ບັນດາຜູ້ນຳ ຕ້ອນຮັບທູດ ສ.ເກົາຫລີ ອຳລາ
*(ຂປລ): ທ່ານຮອງປະທານປະເທດ ບຸນຍັງ ວໍລະຈິດໄດ້ຕ້ອນຮັບການເຂົ້າຢ້ຽມຂ່ຳນັບອຳລາ ຂອງ ທ່ານ ປັກ ແຈ ຮຸນ (Park Jae hyun), ເອກອັກຄະລັດຖະ ທູດ ວິສາມັນຜູ້ມີອຳນາດເຕັມ ແຫ່ງ ສ. ເກົາ ຫລີ ປະຈຳ ສປປ ລາວ ໃນວັນທີ 17 ກຸມພາ 2010 ທີ່ສຳນັກງານປະທານປະເທດ ໃນໂອກາດທີ່ທ່ານໄດ້ ສຳເລັດ ການປະຕິ ບັດໜ້າທີ່ການທູດ ຢູ່ ສປປ ລາວ. ທ່ານຮອງປະທານປະເທດ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ທ່ານທູດ ຍາດ ມາໄດ້ ໃນໄລ ຍະການປະຕິບັດໜ້າທີ່ການທູດຢູ່ ສປປ ລາວ ຊຶ່ງທ່ານໄດ້ ປະ ກອບສ່ວນ ອັນສຳຄັນເຂົ້າໃນການພັດທະນາເສດ ຖະກິດ-ສັງຄົມ ແລະ ເພີ່ມທະວີສາຍພົວພັນ ມິດ ຕະ ພາບ ແລະ ການຮ່ວມມື ລະຫວ່າງ ສປປ ລາວ ແລະ ສ. ເກົາຫລີ ໃຫ້ນັບມືຂະຫຍາຍ ຕົວຍິ່ງໆຂຶ້ນ ຊຶ່ງຜ່ານມາລັດຖະບານສ.ເກົາຫລີ ກໍໄດ້ໃຫ້ການສະໜັບສະໜູນແລະ ຊ່ວຍ ເຫລືອລາວ ຫລາຍດ້ານ ໂດຍສະເພາະ ແມ່ນດ້ານການສຶກສາ, ສາທາລະນະສຸກ ແລະ ດ້ານອື່ນໆ ພ້ອມນີ້ ທ່ານຮອງປະທານປະເທດ ຍັງໄດ້ອວຍພອນໃຫ້ທ່ານທູດ ຈົ່ງກັບຄືນ ປະເທດດ້ວຍ ຄວາມສະ ຫວັດດີພາບ ແລະ ປະສົບຜົນສຳເລັດ ໃນການປະຕິບັດ ໜ້າ ວຽກ ງານໃໝ່ອັນມີກຽດ ຂອງທ່ານດ້ວຍດ້ວຍ. ທ່ານເອກອັກຄະລັດຖະທູດສ.ເກົາຫລີ ກໍໄດ້ສະແດງຄວາມຂອບອົກຂອບໃຈຕໍ່ທ່ານ ຮອງ ປະທານປະ ເທດ ແຫ່ງ ສປປ ລາວ ກໍຄື ລັດຖະບານລາວ ແລະ ທຸກ ພາກ ສ່ວນທີ່ກ່ຽວຂ້ອງ ທີ່ໄດ້ໃຫ້ການຕ້ອນຮັບຢ່າງອົບ ອຸ່ນ ພ້ອມທັງໃຫ້ການສະໜັບສະໜູນ ຊ່ວຍເຫລືອ ແລະ ອຳນວຍຄວາມສະດວກ ໃນໄລຍະການປະຕິບັດ ໜ້າທີ່ ການທູດ ຢູ່ ສປປ ລາວ ຈົນປະສົບຜົນສຳເລັດເປັນຢ່າງດີ ພ້ອມທັງ ສະແດງຄວາມ ເຊື່ອໝັ້ນວ່າ ສາຍ ພົວ ພັນມິດ ຕະພາບອັນດີງາມຂອງສອງປະເທດ ກໍຄື ປະຊາຊົນ ສ. ເກົາຫລີ ແລະ ປະຊາຊົນ ສປປ ລາວ ຈະນັບ ມື້ ຂະຫຍາຍ ຕົວ ມີບາດ ກ້າວ ອັນໃຫມ່ທີ່ຈົບງາມຍິ່ງໆຂຶ້ນ. ໃນແລງວັນດຽວກັນ ທ່ານນາຍົກລັດຖະມົນຕີ ບົວສອນ ບຸບຜາວັນ ກໍໄດ້ຕ້ອນຮັບການ ເຂົ້າຢ້ຽມຂ່ຳ ນັບອຳລາ ທ່ານ ປັກ ແຈ ຮຸນ, ເອກອັກຄະລັດຖະທູດ ວິສາ ມັນ ຜູ້ມີອຳນາດເຕັມ ແຫ່ງ ສ. ເກົາຫລີ ປະຈຳ ສປປ ລາວ ເຊັ່ນດຽວກັນ./.
ກັບສາລະບານ
