນເກມການແຂ່ງຂັນ ໃນເຄິ່ງເວລາທີ 2 ທີມຊາດທັງລາວ ແລະ ອິນໂດເນເຊຍ ຕ່າງກໍໄດ້ເລີ່ມ ເປີດສາກບຸກແຕ່ຫົວທີ ຊຶ່ງຕ່າງ ຝ່າຍກໍຕ່າງມີໂອກາດ ແຕ່ທີມຊາດລາວມີໂອກາດຄອງບານຫລາຍ ກວ່າ ແລະ ດ້ວຍແຮງໃຈ ແຮງເຊຍ ຂອງກອງເຊຍ ໃນສະ ໜາມ ກໍຄື ປະຊາຊົນລາວບັນດາເຜົ່າໃນທົ່ວປະເທດ ເຮັດໃຫ້ທີມ ຊາດລາວ ມີພະລັງບຸກຕື່ມ ໃນທີ່ສຸດກໍບໍ່ເໜືອຄວາມ ພະຍາ ຍາມ ມາເຖິງນາ ທີໆ 65 ທີມຊາດລາວກໍສາມາດ ເຈາະປະຕູທີມຊາດອິນໂດເນເຊຍໄດ້ສຳເລັດ ນຳໄປເປັນ 1 ປະຕູຕໍ່ 0 ໂດຍ ໝາຍເລກ 8 ລຳເນົາ ສິງໂຕ ກອງ ໜ້າ ທີມຊາດລາວເປັນຜູ້ສັງຫານ. ຈາກນັ້ນ ທີມຊາດ ອິນໂດເນເຊຍຍິ່ງເພີ່ມພະລັງບຸກ ເພື່ອຫວັງຈະຕີສະເໝີ ແລະ ກ້າວໄປເຖິງຍາດເອົາໄຊຊະນະໃຫ້ໄດ້. ແຕ່ອີກ 10 ນາທີຕໍ່ມາຄືໃນນາທີໆ 75 ໝາຍເລກ 8 ລຳ ເນົາ ສິງໂຕຄົນ ເກົ່າກໍຍິງປະຕູ ທີມຊາດ ອິນໂດເນເຊຍ ໄດ້ຕື່ມອີກ ເຮັດໃຫ້ທີມຊາດລາວນຳຫ່າງໄປເປັນ 2 ປະຕູຕໍ່ 0. ເກມ ການ ແຂ່ງຂັນຍັງສືບຕໍ່ດຸເດືອດ ບຸກກັນໄປມາ ຈົນເຖິງນາທີສຸດທ້າຍ. ຈົບເກມການແຂ່ງຂັນ ທີມຊາດ ລາວ ຊະນະ ທີມຊາດ ອິນໂດເນເຊຍ 2 ປະຕູຕໍ່ 0. ຜ່ານການລົງສະໜາມ 2 ນັດ ທີມຊາດລາວ ເກັບຄະແນນໄດ້ ມີ 4 ຄະແນນ ແລະ ອິນໂດເນເຊຍ ມີ 1 ຄະແນນ. ສຳລັບ ທີມຊາດລາວຊາຍຈະໄດ້ລົງສະໜາມເປັນນັດທີ 3 ຊຶ່ງຈະພົບກັບ ທີມ ຊາດສິງກະໂປ ໃນເວລາ 17:45 ໂມງ ຂອງວັນທີ 10 ທັນວາ 2009 ທີ່ສະໜາມກິລາເຈົ້າອະນຸວົງ ແລະ ທີມຊາດອິນໂດເນເຊຍ ຈະ ພົບກັບ ທີມຊາດມຽນມາ ໃນເວລາ 15 :00 ໂມງ ຂອງວັນທີ ແລະ ສະ ໜາມດຽວກັນ./.
