ໂຄງການຂຸດຄົ້ນທອງເຊໂປນ ຈະເພີ່ມການຜະລິດໃຫ້ສູງຂຶ້ນ
*(ຂປລ) : ໂຄງການຂຸດຄ້ົນບໍ່ແຮ່ຄຳ-ທອງເຊໂປນ ຈະເພີ່ມກຳລັງການຜະລິດທອງ ໃຫ້ໄດ້ໃນລະດັບ 70-80 ພັນໂຕນໃນປີ 2010, ພາຍຫລັງທີ່ມີ ການຂະຫຍາຍ ໂຮງງານຜະລິດທອງ ແລະ ເນື້ອທີ່ການຂຸດຄົ້ນຈາກ 28 ກິໂລຕາແມັດ ເປັນ 90 ກິໂລຕາແມັດ ຂະຫຍາຍໄປທາງເຂດພູແທ່ງຄຳ ໃນເຂດສຳປະທານຂອງ ໂຄງ ການ ໂດຍມີມູນຄ່າການລົງທຶນ ປະມານ 160 ລ້ານກວ່າໂດລາສະຫະລັດ, ມາຮອດປະ ຈຸ ບັນ ການກໍ່ສ້າງສາມາດປະ ຕິບັດໄດ້ແລ້ວ 60-70% ຄາດວ່າໃນທ້າຍປີ 2010 ຈະ ສຳ ເລັດການກໍ່ສ້າງຢ່າງແນນອນ ແລະ ຈະສາມາດຍົກລະ ດັບກຳລັງການຜະລິດທອງ ໃຫ້ສູງ ຂຶ້ນ. ການຜະລິດທອງ ຂອງໂຄງການຂຸດຄົ້ນບໍ່ແຮ່ຄຳ-ທອງເຊໂປນ ແມ່ນທອງທີ່ມີຄຸນະພາບ ໃນລະດັບ 99,9% ຊຶ່ງເລີ່ມຕົ້ນຜະລິດມາແຕ່ປີ 2005 ມີກຳລັງການຜະ ລິດໃນເບື້ອງຕ້ົນ ປະມານ 30 ພັນໂຕນ ແລະ ມີອັດຕາການຜະລິດເພີ່ມຂຶ້ນເລື້ອຍໆ. ສະເພາະໃນປີ 2009 ຜ່ານມາ ສາມາດຜະລິດໄດ້ 67.500 ໂຕນ, ຄາດຄະ ເນວ່າໃນປີ 2010 ຖ້າມີການຂະ ຫຍາຍ ໂຮງງານຈະສາມາດເພີ່ມຂຶ້ນເປັນ 70-80 ພັນໂຕນຕໍ່ປີ. ໂຄງການຂຸດຄົ້ນບໍ່ແຮ່ຄຳ-ທອງເຊໂປນ ມີຫວັງທີ່ຈະເພີ່ມກຳ ລັງ ການ ຜະລິດທອງໃຫ້ສູງຂຶ້ນເລື້ອຍໆ ເພາະວ່າລາຍ ຮັບເກືອບ 75% ຂອງໂຄງການແມ່ນມາຈາກການຜະລິດ ແລະ ຂາຍທອງ; ຕາມການສຳຫລວດພົບວ່າ ແຫລ່ງ ແຮ່ສະສົມທີ່ຄ້ົນພົບໃນເຂດໂຄງການ ປະກອບ ມີໂລຫະຄຳປະມານ 3 ລ້ານກວ່າອອນ ແລະ ໂລຫະທອງ 1 ລ້ານກວ່າໂຕນ ທາງບໍລິສັດຍັງຈະສືບຕໍ່ສຳຫລວດ ເພື່ອເພີ່ມປະລິມານສະສົມແຮ່ທາດຂອງໂຄງການ ໃຫ້ຢູ່ໃນລະດັບທີ່ແນ່ ນອນ. ຄຽງຄູ່ກັນນັ້ນ ທາງໂຄງການຍັງໄດ້ເອົາໃຈໃສ່ຕໍ່ບັນຫາສິ່ງແວດລ້ອມ ດ້ວຍລະບົບການຄຸ້ມ ຄອງສິ່ງແວດລ້ອມທີ່ເຂັ້ມແຂງ ເພື່ອຮັບ ປະ ກັນ ວ່າວຽກງານຂຸດຄົ້ນແຮ່ ຈະສົ່ງຜົນກະທົບໜ້ອຍທີ່ສຸດຕໍ່ສິ່ງແວດລ້ອມທຳມະຊາດ ແລະ ຊຸມຊົນທ້ອງຖິ່ນ, ພ້ອມນີ້ໂຄງການ ຍັງໄດ້ປະກອບ ສ່ວນຢ່າງ ຕັ້ງ ໜ້າເຂ້ົາໃນການພັດທະນາຊຸມຊົນທ້ອງຖິ່ນ ເປັນ ຕ້ົນແມ່ນ ການພັດທະນາພື້ນຖານໂຄງລ່າງ, ສ້າງວຽກເຮັດງານ ທຳ ໃຫ້ຄົນໃນທ້ອງຖິ່ນ, ການເກັບກູ້ລະເບີດທີ່ບໍ່ ທັນ ແຕກ, ປະກອບສ່ວນພັດທະນາດ້ານການສຶກສາ, ສາທາ ແລະ ອື່ນໆ ເພື່ອຍົກລະດັບມາດຕະຖານ ຊີວິດການ ເປັນຢູ່ ຂອງປະຊາຊົນໃຫ້ດີຂຶ້ນ./.
ກັບສາລະບານ
