ສະຫະພັນເຕະດອກຂົນໄກ່ ຍ້ອງຍໍຜູ້ມີຜົນງານຮັບໃຊ້ ວຽງຈັນເກມ
*ພິທີສະຫລຸບການເຄື່ອນໄຫວຊີເກມຄັ້ງທີ 25 ຂອງສະຫະພັນກິລາເຕະດອກຂົນໄກ່ແຫ່ງຊາດລາວ ໄດ້ຈັດຂຶ້ນໃນ ວັນທີ 3 ກຸມພານີ້ຢູ່ຮ້ານອາຫານ ດາວວຽງ ນະຄອນຫລວງວຽງຈັນ ໂດຍມີທ່ານ ດຣ. ພູທອງ ແສງອາຄົມ ລັດຖະມົນຕີປະຈຳສຳ ນັກງານນາຍົກລັດຖະມົນຕີ, ປະ ທານຄະນະກຳມະການກິລາ-ກາຍະ ກຳແຫ່ງ ຊາດ, ຮອງປະທານ ຄະນະກຳມະການຈັດມະຫະກຳ ກິລາຊີເກມ, ທ່ານ ສຈ ດຣ. ບໍ່ວຽງ ຄຳ ວົງດາລາ ຫົວ ຫນ້າຫ້ອງວ່າການສຳນັກງານນາຍົກລັດ ຖະມົນຕີ, ປະ ທານຄະນະສະຫະພັນເຕະດອກຂົນໄກ່ແຫ່ງຊາດລາວ ເຂົ້າຮ່ວມ. ສະຫະພັນເຕະດອກຂົນໄກ່ແຫ່ງຊາດລາວໄດ້ ຈັດລ້ຽງດັ່ງກ່າວ ເພື່ອຊົມເຊີຍ, ຍ້ອງ ຍໍຄູຝຶກ, ນັກກິລາ, ກຳມະການແລະ ຜູ້ສະໜັບສະໜູນຕົ້ນຕໍໃນການເຄື່ອນ ໄຫວຮັບ ໃຊ້ກິລາຊີເກມ ຄັ້ງທີ 25 “ວຽງ ຈັນ ເກມ”ທີ່ ສປປ ລາວ ໄດ້ ຮັບ ກຽດເປັນເຈົ້າພາບຜ່ານມາ. ທ່ານ ອານຸສອນ ເຄນກິຕິສັກ, ເລຂາສະ ຫະພັນ ເຕະດອກຂົນໄກ່ ແຫ່ງຊາດ ໄດ້ລາຍງານວ່າ: ສະຫະພັນພວກເຮົາ ສາມາດ ໄດ້ ທັງຫມົດ 7 ຫລຽນ ຄື 3 ຫລຽນຄຳ, 3 ຫລຽນເງິນ ແລະ 1 ຫລຽນທອງ ໃນການແຂ່ງຂັນກີລາຊີເກມດັ່ງກ່າວ. ທັງນີ້ກໍຍ້ອນຄະນະສະຫະພັນ, ຄູຝຶກແລະ ນັກ ກິ ລາໄດ້ຕັດສິນໃຈສຸມທຸກເຫື່ອແຮງສະຕິປັນຍາປະຕິບັດການຝຶກແອບຢ່າງຕັ້ງຫນ້າເຊັ່ນດຽວກັນກໍໄດ້ຮັບການສະຫນັບສະຫນູນ, ຊ່ວຍເຫລືອຈາກພາກ-ລັດ ໂດຍ ສະເພາະ ຄກຊ, ກະຊວງແຜນການ ແລະການ ລົງທຶນ ທີ່ໄດ້ ຊ່ວຍເຫລືອສະຖານທີ່ຝຶກແອບ ແລະ ພັກເຊົາກໍຄືການປະກອບສ່ວນທາງ ດ້ານທຶນ ຮອນ ຂອງບັນດາບໍລິ ສັດ, ຫ້າງຮ້ານ... ເຂົ້າໃນການແຂ່ງ ຂັນດັ່ງກ່າວອັນເຮັດໃຫ້ສະຫະພັນພວກເຮົາສາມາດຍາດໄດ້ ຜົນ ສຳເລັດ. ສະເພາະ ນັກກິລາທີ່ໄດ້ ຫລຽນ ໄດ້ຮັບເງິນສະຫນັບສະຫນູນຈາກພາກລັດ-ເອກະຊົນແລະສະຫະ ພັນທັງໃນການແຂ່ງຂັນກິລາອິນດໍເກມແລະມະຫະກຳກິລາ ຊີເກມ ຄັ້ງທີ 25 ທັງ ຫມົດ 794 ລ້ານກວ່າກີບ, ສ່ວນ ຄູຝຶກ 2 ທ່ານໄດ້ຮັບເງິນ 55,8 ລ້ານກວ່າກີບ./.
ກັບສາລະບານ