ທີມຊາດສິງກະໂປ ຊະນະ ທີມຊາດ ມຽນມາ 2-1 (7/12/2009) 22:00 ມ
*(ຂປລ) ໃນວັນທີ 7 ທັນວາ 2009 ທີ່ສະໜາມກິລາເຈົ້າອານຸວົງ ໄດ້ມີການແຂ່ງຂັນເຕະບານ ຊາຍ ໃນງານ ມະຫາຊີເກມຄັ້ງທີ 25 ທີ່ ສປປ ລາວ ເປັນເຈົ້າພາບ, ລະຫວ່າງ ທີມຊາດສິງກະໂປ ກັບ ທີມ ຊາດ ມຽນມາ, ຊຶ່ງນັດທຳອິດທັງສອງທີມເຮັດໄດ້ພຽງທີມລະ 1 ຄະແນນ. ຊຶ່ງສອງທີມຖ້າທີມໃດຊະນະ ກໍມີ ໂອກາດເຂົ້າຮອບຕໍ່ໄປມີສູງ. ເລີ່ມການແຂ່ງຂັນໃນເຄິ່ງເວລາທຳອິດ ທັງສອງທີມ ຕ່າງກໍເປີດເກມບຸກໃສ່ກັນ ເພື່ອໃຫ້ໄດ້ປະຕູຂຶ້ນ ນຳກ່ອນ, ແຕ່ໃນນາທີໆ 14 ທີມຊາດສິງກະໂປ ກໍໄດ້ປະຕູຂຶ້ນນຳ ຈາກການຍິງປະຕູຂອງ ຫມາຍ ເລກ 21 ມູ ຮັມ ມັດ ຊາຟູວັນ ບິນ ບາຣາຣູດິນ (ກອງ ຫລັງ) ເປັນ 1 ປະຕູຕໍ່ 0 ແລະ ໃນນາທີໆ 28 ຫມາຍເລກ 17 ຮາຣິນ ຮາຣູນ (ກອງກາງ) ຂອງທີມຊາດສິງກະໂປ ກໍມາຍິງ ປະຕູ ທີສອງໄດ້ ເຮັດໃຫ ້ຈົບເຄິ່ງເວລາທຳອິດ ທີມຊາດສິງກະໂປ ນຳທີມມຽນມາ 2 ປະຕູຕໍ່ 0. ສ່ວນການແຂ່ງຂັນໃນເຄິ່ງເວລາທີສອງ ທີມຊາດມຽນມາ ເລີ່ມມີການປ່ຽນເຕັກນິການຫລິ້ນ ແລະ ປ່ຽນຜູ້ຫລິ້ນ ເພື່ອທວງປະຕູ ຄືນໃຫ້ໄດ້ ຈົນມາຮອດທ້າຍເກມ ນາທີໆ 90 ທີມຊາດມຽນມາ ກໍສາມາດຕີຕື້ນ ຂຶ້ນ ມາເປັນ 1 ປະຕູຕໍ່ 2 ຈາກການຍິງ ຂອງ ໝາຍ ເລກ 15 ໂສ ມິນອູ (ກອງໜ້າ) ແຕ່ໄລ່ບໍ່ທັນ ຈົນຈົບ ການ ແຂ່ງຂັນ ເປັນອັນວ່າ ທີມຊາດສິງກະໂປ ເອົາຊະນະທີມ ຊາດ ມຽນມາ 2 ປະ ຕູ ຕໍ່ 1 ເກັບໄດ້ 3 ຄະແນນ ລວມ ສອງນັດ ທີມ ຊາດສິງກະໂປ ມີ 4 ຄະແນນ. ທີມຊາດມຽນມາ ມີ 1 ຄະແນນ. ສ່ວນນັດທີສາມ ທີມຊາດສິງກະໂປ ຈະພົບເຈົ້າພາບ ສປປ ລາວ ໃນວັນທີ 10 ທັນວາ 2009 ທີ່ສະ ໜາມເຈົ້າອານຸວົງ ເວລ 17: 45 ໂມງ ແລະ ທີມຊາດມຽນມາ ຈະພົບກັບ ທີມຊາດອິນໂດເນເຊຍ ໃນເວລາ 15 :00 ໂມງ ໃນວັນທີ ແລະ ສະໜາມ ດຽວ ກັນ./.
