ກຽມຈັດສຳມະນາການສ້າງຄະນະຕໍ່ຕ້ານ ເຂດຕາເວັນຕົກສ່ຽງເຫນືອ ຢູ່ແຂວງໄຊຍະບູລ ີ
*(ຂປລ): ຄະນະຊີ້ນຳວຽກງານແນວຄິດ ທີດສະດີ ແລະ ວັດທະນະທຳສູນກາງ, ຄະນະຮຽບ ຮຽງ ປະ ຫວັດສາດ ລາວ- ຫວຽດນາມ ຮ່ວມກັບຄະນະນຳ ແຂວງໄຊ ຍະ ບູລີ ໄດ້ຮ່ວມກັນປຶກສາຫາລື ກ່ຽວກັບແຜນ ການຈັດສຳມະນາການສ້າງຕັ້ງ ຄະ ນະຕໍ່ຕ້ານ ເຂດຕາເວັນຕົກສຽງເຫນືອ ຢູ່ແຂວງໄຊຍະບູລີ ໃນທ້າຍເດືອນ ມີ ນາ ຫລື ເມສາ 2010 ທີ່ຈະເຖິງນີ້ ໃນໂອກາດທີ່ ທ່ານ ສະຫມານ ວິຍະເກດ, ກຳມະການກົມການ ເມືອງ ສູນກາງພັກ, ຫົວຫນ້າຄະນະຊີ້ນຳວຽກງານແນວ ຄິດທິດ ສະດີ ແລະ ວັດ ທະນະທຳສູນກາງ ແລະ ຫົວຫນ້າ ຄະນະ ຊີ້ນຳໂຄງການຮຽບຮຽງປະຫວັດສາດ ການພົວພັນພິເສດ ລາວ-ຫວຽດນາມ ພ້ອມຄະນະ ໄດ້ເດີນທາງ ໄປ ເຄື່ອນໄຫວ, ຢ້ຽມຢາມ ແລະ ເຮັດວຽກຢູ່ບັນດາແຂວງພາກເຫນືອ ໃນລະຫວ່າງວັນທີ 14-18/2/2010. ທ່ານນາງ ວຽງແກ້ວ ພົມມະຫາໄຊ, ຫົວຫນ້າຫ້ອງການປະສານງານ ໂຄງການຮຽບຮຽງ ປະ ຫວັດສາດ ການພົວພັນພິເສດ ແລະ ສາມັກຄີສູ້ຮົບລາວ-ຫວຽດນາມ ກ່າວວ່າ: ການທີ່ເລືອກເອົາ ແຂວງໄຊຍະບູລີ ເປັນສະຖານທີ່ຈັດກອງປະຊຸມດັ່ງກ່າວ ກໍຍ້ອນວ່າ: ແຂວງໄຊຍະບູລີ ເປັນຈຸດສ້າງຕັ້ງສຳນັກ ຂອງຄະນະຕໍ່ຕ້ານເຂດ 2 ໂດຍແມ່ນທ່ານ ພູມີ ວົງວິຈິດ ເປັນຫົວຫນ້າ.ໃນປະຫວັດສາດການພົວພັນພິເສດ ລາວ-ຫວຽດນາມ ນັ້ນ, ເຂດຕາເວັນຕົກສ່ຽງເຫນືອຂອງລາວ ແມ່ນສະຖານທີ່ ແຫ່ງ ຫນຶ່ງ ທີ່ມີຫລາຍເຫດການສຳ ຄັນເກີດຂຶ້ນ ຊຶ່ງເປັນຂີດຫມາຍສຳຄັນຂອງການຮ່ວມສຳພັນສູ້ຮົບ ແລະ ສາມັກຄີ ລາວ-ຫວຽດນາມ ເຊັ່ນ: ການສ້າງຕັ້ງ ຄະ ນະ ກຳມະການຕໍ່ຕ້ານເຂດຕາເວັນຕົກສ່ຽງເຫນືອເຂດ 1, ເຂດ 2 ໃນເດືອນ 10 ປີ 1947 ເພື່ອນຳພາປະຊາຊົນລາວບັນ ດາເຜົ່າບັນດາແຂວງພາກ ເຫນືອລຸກຂຶ້ນ ຕໍ່ ສູ້ກູ້ຊາດ ຊຶ່ງມີສູນບັນຊາການຢູ່ແຂວງຫລວງພະບາງ, ການສົມທົບກັນຮ່ວມສຳພັນສູ້ຮົບ ລາວ-ຫວຽດນາມ ຕ້ານການກັບຄືນມາຮຸກຮານ ເທື່ອທີ 2 