ຢູໂດ ເລັ່ງສ້າງນັກກິລາລຸ້ນສືບທອດ
* ພາຍຫລັງສຳເລັດ ມະຫະກຳ ຊີເກມ ຄັ້ງທີ 25, ກິລາຢູໂດຂອງລາວ ກໍບໍ່ໄດ້ຢຸດພັດທະນາບຸກຄະລາກອນ ເຊິ່ງໄດ້ວາງຍຸດທະສາດໃຫມ່ ໂດຍການສ້າງນັກ ກິລາລຸ້ນເຍົາວະຊົນໃຫ້ກ້າວຂຶ້ນມາເປັນນັກກິລາທີມຊາດທີ່ເຂັ້ມແຂງ ແລະ ມີຄວາມສາມາດສູງທັງສ້າງເງື່ອນໄຂເຄື່ອນໄຫວເຂົ້າຮ່ວມແຂ່ງຂັນທັງພາຍໃນ ແລະ ຕ່າງປະເທດ. ທ່ານ ເຂັມຊາດ ພິລາພັນເດດ ປະທານສະຫະພັນ ຢູໂດແຫ່ງຊາດ ກ່າວວ່າ: ໃນປີນີ້, ສະຫະພັນໄດ້ວາງຍຸດທະສາດໃຫມ່ໂດຍການ ສ້າງນັກກິລາດາວ ດວງ ເດັ່ນ ໃນລຸ້ນເຍົາວະຊົນ ເຊິ່ງເປັນການສ້າງນັກກິລາແບບຍາວນານໃຫ້ກາຍມາເປັນນັກກິລາທີມຊາດ ທີ່ມີຄວາມສາມາດສູງ ເຊິ່ງປະຈຸບັນ ສະຫະພັນ ມີນັກກ ິລາ ຢູໂດ ລຸ້ນ U-12 ຈຳນວນຫນຶ່ງ ສົມທົບກັບນັກກິລາລຸ້ນເກົ່າ ໄດ້ຝຶກຊ້ອມຢູ່ ສູນກິລາ ບູໂດລາວ-ຍີ່ປຸ່ນ ຈາກການສິດສອນຂອງ ຄູຝຶກທີ່ມີປະສົບ ການສູງ. ເພື່ອເປັນການຍົກລະດັບ ແລະ ສ້າງປະສົບການແກ່ນັກກິລາ, ສະຫະພັນ ຈະໄດ້ຈັດການແຂ່ງຂັນ ຢູໂດ ຊີງແຊ໋ມທົ່ວປະເທດ ຂຶ້ນ ໃນເດືອນຫນ້ານີ້ ຢູ່ສູນ ບູ ໂດ ລາວ-ຍີ່ປຸ່ນ ທັງຈະໄດ້ຄັດເລືອກເອົານັກກິລາລຸ້ນນ້ອຍໄປຮ່ວມແຂ່ງຂັນ ຊີງແຊ໋ມປະເທດໄທ ໃນເດືອນ ເມສາ ນີ້, ສ່ວນເດືອນ ພຶດສະພາ ກໍຈະສົ່ງ ນັກ ກິລາເຂົ້າຮ່ວມ ຊີງແຊ໋ມເຍົາວະຊົນ ອາຊີ ຢູ່ບາງກອກ ປະເທດໄທ ແລະ ຈະສົ່ງນັກກິລາເຂົ້າຮ່ວມແຂ່ງຂັນໃນລະດັບສາກົນອີກຫລາຍລາຍການ. ເຖິງແນວໃດກໍດີ, ຈຸດຕົ້ນຕໍຂອງສະຫະພັນ ຈະເນັ້ນການສ້າງນັກກິລາລຸ້ນສືບທອດ ທັງນີ້ກໍຍ້ອນການນຳເອົາບົດຮຽນຂອງຫລາຍປະເທດ ທີ່ເຂົາໄດ້ສ້າງນັກກິ ລາມາ ແຕ່ນ້ອຍ ເຊິ່ງຈະເປັນຜົນດີທີ່ສຸດໃຫ້ແກ່ການພັດທະນາກິລາ ຢູໂດ ໃຫ້ກ້າວເທົ່າທຽມກັບລະດັບສາກົນໄດ້. ທ່ານ ກ່າວຕື່ມວ່າ:ນັກກິລາຂອງຫລາຍປະເທດ ທີ່ພັດທະນາໄວນັ້ນ ກໍຍ້ອນວ່າ ໄດ້ຮັບການຊຸກຍູ້ທາງດ້ານທຶນຮອນຈາກພາກລັດ ແລະ ເອກະຊົນທັງໄປຄຽງຄູ່ ການນຳພາຝຶກແອບຂອງຄູຝຶກທີ່ມີຄວາມສາມາດສູງໄດ້ລະດັບມາດຕະຖານສາກົນລວມທັງນັກກິລາເອງ ກໍມີໃຈມັກ ແລະ ຫລິ້ນມາແຕ່ນ້ອຍ. ດັ່ງນັ້ນ ຖ້າ ຕ້ອງ ການເຮັດໃຫ້ວົງການຢູໂດລາວ ກ້າວຫນ້າໄດ້ຕາມແຜນການແລ້ວ ຕ້ອງໄດ້ນຳເອົາບົດຮຽນນັ້ນ ມາຫມູນໃຊ້ໃຫ້ເກີດປະໂຫຍດສູງສຸດ. ປະຈຸບັນ, ນອກຈາກພາຍໃນ ນະຄອນຫລວງວຽງຈັນ ແລ້ວ ຢູ່ບາງແຂວງ ເຊັ່ນ: ຄຳມ່ວນ ແລະ ສະຫວັນນະເຂດ ກໍມີສະໂມສອນ ຢູໂດແລ້ວ ເຊິ່ງໃນປີນີ້ຈະໄດ້ ເປີດສະໂມສອນ ຢູໂດ ຢູ່ ແຂວງຫລລວງພະບາງ ແລະ ບໍລິຄຳໄຊ ຕື່ມອີກ ເພື່ອເຮັດ ໃຫ້ກິລາຢູໂດເປັນທີ່ນິຍົມຫລິ້ນກັນຫລາຍຂຶ້ນ./.
ກັບສາລະບານ
