ບານສົ່ງລາວ ໃຫ້ຄວາມສຳຄັນໃນການພັດທະນາບຸກຄະລາກອນ
*ນັກກິລາບານສົ່ງລາວ ເມື່ອທຽບກັບລະດັບພາກພື້ນແລ້ວຕ້ອງໄດ້ປັບປຸງຫລາຍດ້ານໂດຍສະເພາະການສ້າງບຸກ ຄະລາກອນໃຫ້ມີ ຄວາມສາມາດຮອບດ້ານກວ່າທີ່ເປັນດັ່ງປະຈຸບັນ ເຊິ່ງຈຸດນີີ້,ໄດ້ເຮັດໃຫ້ສະຫະພັນບານສົ່ງແຫ່ງຊາດລາວ ຈຳເປັນຕ້ອງໄດ້ສືບຕໍ່ພັດທະ ນາເພື່ອໃຫ້ສີມືີດີຂຶ້ນກວ່າເກົ່າ ໂດຍການສ້າງແຜນການເຄື່ອນໄຫວແຂ່ງຂັນໃນ ລະດັບພາກ ພື້ນ ກໍຄືພາຍໃນປະເທດ.ທັງນີ້, ຜ່ານຈາກການ ເຂົ້າ ຮ່ວມແຂ່ງຂັນ ໃນຊີເກມຄັ້ງທີ 25 ຈຶ່ງ ຮູ້ໄດ້ເຖິງວ່າ: ລະຫວ່າງນັກກິລາລາວກັບລະດັບພາກພື້ນແຕກໂຕນກັນຫລາຍເຊິ່ງກໍຍອມຮັບນຳກັນວ່າການ ສ້າງ ນັກກິລາບານສົ່ງລາວທັງປະເພດໃນຮົ່ມ ແລະ ຫາດຊາຍ ໃຫ້ມີຄວາມສາມາດ ເທົ່າ ທຽມ ກັບ ລະດັບພາກ ພື້ນ ນັ້ນ ມັນບໍ່ແມ່ນເລື່ອງງ່າຍ ໂດຍຄວາມຫຍຸ້ງຍາກ ທີ່ ສະຫະພັນພົບພ້ໍໃນ ປະຈຸ ບັນກໍຄືການຄົ້ນຫານັກກິລາທີ່ມີພອນສະຫວັນມາຮ່ວມທີມ ຫລື ຫລິ້ນເປັນນັກກິລາທີມຊາດ ເພາະ ສ່ວນຫລາຍບໍ່ໄດ້ມາດຕະຖານດ້ານຄວາມສູງ ແລະ ອື່ນໆ. ຕາມການຕີລາຄາແລ້ວ,ນັກກິລາລາວ ຍັງຂາດປະສົບການທາງດ້ານເຕັກນິກ,ການປະສານງານ ກັນພາຍໃນທີມ,ໂອກາດ ອອກໄປ ເຄື່ອນໄຫວ ແຂ່ງຂັນໃນລະດັບພາກພື້ນກໍຄືສາ ກົນມີຫນ້ອຍ ບວກໃສ່ໄລຍະການຝຶກຊ້ອມກໍສັ້ນ ຈຶ່ງເຮັດໃຫ້ນັກກິລາລາວບໍ່ປະສົບຜົນສຳ ເລັດໃນຊີເກມ ຄັ້ງທີ 25 ຜ່ານມາ.ແຕ່ເຖິງແນວໃດກໍດີ,ເມື່ອທຽບໃສ່ເມື່ອກ່ອນ ນັກກິລາ ລາວ ກໍມີການພັດທະນາ ຂຶ້ນ ກວ່າເກົ່າ ເຊິ່ງສະຫະພັນບານສົ່ງແຫ່ງຊາດຈະ ໄດ້ນຳເອົາປະສົບການ ແລະ ບົດຮຽນທີ່ຖອດ ຖອນ ມາໄດ້ ໃນຊີເກມ ຄັ້ງທີ 25 ຜ່ານມາເປັນບົດ ຮຽນສຳ ຄັນສຳ ລັບການປັບປຸງໃຫ້ເກີດປະໂຫຍດສູງສຸດ ໂດຍສະເພາະຈະເປີດໂອກາດໃຫ້ນັກກິລາ ໄດ້ຝຶກຊ້ອມຢ່າງຕໍ່ເນື່ອງ ແລະ ເປັນລະບົບດີ. ເມື່ອໃດໄດ້ປັບປຸງຂອດດັ່ງກ່າວນີ້ແລ້ວ,ແນ່ນອນກໍຈະເຮັດໃຫ້ນັກກິລາບານສົ່ງລາວເຮົາກ້າວຫນ້າເທົ່າທຽມກັບລະດັບພາກພື້ນເທື່ອລະກ້າວໂດຍສະເພາະນັກກິລາບານສົ່ງຫາດຊາຍ ຍິງ-ຊາຍ ທີ່ມີທ່າກ້າວ ເຖິງວ່ານັກກິລາລາວ ຫາກໍຫລິ້ນປະເພດນີ້ກໍຕາມ” ຄະນະຄູຝຶກທີມ ຊາດ ບານສົ່ງລາວ ກ່າວ./.
ກັບສາລະບານ