ຫວຽດນາມ ຊະນະ ມາເລເຊຍ 3-1 (6/12/2009) 21:00 ມ
*(ຂປລ): ການລົງສະໜາມຂອງທີມເຕະບານຊາຍ ສາຍ A ໃນມະຫະກຳກິລາຊີເກມ ຄັ້ງທີ 25 (ວຽງຈັນ ເກມ) ລະຫວ່າງ ທີມຊາດຫວຽດນາມ ຊຶ່ງລົງສະໜາມເປັນເທື່ອທີ 3 ແລະ ທີມຊາດມາເລເຊຍ ລົງສະໜາມເປັນເທື່ອທີ 2 ແລະ ໄດ້ລົງສະໜາມເປັນຄູ່ທຳອິດ ຂອງວັນທີ 6 ທັນວາ 2009 ໃນເວລາ 15:00 ໂມງ ທີ່ສະໜາມກິລາ ແຫ່ງຊາດ ຫລັກ 16 ເມືອງໄຊທານີ ນະຄອນຫລວງວຽງຈັນ. ເກມການແຂ່ງຂັນ ໃນເຄິ່ງເວລາທີໜຶ່ງ ດຳເນີນໄປ ດ້ວຍບັນຍາກາດທີ່ຕ່າງຝ່າຍຕ່າງກໍມີຄວາມ ຫວັງທີ່ຈະເຈາະປະຕູ ຂອງກັນ ແລະ ກັນ ຕ່າງຝ່າຍກໍຕ່າງເປີດເກມບຸກ. ມາໃນນາທີໆ 19 ໝາຍເລກ 18 ຟານ ແທັງບິງ ທິມຊາດຫວຽດນາມ ກໍເຈາະປະຕູ ຂອງ ທີມຊາດມາເລເຊຍ ນຳໄປເປັນ 1 ປະຕູຕໍ່ 0. ຫ່າງ ກັນ ພຽງ 5 ນາທີ ໝາຍເລກ 13 ໝາຍ ຕຽນແທັງ ທີມຊາດຫວຽດນາມກໍຍິງ ປະຕູໃຫ້ ຫວຽດ ນາມ ອີກ ນຳໄປເປັນ 2 ປະຕູຕໍ່ 0. ຫລັງຈາກນັ້ນ ໃນນາທີໆ 26 ທີມຊາດມາເລເຊຍກໍຍິງບານໄປ ຕຳຂາຂອງຜູ້ ຫລິ້ນທີມຊາດຫວຽດນາມ ບານເຂົ້າປະຕູໄປ ເຮັດໃຫ້ທີມຊາດມາເລເຊຍ ໄລ່ຂຶ້ນມາເປັນ 1 ປະຕູຕໍ່ 2. ຈົບ ເກມເຄິ່ງເວລາທຳອິດ ທີມຊາດຫວຽດນາມຍັງນຳຢູ່ 2 ປະຕູຕໍ່ 1. ສ່ວນເກມການແຂ່ງ ຂັນ ໃນເຄິ່ງເວລາທີ 2 ທີມຊາດທີມຊາດມາເລເຊຍ ກໍໄດ້ເລີ່ມເປີກສາກບຸກ ແຕ່ ຫົວທີ ເພື່ອຕີ ປະຕູໃຫ້ສະເໝີ ແລະ ຄາດຫວັງຈະເອົາຊະນະ ທີມຊາດຫວຽດນາມໃຫ້ໄດ້ ແຕ່ມາຮອດ ເວລາ ທ້າຍຂອງເກມ ທີມຊາດ ຫວຽດນາມໝາຍເລກ 8 ຫງວຽນ ຈອງຮວາງກໍຍິງປະຕູໄຊຕື່ມອີກ ເປັນ 3 ປະຕູຕໍ່ 1./.
ກຳປູເຈຍ ຊະນະ ຕີມໍເລັສເຕ 4-1 (6/12/2009) 21:04 ມ
*(ຂປລ): ການລົງສະໜາມຄູ່ທີ 2 ຂອງການແຂ່ງຂັນເຕະບານຊາຍ ສາຍ A ໃນວັນທີ 6 ທັນວາ 2009 ລະຫວ່າງ ທີມຊາດກຳປູເຈຍ ແລະ ທີມຊາດຕີມໍເລັສເຕ ໄດ້ເລີ່ມຂຶ້ນໃນເວລາ 17:45 ໂມງ ທີ່ສະໜາມ ກິລາ ແຫ່ງຊາດ ຫລັກ 16 ເມືອງໄຊທານີ ນະຄອນຫລວງວຽງຈັນ. ເກມການແຂ່ງຂັນ ໃນເຄິ່ງເວລາທີໜຶ່ງດຳເນີນໄປ ດ້ວຍບັນຍາກາດຄຶກຄື້ນ ຊຶ່ງຕ່າງຝ່າຍຕ່າງ ກໍມີ ຄວາມຫວັງທີ່ຈະເຈາະປະຕູ ຂອງກັນ ແລະ ກັນ ຕ່າງຝ່າຍກໍຕ່າງເປີດເກມບຸກ. ຜ່ານການແຂ່ງຂັນ ໃນເຄິ່ງເວລາທຳອິດນີ້ ທີມຊາດ ກຳປູເຈຍ ກໍສາມາດຍິງປະຕູຂອງທິມຊາດຕີມໍເລັສເຕ ນຳໄປເປັນ 2 ປະຕູຕໍ່ 0. ສ່ວນເກມການແຂ່ງຂັນ ໃນເຄິ່ງເວລາທີ 2 ທີມຊາດຕີມໍເລັສເຕ ກໍໄດ້ເລີ່ມເປີກສາກບຸກແຕ່ຫົວທີ ເພື່ອເຈາະປະຕູ ຂອງທີມຊາດກຳປູເຈຍໃຫ້ໄດ້ ແຕ່ຖືກທີມຊາດກຳປູເຈຍຕອບໂຕ້ ສວນກັບ ແລະ ຍິງປະຕູ ໄດ້ຕື່ມອີກ 2 ປະຕູ ນຳໄປເປັນ 4 ປະຕູຕໍ່ 0. ແຕ່ທີມຊາດ ຕີມໍເລັສເຕ ກໍບໍ່ໄດ້ລົດລະຄວາມພະຍາຍາມ ຊຶ່ງມີຄວາມຫວັງຈະເຈາະປະຕູຄູ່ຕໍ່ສູ້ໃຫ້ໄດ້ ຈົນ ມາຮອດໄລຍະທ້າຍຂອງເກມການ ແຂ່ງ ຂັນ ທີມຊາດຕີ ມໍເລັສ ເຕ ກໍສາມາດຕີໄຂ່ແຕກ ເປັນ 1 ປະຕູຕໍ່ 4. ຈົບເກມ ທີມຊາດກຳປູເຈຍ ຊະນະ ທີມຊາດຕີມໍເລັສເຕ 4 ປະຕູຕໍ່ 0./. ໃນວັນທີ 7 ທັນວາ 2009 ນີ້ ຈະມີການແຂ່ງຂັນເຕະບານຊາຍ 2 ຄູ່ຂອງກຸ່ມ B ຊຶ່ງຄູ່ທີ 1 ເປັນ ການພົບກັນ ລະຫວ່າງ ທີມຊາດສິງກະໂປ ແລະ ທີມຊາດມຽນມາ ເວລາ 15:00 ໂມງ ແລະ ເວລາ 17:45 ໂມງ ລະຫວ່າງ ທີມຊາດລາວ ແລະ ທີມຊາດອິນໂດເນເຊຍ ຊຶ່ງທັງສອງຄູ່ຈະລົງສະໜາມ ກິລາ ເຈົ້າອະນຸວົງ ເມືອງຈັນທະບູລີ ນະຄອນຫລວງວຽງຈັນ./.
ທີມເຕະບານຊາຍ ສາຍ B ລາວ-ມຽນມາ ສະເໝີ 1-1 (5/12/2009) 20:15 ມ
*(ຂປລ): ການລົງສະໜາມນັດທຳອິດ ຂອງການແຂ່ງຂັນເຕະບານຊາຍ ສາຍ B ໃນມະຫະກຳກິລາຊີເກມ ຄັ້ງທີ 25 (ວຽງຈັນ ເກມ) ລະຫວ່າງ ທີມຊາດລາວ ແລະ ທີມຊາດມຽນມາ ໄດ້ເລີ່ມ ຂຶ້ນໃນເວລາ 17:45 ໂມງ ໃນ ວັນທີ 5 ທັນວາ 2009 ທີ່ສະໜາມກິລາ ແຫ່ງຊາດ ຫລັກ 16 ເມືອງໄຊທານີ ນະຄອນຫລວງວຽງຈັນ. ເກມການແຂ່ງຂັນ ໃນເຄິ່ງເວລາທີໜຶ່ງດຳເນີນໄປ ດ້ວຍບັນຍາກາດຄຶກຄື້ນ ມ່ວນຊື່ນ ດ້ວຍສຽງຮ້ອງ ສຽງ ເຊຍ ທີ່ເປັນການສ້າງບັນຍາກາດ ບໍ່ຂາດໄລຍະຂອງກອງເຊຍ ຊຶ່ງບາງເທື່ອກໍມີຽງວ່າ: ” ລາວສູ້ໆ ” ແລະ ” ມຽນມາ ສູ້ໆ ” ດັງກ້ອງກັງວານ ປະສານກັນໄປມາ ພ້ອມທັງມີການໂບກທຸງຊາດ ຂອງທັງສອງປະເທດ ຈາກກອງ ເຊຍ ຢູ່ ຂອບ ສະໜາມ ທີ່ເປັນໜ້າເບິ່ງໜ້າຊົມ ແລະ ໜ້າປະທັບ ໃຈ. ເກມການຕໍ່ສູ້ດຳເນີນ ໄປຢ່າງດຸເດືອດ ຂ້ຽວ ຂາດ ຊຶ່ງຕ່າງ ຝ່າຍ ຕ່າງ ກໍມີຄວາມຫວັງທີ່ຈະເຈາະປະຕູ ຂອງກັນ ແລະ ກັນ ຕ່າງຝ່າຍກໍຕ່າງເປີດເກມບຸກ ເຮັດໃຫ້ເກມນີ້ ມີ ຄວາມ ປະທັບໃຈແກ່ຜູ້ ຊົມ ຜູ້ເຊຍເປັນຢ່າງດີ. ຈົນມາເຖິງນາທີໆ 41 ໝາຍເລກ 30 ຈໍຕີຮະ ທິມຊາດມຽນມາກໍສາ ມາດ ເຈາະປະຕູຂອງທິມຊາດ ລາວ ນຳໄປເປັນ 1 ປະຕູຕໍ່ 0 ຈົນໝົດເວລາການແຂ່ງຂັນ ໃນເຄິ່ງ ເວລາ ທຳອິດ. ສ່ວນເກມການແຂ່ງຂັນ ໃນເຄິ່ງເວລາທີ 2 ທີມຊາດລາວໄດ້ກໍໄດ້ເລີ່ມເປີກສາກບຸກແຕ່ຫົວທີ ເພື່ອເຈາະປະຕູ ຂອງທີມຊາດ ມຽນ ມາໃຫ້ໄດ້ ແຕ່ໃນທີ່ສຸດກໍບໍ່ເໜືອຄວາມພະຍາຍາມ ມາເຖິງນາທີໆ 69 ໝາຍເລກ 25 ຄຳແພງ ທີມ ຊາດລາວ ກໍສາ ມາດໃຊ້ຫົວຕີ ເຈາະປະຕູທີມຊາດມຽນມາໄດ້ສຳເລັດ ຊຶ່ງຕີສະເໝີໄດ້ 1 ປະຕູຕໍ່ 1. ຫລັງຈາກນັ້ນ ຕ່າງ ຝ່າຍກໍຕ່າງບຸກ ແຕ່ ປະ ກົດວ່າ ຝ່າຍທີມຊາດລາວ ຈະເປັນຝ່າຍບຸກຫລາຍກວ່າ ແລະ ມີໂອກາດທີ່ຈະໄດ້ປະຕູຕື່ມ ຫລາຍ ເທື່ອ ເຮັດໃຫ້ຜູ້ຊົມ ຜູ້ເຊຍ ນັ່ງຈົນບໍ່ຕິດຕັ່ງ. ແຕ່ໃນທີ່ສຸດກໍບໍ່ສາມາເຈາະປະຕູຕື່ມໄດ້ ໝົດເວລາ ສະເໝີກັນ 1 ປະຕູຕໍ່ 1 ແລະ ໄດ້ໄປຝ່າຍລະ 1 ຄະແນນ. ສຳລັບທີມຊາດລາວຊາຍຈະໄດ້ລົງສະໜາມເປັນນັດທີ 2 ຊຶ່ງຈະພົບກັບທີມຊາດ ອິນໂດເນເຊຍ ເວລາ 17:45 ໂມງ ຂອງວັນທີ 7 ທັນວາ 2009 ທີ່ສະໜາມກິລາເຈົ້າອະນຸ. ວັນທີ 6 ທັນວາ 2009, ເຕະບານຍິງ ທີມຊາດໄທ ພົບທີມຊາດມຽນມາ ເວລາ 13:00 ໂມງ ແລະ ເວລາ 15:45 ໂມງ ລະຫວ່າງ ມາເລເຊຍ ກັບ ຫວຽດນາມ ທີ່ສະໜາມກິລາ ມະຫາວິທະຍາໄລ ແຫ່ງ ຊາດ (ດົງໂດກ). ສ່ວນ ເຕະ ບານຊາຍເລີ່ມ 15:00 ໂມງ ລະຫວ່າງ ທີມຊາດຫວຽດນາມ ແລະ ທີມຊາດ ມາເລເຊຍ ແລະ ເວລາ 17:45 ໂມງ ລະຫວ່າງທີມຊາດຕີມໍເລັສເຕ ກັບ ທີມຊາດກຳປູເຈຍ ທີ່ສະໜາມກິລາ ແຫ່ງຊາດ ຫລັກ 16./.
