ສົ່ງເສີມຄວາມກ້າວໜ້າຂອງແມ່ຍິງໃນທຸກຂະແໜງການ
*(ຂປລ) : ການຈັດຕັ້ງປະຕິບັດ ແຜນນະໂຍບາຍແຫ່ງຊາດ ເພື່ອສົ່ງເສີມຄວາມກ້າວໜ້າຂອງແມ່ຍິງໃນໄລຍະຜ່ານມາເຫັນວ່າ ໄດ້ຮັບຜົນສຳເລັດຫລາຍດ້ານ ເປັນຕົ້ນແມ່ນຄະນະກຳມາທິການ ເພື່ອຄວາມກ້າວ ໜ້າ ຂອງແມ່ຍິງ ໄດ້ຮັບການສ້າງຕັ້ງຂຶ້ນໃນທຸກລະດັບ ນັບແຕ່ສູນກາງລົງຮອດທ້ອງຖິ່ນ ພ້ອມນັ້ນ ກໍໄດ້ສ້າງ ກົນໄກປະສານງານໃນທຸກຂະແໜງການ ນັບແຕ່ຂ້ັນກະຊວງ, ອົງການ, ແຂວງ, ເມືອງ ແລະ ຂະຫຍາຍໄປເຖິງບ້ານ. ໃນກອງປະຊຸມຄົບຄະນະ ຂອງຄະນະກຳ ມາທິການ ເພື່ອຄວາມກ້າວໜ້າຂອງແມ່ຍິງແຫ່ງຊາດ (ຄກມຊ) ທີ່ໄຂຂຶ້ນໃນຕອນ ເຊ້ົາວັນ ທີ 17 ກຸມພາ 2010 ທີ່ນະຄອນຫລວງວຽງຈັນໂດຍການໃຫ້ກຽດເຂົ້າຮ່ວມເປັນທານ ກ່າວ ເປີດຂອງ ທ່ານ ສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີ, ຜູ້ປະຈຳການ ລັດ ຖະບານ ທັງເປັນປະທານ ຄກມຊ ໄດ້ສະຫລຸບ ແລະ ຕີລາຄືນສະພາບການເຄື່ອນ ໄຫວ ວຽກງານ ສົ່ງເສີມຄວາມກ້າວໜ້າຂອງແມ່ຍິງ ປະຈຳສົກປີ 2008-2009. ບັນຫາສຳຄັນ ແມ່ນໄດ້ເຄື່ອນໄຫວຢ່າງຕັ້ງໜ້າໃນ ການເຊື່ອມບົດບາດຍິງ-ຊາຍ ກໍຄືການຜັນຂະ ຫຍາຍ ແຜນນະໂຍບາຍແຫ່ງຊາດ ເພື່ອສົ່ງເສີມຄວາມກ້າວໜ້າຂອງແມ່ຍິງ 2006-2010 ເຂົ້າ ໃນ ຂະແໜງການ ແລະ ທ້ອງຖິ່ນ. ພ້ອມນີ້ ກອງປະຊຸມຍັງໄດ້ສະຫລຸບຕີລາຄາຄືນ ຜົນ ສຳເລັດການເຂົ້າ ຮ່ວມກອງປະຊຸມຄັ້ງທີ 44 ຂອງຄະນະກຳມະການ ຊີດໍ ສາກົນ ເພື່ອ ປ້ອງ ກັນບົດລາຍງານແຫ່ງຊາດ ສະບັບທີ 6 ແລະ 7 ກ່ຽວກັບການຈັດຕັ້ງປະ ຕິບັດສົນທິ ສັນຍາ ຊີດໍ ໃນ ສປປ ລາວ ເມື່ອເດືອນ ກໍລະກົດ 2009 ຜ່ານມາ ທີ່ນິວຢອກ, ສະຫະລັດອາເມລິກາ ແລະ ການເຜີຍແຜ່ບົດປະກອບຄຳເຫັນມ້ວນທ້າຍ ຕໍ່ບົດ ລາຍງານແຫ່ງຊາດ ສະບັບທີ 6 ແລະ 7 ຂອງ ສປປ ລາວ ໃນການຈັດ ຕັ້ງປະຕິ ບັດສົນທິສັນຍາ ຊີດໍ ຊຶ່ງລວມທັງໝົດ 60 ຂໍ້ແນະນຳ. ກອງປະຊຸມຍັງໄດ້ຮັບຟັງລາຍງານ ສະພາບການເຄື່ອນໄຫວວຽກງານ ສົ່ງເສີມຄວາມໜ້າຂອງແມ່ ຍິງ ໃນສົກປີຜ່ານມາ ຈາກຄະນະກຳມາທິການສົ່ງເສີມ ຄວາມ ກ້າວໜ້າຂອງແມ່ຍິງ ໃນຂະແໜງການ ແລະ ທ້ອງຖິ່ນ ຈຳນວນໜຶ່ງ, ພ້ອມທັງໄດ້ພ້ອມກັນຄົ້ນຄວ້າປຶກສາຫາລື ແລະ ປະກອບຄຳຄິດ ຕໍ່ສະພາບການເຄື່ອນໄຫວ ຈັດຕ້ັງປະຕິບັດວຽກງານ ສົ່ງເສີມຄວາມກ້າວໜ້າຂອງແມ່ຍິງ ໃນໄລຍະຜ່ານມາ ແລະ ຮ່ວມກັນວາງທິດທາງການເຄື່ອນໄຫວວຽກງານໃນສົກປີ 2009-2010 ເປັນຕົ້ນ : ການຄ້ົນຄວ້າປະກອບຄຳເຫັນ ຕໍ່ຮ່າງແຜນນະໂຍບາຍແຫ່ງຊາດ ເພື່ອສົ່ງເສີມຄວາມກ້າວໜ້າຂອງແມ່ຍິງ (2011-2015) ແລະ ຄົນຄວ້າກຳນົດທິດ ທາງຜັນຂະຫຍາຍ 60 ຂໍ້ແນະນຳ ຂອງບົດປະກອບຄຳເຫັນມ້ວນທ້າຍ ຕໍ່ບົດລາຍງານປະຈຳໄລຍະທີ 6 ແລະ 7 ໃນການຈັດຕັ້ງປະຕິບັດສົນທິສັນຍາ ຊີດໍ ຂອງ ສປປ ລາວ./.
ກັບສາລະບານ
