ວັງແລະປ່າສະຫງວນຢູ່ແຂວງຈຳປາສັກ ເພີ່ມຂຶ້ນຫລັງທລຍສະໜັບສະໜູນ
ຂປລ:ການສ້າງວັງສະຫງວນ,ປ່າສະຫງວນແມ່ນວຽກງານໜຶ່ງທີ່ສຳຄັນ ທີ່ ທລຍ ສະໜັບສະໜູນເພື່ອເປັນການຮັກສາບັນດາສັດນ້ຳ,ສັດປ່າ ໃຫ້ຄົງຢູ່ຄູ່ກັບການ ດຳ ລົງ ຊີວິດຂອງປະຊາຊົນລາວ ເຮົາທັງເພື່ອຮັກສາ ແຫຼ່ງອາຫານຕາມທຳມະຊາດ ໃຫ້ແກ ່ປະຊາ ຊົນ.ຈາກນີ້,ຈຶ່ງເຮັດໃຫ້ ສັດເຫຼົ່ານັ້ນໄດ້ມີແຫຼ່ງ ຂະຫຍາຍພັນ ຕາມທຳມະຊາດ ບໍ່ໃຫ້ສູນພັນ ອັນ ໄດ້ຊ່ວຍໃຫ້ປະຊາຊົນມີແຫຼ່ງອາຫານບໍ່ຂາດເຂີນຈັກເທື່ອ,ຂະນະດຽວກັນມັນກໍ ເປັນນະໂຍ ບາຍ ໜຶ່ງໃນການຫຼຸດຜ່ອນ ຄວາມທຸກຍາກ ຂອງພໍ່ແມ່ປະຊາຊົນ. ປະຕິບັດຕາມນະໂຍບາຍດັ່ງກ່າວ,ທລຍ ແຂວງ ຈຳປາສັກຈຶ່ງໄດ້ປະກາດວັງສະຫງວນເພີ່ມ ໃນ ຮອບວຽນທີ 7 ຄື ວັງສະຫງວນຂອງບ້ານ ສຳຫຼຽງ ກຸ່ມ 2 ເມືອງ ສຸຂຸ ມາ,ວັງສະຫງວນ ຂອງບ້ານ ອຸດົມສຸກ ກຸ່ມ 3, ວັງ ສະຫງວນຂອງບ້ານ ກະຈິດ ກຸ່ມ 1, ວັງສະຫງວນ ຂອງບ້ານທົ່ງທິງ ກຸ່ມ2 , ວັງ ສະຫງວນ ຂອງບ້ານທົ່ງອຸດົມ ກຸ່ມ 3 ແລະ ວັງສະຫງວນຂອງບ້ານປາຫຼາຍ ກຸ່ມ 2 ທັງໄດ ້ປ່ອຍປາ 200.000ໂຕ ລົງໃສ່ 5 ວັງສະຫງວນ ຂອງເມືອງບາຈຽງ ແລະ ປ່ອຍກົບ 2.500ໂຕ ລົງວັງສະຫງວນ ຂອງເມືອງສຸຂຸມາ. ແນວໃດກໍ ດີ,ເພື່ອເຮັດໃຫ້ວັງສະຫງວນ ເຫຼົ່ານີ້ໄດ້ຮັບການ ປົກປັກຮັກສາໄວ້ໄດ້ຢ່າງຍາວນານນັ້ນ,ຈຶ່ງໄດ້ກຳນົດຂອບເຂດ ແລະ ລະບຽບການ ປົກ ປັກຮັກສາຄຸ້ມຄອງນຳໃຊ້ວັງສະຫງວນໂດຍ ໄກ້ກຳນົດມາດຕະ ການສຳ ຄັນ ຕ່າງໆ ເປັນຕົ້ນຖ້າຜູ້ໃດຝ່າຝືນ ກໍຈະຖືກປັບໃໝ. ນອກຈາກການປ່ອຍ ປາ ແລະ ກົບ ໃສ່ວັງສະຫງວນດັ່ງກ່າວ ແລະ ກ່ອນໜ້ານີ້ຄືວັນອະນຸລັກສັດນ້ຳ ສັດ ປ່າແຫ່ງຊາດ ວັນທີ 13/7/2010 ກໍໄດ້ປ່ອຍປາ ຢູ່ ໜອງທາດ ເຊິ່ງເປັນວັງສະຫງວນຂອງບ້ານທາດສາມປາງ 100.000ໂຕ ແລະ ວັນທີ 14 ສິງຫາ ກໍໄດ້ຈັດກິດຈະກຳນຳພານັກຮຽນລົງ ຢ້ຽມຢາມວັງສະ ຫງວນ, ຝາຍນ້ຳລົ້ນ ບ້ານໂນນແດງເໜືອ ເພື່ອສ້າງຈິດສຳນຶກໃຫ້ແກ່ເຂົາເຈົ້າ ໄດ້ມີຄວາມຮັກ ແລະຫວງແຫນ ສັດນ້ຳ ສັດປາ ທັງໄດ້ປ່ອຍປາຕຶ່ມອີກ 15.000ໂຕ./.
ກັບສາລະບານ