ເຕະບານຊາຍ ສາຍ B ນັດທຳອິດ ສິງກະໂປ-ອິນໂດເນເຊຍ ສະເໝີ 2-2 (5/12/2009) 17:20 ມ
*(ຂປລ): ນັດທຳອິດຂອງການແຂ່ງຂັນເຕະບານຊາຍ ສາຍ B ໃນມະຫະກຳກິລາຊີເກມ ຄັ້ງທີ 25 (ວຽງຈັນເກມ) ໃນວັນທີ 5 ທັນວາ 2009 ທີ່ສະໜາມກິລາ ແຫ່ງຊາດ ຫລັກ 16 ເມືອງໄຊທານີ ນະຄອນ ຫລວງ ວຽງຈັນ ຊຶ່ງມີການແຂ່ງຂັນສອງຄູ່ ໂດຍຄູ່ທຳອິດ ເລີ່ມຂຶ້ນໃນເວລາ 15:00 ໂມງ ລະ ຫວ່າງ ທີມ ຊາດສິງກະໂປ ແລະ ທີມຊາດອິນ ໂດເນເຊຍ. ການແຂ່ງຂັນດຳເນີໄປດ້ວຍບັນຍາກາດຟົດຟື້ນດ້ວຍສຽງຄ້ອງ, ສຽງກອງ, ສຽງແກ, ສຽງ ຮ້ອງ ໂຮແຊວ ຂອງກອງເຊຍ ທີ່ຕິດ ຢູ່ກັບຂອບສະໜາມ ຢ່າງບໍ່ຂາດໄລຍະຂອງການແຂ່ງຂັນ. ເກມການ ແຂ່ງ ຂັນ ໃນເຄິ່ງເວລາທຳອິດ ດຳເນີນໄປໄດ້ ພຽງແຕ່ 7 ນາທີເທົ່ານັ້ນ ໝາຍເລກ 21 ໂມຮາເມັດ ຊາຟູ ວານດິນ ທີມຊາດສິງກະໂປ ກໍໄດ້ມີໂອກາດ ເຈາະປະຕູ ຂອງທີມຊາດ ອິນ ໂດເນເຊຍໄດ້ ເຮັດໃຫ້ທີມຊາດ ສິງ ກະໂປ ເປັນຜູ້ນຳປະຕູໄປ 1 ປະຕູຕໍ່ 0. ຕໍ່ມາ ນັກກິລາແຕ່ ລະທີມຕ່າງກໍໄດ້ ເປີດ ເກມ ບຸກ ໃສ່ກັນ ແລະ ກັນຢ່າງດຸເດືອດ, ມາໃນນາທີໆ 23 ໝາຍເລັກ 5 ໂມຮາເມັດ ຟູເຊຍ ທີມຊາດສິງກະໂປ ກໍໄດ້ ຍິງປະຕູ ຂອງ ຝ່າຍ ກົງກັນຂ້າມ ທີມຊາດອິນໂດເນເຊຍ ເຮັດໃຫ້ທີມຊາດສິງກະໂປນຳຫ່າງໄປ ເປັນ 2 ປະຕູຕໍ່ 0. ແຕ່ທີມຊາດ ອິນໂດເນເຊຍ ກໍໄດ້ເພີ່ມພະລັງບຸກຄືນ ຈົນມາຮອດນາທີໆ 41 ໝາຍເລກ 18 ເດ ວິດ ບອນ ເຊເຟຍ ຈິ່ງສາມາດ ຍິງປະຕູຕີ ຕື້ນຂຶ້ນມາ ເປັນ 1 ປະຕູຕໍ່ 2. ຈົບແຂ່ງຂັນ ເຄິ່ງທຳອິດ ສິງກະໂປ ຍັງນຳຢູ່ 2 ປະຕູຕໍ່ 1. ສຳລັບເກມການແຂ່ງຂັນ ໃນເຄິ່ງ ເວລາທີ 2 ອິນໂດເນຍເຊຍ ເປີດເກມບຸກຢ່າງໜັກ ແລະ ການແຂ່ງຂັນ ດຳເນີນໄປເຖິງນາທີໆ 64 ໝາຍເລກ 2 ເລັນດີ ທີມ ຊາດອິນໂດເນເຊຍ ກໍເອົາ ຫົວໂມ່ງ ບານ ເຂົ້າ ປະຕູ ຂອງທິມຊາດສິງກະໂປ ເຮັດ ໃຫ້ທີມຊາດອິນໂດເນເຊຍ ຕີສະເໝີ 2 ປະຕູຕໍ່ 2. ຫລັງຈາກນັ້ນຕ່າງຝ່າຍຕ່າງບຸກ ແຕ່ບໍ່ສາມາດຍິງປະຕູກັນໄດ້ຕື່ມ. ໝົດເວລ່ການແຂ່ງຂັນ ສະເໝີກັນ 2 ປະຕູຕໍ່ 2 ເກັບໄປໄດ້ ທີມລະ 1 ຄະແນນ. ສ່ວນຄູ່ທີສອງ ໄດ້ເລີ່ມຂຶ້ນໃນເວລາ 17:45 ໂມງ ລະຫວ່າງ ທີມຊາດລາວ ເຈົ້າພາບ ແລະ ທີມຊາດ ມຽນມາ ທີ່ສະໜາມ ກິລາແຫ່ງຊາດ ຫລັກ 16 ເມືອງໄຊທານີ ນະຄອນຫລວງວຽງຈັນ./.
