ມອບ - ຮັບໜ້າທີ່ເລຂາພັກແຂວງ- ເຈົ້າແຂວງໆຫົວພັນລະຫວ່າງຜູ້ເກົ່າ ແລະ ຜູ້ໃໝ່
*(ຂປລ): ຕອນເຊົ້າວັນທີ 11 ກຸມພາ 2010 ນີ້, ແຂວງຫົວພັນໄດ້ຈັດພິທີມອບ - ຮັບໜ້າທີ່ລະ ຫວ່າງ ທ່ານ ດຣ. ພັນຄຳ ວິພາວັນ, ເລຂາຄະນະບໍລິ ຫານງານພັກ ແຂວງ, ເຈົ້າແຂວງໆຫົວພັນຜູ້ເກົ່າ ແລະ ທ່ານ ດຣ ຄຳຮຸ່ງ ເຮືອງວົງສີ, ລັດຖະມົນຕີຊ່ວຍວ່າການກະຊວງສາທາລະນະສຸກ ເປັນຜູ້ວ່າການເລຂາຄະນະບໍລິຫານ ງານພັກແຂວງແລະເຈົ້າແຂວງຜູ້ໃໝ່, ໂດຍການເຂົ້າຮ່ວມເປັນ ກຽດຂອງທ່ານ ບຸນຍັງ ວໍລະຈິດ ກຳມະການກົມການເມືອງສູນກາງພັກ, ຮອງປະທານປະເທດແຫ່ງ ສປປ ລາວ, ທ່ານ ໄຊສີ ຂັນຕິວົງ ຮອງຫົວໜ້າຄະນະຈັດຕັ້ງສູນກາງພັກ, ທ່ານ ຄຳສຸກ ໄຊຍະສອນ, ຮອງຫົວໜ້າຫ້ອງວ່າການສູນກາງພັກ ພ້ອມດ້ວຍຄະນະບໍລິ ຫານງານ ພັກແຂວງ, ບັນດາ ທ່ານເຈົ້າເມືອງ 8 ເມືອງທົ່ວແຂວງ, ແລະພະແນກການອ້ອມຂ້າງ ແຂວງເຂົ້າຮ່ວມ . ທ່ານ ດຣ ພັນຄຳ ວິພາວັນ ກ່າວມອບຫນ້າທີ່ວ່າ: ການຊີ້ນຳ - ນຳພາຮອບດ້ານ ຂອງຄະ ນະບໍລິ ຫານງານພັກແຂວງເກືອບ 5 ປີຜ່ານມາ ສາມາດເຮັດໃຫ້ແຂວງ ຫົວ ພັນມີສະຖຽນ ລະພາບທາງດ້ານການເມືອງ, ມີຄວາມສະຫງົບ ແລະ ຄວາມເປັນລະບຽບຮຽບຮ້ອຍ. ເສດ ຖະກິດຂະຫຍາຍຕົວຢ່າງຕໍ່ເນື່ອງດີຂຶ້ນ, ບັນຍາ ກາດໃນ ການສ້າງສາພັດ ທະນາເປັນຂະ ບວນການຟົດຟື້ນ, ລະບົບການເມືອງຢູ່ຂັ້ນຮາກຖານນັບມື້ໄດ້ຮັບການປັບປຸງດີຂຶ້ນ, ຄວາມສາມັກຄີໄດ້ເປັນປຶກແຜ່ນຂອງ ປະຊາ ຊົນ ບັນດາເຜົ່ານັບມື້ແໜ້ນ ໜາ. ຂະນະທີ່ທ່ານ ຄຳຮຸ່ງ ເຮືອງວົງສີ ໄດ້ມີຄຳເຫັນກ່າວຮັບໜ້າທີ່ວ່າ ຈະສືບຕໍ່ສົມທົບກັບບັນດາສະຫາຍຄະນະບໍລິຫານງານພັກແຂວງຊີ້ນຳ - ນຳພາເຮັດໃຫ້ວຽກ ງານ ການເມືອງ ແນວຄິດໃຫ້ເລິກເຊິ່ງກວ່າເກົ່າ, ສືບຕໍ່ສູ້ຊົນແກ້ໄຂ 3 ກະແສແນວຄິດເຊັ່ນ: ຄອງເດີມ, ຄັບແຄບ ແລະ ເອື່ອຍອິງ, ສະກັດກັ້ນ ແລະ ທັບມ້າງທຸກ ກົນອຸ ບາຍມ້າງເພທຳລາຍການ ແບ່ງແຍກຄວາມສາມັກ ຄີຂອງກຸ່ມຄົນບໍ່ດີ. ສືບຕໍ່ເພີມທະວີຄວາມສາມັກຄີເປັນນ້ຳໜຶ່ງໃຈ ດຽວພາຍໃນພັກ ແລະ ປະຊາຊົນ ບັນດາ ເຜົ່າ ເຮັດວຽກງານປ້ອງກັນຊາດປ້ອງກັນ ຄວາມສະຫງົບໃຫ້ໜັກແໜ້ນ. ສືບຕໍ່ກັນລົງກໍ່ສ້າງຮາກຖານການເມືອງ, ປັບປຸງຄະນະພັກອຳນາດການປົກຄອງ ແລະ ອົງການຈັດຕັ້ງມະຫາຊົນຢູ່ຮາກຖານໃຫ້ເຂັ້ມແຂງ. ສູ້ຊົນເຮັດໃຫ້ເຮັດໃຫ້ຈັງຫວະການຂະ ຫຍາຍຕົວທາງດ້ານເສດຖະກິດໃຫ້ໄດ້ 9 -10% ຕໍ່ປີ ແລະ ພັດ ທະນາ ເສດຖະກິດ - ສັງຄົມໃຫ້ສຳເລັດຕາມທີ່ ຄາດໝາຍໄວ້. ໃນໂອກາດນີ້ ທ່ານ ບຸນຍັງ ວໍລະຈິດ ໄດ້ກ່າວໄດ້ໂອ້ລົມ ແລະແນະນຳຄະນະນຳແຂວງດັ່ງກ່າວ ແລະໄດ້ຮຽກຮ້ອງໃຫ້ບັນດາສະຫາຍການນຳທຸກຂັ້ນ ຕ້ອງ ເປັນເອກະພາບໃນ ການຈັດ ຕັ້ງປະຕິບັດແຜນການຕ່າງໆ ໃຫ້ເກີດດອກ ອອກຜົນ,ພ້ອມທັງເອົາໃຈໃສ່ຍູ້ແຮງການພັດທະນາເສດຖະກິດສັງຄົມໃຫ້ເປັນຂະບວນ ຟົດຟື້ນ, ປັບປຸງລະບົບການເມືອງໃຫ້ມີ ຄວາມໜັກແໜ້ນເຂັ້ມແຂງ. ເຮັດວຽກງານປ້ອງກັນຊາດປ້ອງກັນຄວາມສະຫງົບໃຫ້ດີຍົກລະດັບການສຶກສາ, ສາທາລະ ນະ ສຸກ ໃຫ້ທົ່ວເຖິ່ງ./.
ກັບສາລະບານ