ຂອງພວກ ລ່າ ເມືອງ ຂຶ້ນຝຣັ່ງ ເພື່ອປ້ອງກັນບັນດາທ້ອງຖິ່ນ ທາງພາກຕາເວັນຕົກສ່ຽງເຫນືອຂອງລາວ, ຂະບວນການຕໍ່ສູ້ຂອງບັນດາແຂວງພາກເຫນືອ ເພື່ອສົມທົບກັບສະ ຫນາມ ຮົບດຽນບຽນຝູປີ 1953-1954. ທ່ານນາງ ວຽງແກ້ວ ພົມມະຫາໄຊ ກ່າວຕື່ມວ່າ: ກອງປະຊຸມດັ່ງກ່າວ ປະກອບມີ 3 ເນື້ອໃນຕົ້ນຕໍ ເຊັ່ນ: ການສຳມະນາລະຫວ່າງລາວ-ຫວຽດນາມ ໃນຫົວຂໍ້ ”ຄວາມສາມັກຄີລາວ-ຫວຽດນາມ ເພື່ອສ້າງຕັ້ງຄະນະກຳມະການເຂດຕໍ່ຕ້ານຢູ່ພາກຕາເວັນຕົກສ່ຽງເຫນືອລາວ” ເວລາ 1 ມື້ ພາຍໃຕ້ຮູບແບບຜັດປ່ຽນກັນກ່າວ ຄຳເຫັນ, ກອງປະຊຸມສະຫລຸບ 1 ປີການປະຕິບັດໂຄງ ການຮຽບຮຽງປະຫວັດສາດສາມັກຄີພິເສດ ລາວ-ຫວຽດ ນາມ ແລະ ວາງທິດທາງຫນ້າທີ່ປີ 2010 ເວລາ 1 ມື້ ແລະ ພົບປະກັບຜູ້ພະຍານປະຫວັດສາດ, ສົນທະນາເນື້ອໃນຮ່າງບົດຂອງແຕ່ລະຜະລິດຕະພັນປະຫວັດສາດ 6 ຜະລິດຕະພັນ ແບ່ງຫນ່ວຍຄົ້ນຄວ້າເວລາ 1-2 ມື້. ພ້ອມທັງຢ້ຽມຢາມບາງສະຖານທີ່ປະຫວັດສາດຢູ່ແຂວງໄຊຍະບູລີ 1 ມື້,ແຂວງຫລວງພະບາງ 1 ມື້. ທັງນີ້ກໍເພື່ອຍົກໃຫ້ເຫັນມູນເຊື້ອຄວາມ ສາມັກຄີແບບ ພິ ເສດ ລະຫວ່າງ ລາວ-ຫວຽດນາມ ນັບແຕ່ຊຸມປີຕົ້ນຂອງການປະຕິວັດລາວຈົນຮອດປະຈຸບັນ. ກອງປະຊຸມ ການສ້າງຕັ້ງຄະນະຕໍ່ຕ້ານເຂດຕາ ເວັນຕົກ ສ່ຽງເໜືອ ດັ່ງກ່າວນີ້ ຄາດວ່າຈະມີຜູ້ເຂົ້າຮ່ວມ ທັງຫມົດກວ່າ 100 ຄົນ, ໃນນີ້ ຝ່າຍລາວມີ 100 ຄົນ ແລະ ຝ່າຍຫວຽດນາມ 20 ຄົນ ອັນປະກອບມີຜູ້ຕາງຫນ້າການນຳພັກ, ລັດຖະບານ ລາວ-ຫວຽດນາມ, ຄະນະຮັບຜິດຊອບໂຄງການຮຽບຮຽງປະຫວັດສາດ ລາວ-ຫວຽດນາມ, ຜູ້ແທນຂອງບາງກະຊວງ, ຂະແຫນງການທີ່ກ່ຽວຂ້ອງ, ຕາງຫນ້າສະຫະພັນນັກຮົບເກົ່າ ລາວ-ຫວຽດນາມ, ການນຳຂອງບັນດາທ້ອງຖິ່ນເຂດ 2, ຜູ້ແທນອະດີດຊ່ຽວຊານ ແລະ ທະຫານອາສາສະຫມັກຫວຽດນາມ, ຜູ້ ພະ ຍານປະຫວັດສາດ, ບັນດານັກວິທະຍາສາດ, ສຳນັກງານຂ່າວສານສອງປະເທດ, ທູດລາວປະຈຳ ຫວຽດນາມ ແລະ ທູດຫວຽດນາມປະຈຳ ສປປ ລາວ./.
ກັບສາລະບານ