ທີມເຕະບານຊາຍ ສາຍ A ຫວຽດນາມ ແລະ ໄທ ຊະນະ ເກັບ 3 ຄະແນນ (4/12/2009)
*(ຂປລ): ນັດທີສອງຂອງການແຂ່ງຂັນເຕະບານຊາຍ ສາຍ A ໃນມະຫະກຳກິລາຊີເກມ ຄັ້ງທີ 25 (ວຽງ ຈັນເກມ) ໃນວັນທີ 4 ທັນວາ 2009 ທີ່ສະໜາມກິລາເຈົ້າອະນຸວົງ ມີການແຂ່ງຂັນສອງຄູ່ ໂດຍຄູ່ທຳອິດ ເລີ່ມຂຶ້ນ ໃນເວລາ 15:00 ໂມງ ລະຫວ່າງທີມຊາດໄທ ແລະ ທີມຊາດກຳປູເຈຍ. ຜ່ານການແຂ່ງຂັນ ທີມຊາດໄທ ສາມາດ ເອົາຊະນະທີມ ຊາດກຳປູເຈຍ 4 ປະຕູຕໍ່ 0 ເກັບຄະແນນໄດ້ 3 ຄະແນນ. ສ່ວນຄູ່ທີສອງ ໄດ້ເລີ່ມຂຶ້ນໃນເວລາ 17:45 ໂມງ ລະຫວ່າງ ທີມຊາດ ຫວຽດນາມ ແລະ ທີມຊາດ ຕີມໍເລັສເຕ ຊຶ່ງເປັນ ທີມ ນ້ອງໃໝ່ ໃນການແຂ່ງມະຫະກຳກິລາຊີເກມ. ຜ່ານການແຂ່ງຂັນ ຈົນເຖິງນາທີສຸດທ້າຍ ທີມຊາດຫວຽດ ນາມກໍສາມາດ ເອົາ ຊະ ນະ ທີມຊາດຕີມໍເລັສເຕ 4 ປະຕູຕໍ່ 0 ແລະ ເກັບຄະແນນໄດ້ 3 ຄະແນນເຊັ່ນດຽວກັນ ກັບທີມຊາດ ໄທ ເຮັດໃຫ້ຕາ ຕະລາງຂອງສາຍ A ນີ້ ທີມຊາດຫວຽດນາມ ແລະ ທີມຊາດໄທ ມີຄະແນນນຳໜ້າ ດ້ວຍ 4 ຄະແນນ ເທົ່າກັນ ແລະ ປະຕູ ໄດ້-ເສຍກໍເທົ່າກັນ, ຖັດລົງມາແມ່ນທິມຊາດມາເລເຊຍ ທີ່ຫາກໍລົງສະໜາມພຽງນັດດຽວ ກໍສາມາດ ເກັບຄະ ແນນໄດ້ 3 ຄະ ແນນ ດ້ວຍການເອົາຊະນະ ທີມຊາດຕີມໍເລັສເຕ 11 ປະຕູຕໍ່ 0. ສຳລັບການແຂ່ງຂັນເຕະບານຊາຍ ສາຍ B ນັດທຳອິດ ໄດ້ລົງສະໜາມໃນຕອນບ່າຍວັນທີ 5 ທັນວາ 2009 ນີ້ ທີ່ສະໜາມ ກິລາແຫ່ງຊາດ ຫລັກ 16 ເມືອງໄຊທານີ ນະຄອນຫລວງວຽງຈັນ ໃນເວລາ 15:00 ໂມງ ລະຫວ່າງ ທີມ ຊາດສິງກະໂປ ແລະ ທີມຊາດອິນໂດເນເຊຍ ແລະ ເວລາ 17:45 ເປັນການລົງສະໜາມ ນັດທຳ ອິດຂອງ ທີມ ຊາດລາວ ພົບກັບທີມຊາດມຽນມາ./.
