ຫລິ້ນບຸນກິນຈຽງໃໝ່
*ບຸນກິນຈຽງປີຜ່ານມາ ໄດ້ສະຫລຸບ ແລະ ອັດລົງຢ່າງເບີກບານມ່ວນຊື່ນແລ້ວ ແລະ ແຕ່ນີ້ຕໍ່ໄປ ກໍຈະ ເປັນ ໄລຍະແຫ່ງສ້າງສາເສດຖະກິດຂອງຄອບຄົວ, ທຳມາ ຫາກິນຂອງຊົນເຜົ່າມົ້ງ ລວມທັງການຕັ້ງໜ້າຕັ້ງຕາ ປົກ ປັກຮັກສາປະເທດຊາດເພື່ອຄວາມສະຫງົບສຸກ ແລະ ປອດໄພ ແລະຂະນະດຽວກັນກໍເພື່ອເປັນການ ກະ ກຽມ ທຸກສິ່ງທຸກຢ່າງຖ້າມ່ວນຖ້າຊື່ນຫລິ້ນບຸນປະເພນີຂອງຊາດລວມທັງບຸນກິນຈຽງໃໝ່ອີກ ເຊິ່ງເຄື່ອງນຸ່ງ ຖືເອ້ ຢ້ອງ ຕ່າງໆ ແລະ ອາຫານການກິນ ຄືປັດ ໄຈທີ່ ຂາດບໍ່ໄດ້ຕ້ອງໄດ້ຊອກຫາ,ແຕ່ກໍຂຶ້ນກັບການ ສ້າງເສດຖະກິດ ຜະລິດເປັນສິນຄ້າຈຶ່ງຈະໄດ້ເງິນມາໃຊ້ຈ່າຍຊື້ເຄື່ອງນຸ່ງກໍຄືອາຫານການກິນຕ່າງໆ. ເປັນທີ່ຮູ້ນຳກັນແລ້ວວ່າ ໃນເດືອນທັນວາແຮມ 14 ຄ່ຳ ເດືອນ 1 ລາວແຕ່ລະປີກໍແມ່ນບຸນກິນຈຽງ ຂອງ ຊົນເຜົ່າມົ້ງລາວ ເຊິ່ງນັບວ່າ ເປັນບຸນປະເພນີອັນດີງາມ ປະຈຳເຜົ່າທີ່ໄດ້ສືບທອດກັນມາ ແຕ່ສະໄໝບູຮານນະ ການ ຄືກັບເຜົ່າອື່ນໆ ແລະ ໃນຮອບປີໜຶ່ງບໍ່ວ່າຈະຢູ່ໃນ ສປປ ລາວ ເຮົາ ຫລື ຢູ່ຕ່າງປະເທດກໍຕາມ, ເຂົາ ເຈົ້າ ຕ້ອງໄດ້ສະເຫລີມ ສະຫລອງຢ່າງເບີກບານມ່ວນຊື່ນ ແລະ ກໍເປັນເຫດການອັນໜຶ່ງເພື່ອເປັນການ ສົ່ງທ້າຍ ປີເກົ່າຕ້ອນຮັບ ປີໃໝ່, ສຳລັບປີຜ່ານມາ ໄດ້ຈັດ ຂຶ້ນ ຢ່າງຄຶກຄື້ນແຕ່ວັນທີ 16 ທັນວາ 2009 ແລະ ກໍສຳເລັດເສັດສິ້ນໂດຍດີໃນວັນທີ 3 ມັງກອນ ປີ 2010 ນີີ້. ເມື່ອການຫລິ້ນການມ່ວນຊື່ນສິ້ນສຸດລົງ, ປະຊາ ຊົນລາວເຜົ່າມົ້ງ ກໍໄດ້ຕັ້ງໜ້າຕັ້ງຕາລົງສູ່ການທຳມາຫາກິນກໍຄືສ້າງເສດຖະກິດຄອບຄົວການຄ້າຂາຍ ແລະ ກະກຽມອຸປະກອນຕ່າງໆ ເພື່ອຜະລິດກະສິກຳ ທັງລະ ດູຝົນ ແລະລະດູຸແລ້ງ. ແນວໃດກໍດີສຳລັບບຸນກິນຈຽງ ປະເພນີປີຜ່ານມາ, ຕາມທີ່ໄດ້ ໄປເຫັນຢູ່ບາງທ້ອງຖິ່ນເຊິ່ງນອກຈາກ ພໍ່ແມ່ ພີ່ນ້ອງລາວເຜົ່າມົ້ງ ໄດ້ພ້ອມກັນເບີກບານມ່ວນຊື່ນ ໃນ ປະເພນີບຸນກິນຈຽງ ຢ່າງເປັນຂະບວນຄຶກຄື້ນ ໂດຍ ສະເພາະຢູ່ບ້ານເວີນຄຳ ເມືອງໄຊທານີ ນະຄອນຫລວງວຽງຈັນແລ້ວ, ມັນມີສິ່ງທີ່ໜ້າພາກ ພູມ ໃຈຫລາຍ ເມື່ອ ຜູ້ ຂຽນໄດ້ກວາດສາຍຕາໄປມາ ໂດຍໄດ້ປະກົດເຫັນ ທັງໄວໜຸ່ມຍິງຊາຍ ທັງຊຸມຜູ້ເຖົ້າ ເຜົ່າອື່ນ ຕ່າງກໍ ໄດ້ເຂົ້າຮ່ວມ ແລະພ້ອມພາກັນມ່ວນຊື່ນ ເຊິ່ງນີ້ໄດ້ສະ ແດງ ໃຫ້ເຫັນເຖິງຈຸດສຸດ ຍອດແຫ່ງຄວາມ ສາມັກຄີ ຂອງປະຊາຊົນບັນ ດາເຜົ່າບໍ່ວ່າຈະຢູ່ໃນໄລຍະການ ຕໍ່ສູ້ຕ້ານພວກຈັກກະພັດຕ່າງດ້າວກໍຄືໃນໄລຍະ ແຫ່ງ ການ ປົກ ປັກຮັກ ສາ ແລະ ສ້າງສາພັດທະນາປະ ເທດຊາດລາວຕະຫລອດໄລຍະ 35 ປີ ແລະ ກໍເປັນຮູບພາບ ແຫ່ງການ ດຳລົງຊີວິດຢູ່ຮ່ວມກັນ ໃນດິນແດນລ້ານ ຊ້າງ ທີ່ແສນຮັກ ຂອງເຮົາ. ແນວໃດກໍຕາມ ເຖິງວ່າບຸນກິນຈຽງໄດ້ພົ້ນຜ່ານໄປ ແລະ ໃຜບໍ່ໄດ້ໄປເຫັນໄປຮ່ວມມ່ວນຊື່ນ ກໍຕາມແຕ່ ກໍລໍຖ້າ ເບິ່ງໃນປີນີ້ໂດຍຈະເລີ່ມແຕ່ເດືອນ ທັນວາເປັນ ຕົ້ນໄປ./.
ກັບສາລະບານ
