ກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 5 ສະໄໝທີ 8
*(ຂປລ): ກອງປະຊຸມສາມັນຄົບຄະນະ ກຳມະການສູນກາງແນວລາວສ້າງຊາດ ຄັ້ງທີ 5 ສະໄໝທີ 8 ໄດ້ຈັດຂຶ້ນໃນວັນທີ 16 ກຸມພາ 2010 ນີ້ ທີ່ຫ້ອງປະຊຸມໃຫຍ່ ແຂວງຫຼວງພະບາງ ໂດຍການເປັນປະທານຂອງທ່ານ ສີສະຫວາດ ແກ້ວບຸນພັນ, ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ຜູ້ຊີ້ ນຳອົງການຈັດຕັ້ງມະຫາຊົນຂັ້ນສູນກາງ, ມີທ່ານ ບຸນເຮືອງ ດວງພະຈັນ, ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຫຼວງພະບາງ, ທ່ານ ຕົງເຢີທໍ, ກຳມະ ການສູນກາງພັກ, ຮອງປະທານສູນກາງແນວລາວສ້າງຊາດ, ມີບັນດາປະທານ, ຮອງປະທານແນວລາວສ້າງຊາດ ນະຄອນຫຼວງ ແລະ 16 ແຂວງທົ່ວປະເທດ, ແຂກ ຖືກ ເຊີນ ແລະ ພາກສ່ວນທີ່ກ້ຽວຂ້ອງ ເຂົ້າຮ່ວມ. ກອງປະຊຸມຄັ້ງນີ້ ໄດ້ມີການສັງເກດຕີລາຄາ ສະພາບການຈັດຕັ້ງປະຕິບັດ ມະຕິກອງປະຊຸມຄົບຄະ ນະຄັ້ງທີ 4 ສະໄໝທີ 8 ຮອດປັດຈຸບັນຢ່າງຮອບດ້ານ, ກຳນົດ ໜ້າທີ່ຈຸດສຸມຂອງແນວລາວສ້າງຊາດໃນຕໍ່ໜ້າ, ຮັບຮອງການແຕ່ງຕັ້ງ ກຳມະການສູນກາງແນວລາວສ້າງຊາດເພີ່ມຕື່ມ ຈຳນວນໜຶ່ງ, ແນະນຳສ້າງຂະບວນ ການ ດ້ານຕ່າງໆ ໂດຍແນໃສ່ປຸກລະດົມຈິດໃຈ ຍົກສູງຄວາມຮັບຜິດຊອບ ແລະ ຄວາມສາມັກຄີ ເປັນເອກະ ພາບພາຍໃນໃຫ້ແໜ້ນແຟ້ນ ເພື່ອພ້ອມກັນຈັດຕັ້ງປະຕິບັດ ບັນດາວຽກງານຈຸດສຸມຕົ້ນຕໍ ທີ່ໄດ້ວາງອອກ ໂດຍສະເພາະແມ່ນການສ້າງຂະບວນການເພື່ອຂ່ຳນັບຮັບຕ້ອນການສະເຫຼີມສະຫຼອງວັນສ້າງຕັ້ງແນວລາວສ້າງ ຊາດ ຄົບຮອບ 60 ປີ, ກອງປະຊຸມໃຫຍ່ຄັ້ງທີ 9 ຂອງພັກ, ກອງປະຊຸມໃຫຍ່ຄັ້ງທີ 9 ຜູ້ແທນແນວລາວ ສ້າງຊາດ ທົ່ວປະເທດ ແລະ ວັນບຸນສຳຄັນຕ່າງໆຂອງຊາດ ໃຫ້ ຟົດຟື້ນຕໍ່ເນື່ອງ./.
ກັບສາລະບານ