ເລີ່ມການແຂ່ງຂັນບານເຕະຊາຍໃນມະຫະກຳກິລາຊີເກມຄັ້ງທີ 25 (2/12/2009)
ຂປລ: ການແຂ່ງຂັນບານເຕະຮອບຄັດເລືອກໃນກຸ່ມ A ນັດທຳອິດ ໃນວັນທີ 2 ທັນວາ ຢູ່ສະໜາມ ກິລາ ແຫ່ງຊາດຫລັກ 16 ທີມຊາດຫວຽດນາມ ສະເຫມີ ທີມຊາດໄທ 1-1 , ຂະນະ ທ່ີທີມ ຊາດມາເລເຊຍ ໄດ້ 3 ຄະແນນທຳອິດພາຍຫລັງຊະນະທີມຊາດຕີມໍເລສເຕ 11-0. ທີມຊາດຫວຽດນາມແລະ ໄທ ລົງແຂ່ງຂັນ ເປັນຄູ່ທີ 2 ໃນການແຂ່ງຂັນບານ ເຕະ ຮອບຄັດເລືອກກຸ່ມ A ເຊິ່ງເປັນຄູ່ທີ່ ກອງເຊຍຫມື່ນກວ່າຄົນຈາກ 3 ຊາດ: ລາວ, ຫວຽດ ນາມ ແລະ ໄທ ໃຫ້ ຄວາມສົນ ໃຈມາຮ່ວມ ຊົມເກືອບເຕັມສະຫນາມ ໂດຍສະເພາະ ກອງເຊຍຫວຽດນາມທ່ີໃສ່ ເສື້ອສີແດງນັ່ງຢູ່ເປັນ ຈຸດໆແລ້ວ ແກວ່ງ ທຸງຊາດ ພ້ອມສົ່ງ ສຽງ ເຊຍດັງຄັບສະຫນາມ ເປັນໄລ ຍະໆ.ພໍເລີ່ມການແຂ່ງຂັນ ທີມຊາດ ໄທເປັນຝ່າຍ ບຸກ ຫລາຍ ກວ່າ,ແຕ່ບໍ່ຜ່ານ ກອງຫລັງກໍ ຄືຜູ້ຮັກ ສາປະຕູ ຂອງຫວຽດນາມໄດ້ ແລະ ມາເຖິງນາທີໆ 35 ຫວຽດ ນາມ ເກືອບໄດ້ປະຕູ ໃນຈັງຫວະ ທີ່ກອງຫນ້າຫວຽດນາມ ຫລອກບານຜ່ານກອງຫລັງຂອງ ໄທ ແລ້ວຫລຸດດ່ຽວໃນຂອບເຂດໂທດ.ແຕ່ຈັງ ຫວະ ການຍິງບານບໍ່ດີ ບານໄປຕຳ ກາວິນ ຜູ້ຮັກສາປະຕູຂອງໄທ ຢ່າງຫນ້າເສຍດາຍ ແລະ ຈົບເຄິ່ງທຳອິດ ສ ເຫມີກັນ 0-0. ໃນເຄິ່ງເວລາທີ 2 ຕ່າງຝ່າຍຕ່າງບຸກເພື່ອຫວັງປະຕູ ແລະ ຫລາຍເທື່ອທີ່ທັງຄູ່ ໄດ້ໂອກາດຫລຸດ ດ່ຽວເຂົ້າໄປຍິງ ປະຕູໃນ ຂອບເຂດໂທດ, ແຕ່ກໍບໍ່ສາມາດຍິງ ປະຕູກັນໄດ້ ເຊິ່ງເຮັດໄດ້ພຽງ ສ້າງ ຄວາມຕື່ນ ເຕັ້ນ ໃຫ້ແກ່ກອງເຊຍເທົ່າ ນັ້ນ.ການແຂ່ງ ຂັນດຳເນີນມາຮອດນາທີໆ 72 ໄທ ກໍມາໄດ້ປະຕູຂຶ້ນນຳ ຈາກ ເຕະ ແຈ ບານດົ່ງເຂົ້າມາຫນ້າປະຕູ ແລະ ບຸນ ຕັນ ເຈືອງ ຜູ້ ຮັກ ສາປະຕູ ຂອງ ຫວຽດນາມ ຂຶ້ນຮັບບານ. ແຕ່ບານ ຫລຸດມື ແລ້ວ ກິລະຕິ ແກ້ວສົມບັດ ຫມາຍເລກ 9 ຂອງ ໄທ ຍິງບານ ເຕັມຕີນ ເຂົ້າປະຕູໄປ ຢ່າງສວຍ ງາມ.ໃນນາທີ ສຸດທ້າຍຂອງເກມ ຫວຽດນາມ ມາໄດ້ ລູກໂທດ ຈາກການເຮັດຜິດກະ ຕິກາຂອງຜູ້ຫລິ້ນ ຂອງໄທ ແລະ ກໍເປັນ ຮວາງ ດິງ ຕຸງ ຫມາຍເລກ 9 ຍິງປະຕູຕີສະເຫມີໃຫ້ ຫວຽດນາມ ໄດ້ສຳເລັດ ເປັນ 1-1.ຈົບການແຂ່ງຂັນສະ ເຫມີກັນ 1-1 ແບ່ງກັນໄປທີມລະ 1 ຄະແນນ. ສຳລັບການແຂ່ງຂັນລະ ຫວ່າງທີມຊາດມາເລເຊຍກັບທີມຊາດຕີມໍເລັສເຕນັ້ນ, ທີມຊາດ ມາເລເຊຍ ຊະນະ ທີມຕີມໍເລສເຕເຖິງ 11-0 ໄດ້ 3 ຄະແນນສຳຄັນ ໃນນັດທຳອິດ ແລະ ກໍເປັນທີ 1 ຂອງກຸ່ມໃນຕາຕະ ລາງທັນທີ./.່
ກັບສາລະບານ
